一日遊

今日，参加樓下阡陌中心攪的一日遊，先去沙田文化博物館，跟住去龍華食乳鴿，再去參觀可樂廠。

大戲館，展出很多戲服和飾物。

之後，參觀了新增的肥姐展館，展出的衫好靚，可惜入面唔比影相呢！

兩姊妹寫比肥姐的祝福

 Lunch 去龍華食，以前好高尚傢，而家就......

人影都唔多隻。

出名的乳鴿。

來到最想參觀的可樂廠。

生產過程。

好難先叫到家姐影幅相，佢兩個越大越唔鐘意影相，叫佢地同我影張合照，十分困難，

於是我唯有自己影吓公仔啦！

兩姊妹今日買咗好多紀念品。

迷網期

終於食完兩星期的藥，情緒的確沒有那麽焦慮，但整個人像沉於一個迷網期，心情仍然抑悶。

琴晚，和幾個中學同學吃飯，其中一個和我一樣有焦慮症，不過佢已經好番，停了藥一年，臨走時先講起我最近的情况，她極之明白我的感受，她說一定會有這些波動的日子，唔洗灰心，好多謝佢的鼓勵。和她傾訴，有啲野唔洗講都明，可能是同路人嘛！

佢話這一年 ( 停藥後) 都有反覆，只係佢信了主，佢無迫我信，只係提意，其實我由細都大，都有好多基督徒在身邊(屋企都有一個啦！)，但一直都好抗拒，我五個最好的中學同學，全部都是教徒(琴日嗰個都信了)。

我記得我有病入院那一次，出院那天，情緒很差，我曾經呼喚過主，看看他可唔可以幫我，結果我感受不到，所以放棄了。我覺得信唔信都要講緣份，我唔想當信仰係水泡，琴晚，我再一次呼喚主，我祈禱了，不過都好似無反應喎，可能大家都未 ready 啦！我係一個好怕比人迫的人，一切都要睇緣份。

在這個迷網期，唯一要先做的，是專心考好個試。

書展 -2009

今年書展的第一天，我地就去咗朝聖。

今年係書展二十週年，我估我都來咗十幾年了！

先參觀今年特有的時先隧道，

然後影吓相，

跟住就掃貨 ( 補充練習)，不過都有佢地鍾意的小說 ------ 老鼠記者，還有

喜洋洋和灰太狼

由十二點行到五點幾，五個幾鐘。今年算好，啲補充練習有得送貨，所以夠手攞全部的書，可以去成人館買自已的書，唔洗來多次。

總括今天的收穫係補充課練習買了千多元 ( 夠兩姊妹用一年了)，今次好忍手，費事買得多做唔到啦！

兩姊妹的戰利品 :  (有二、三十本傢！)

今年我好忍手了，買咗八本書:

最愛的張小孄，

還有 MamiMama、劉華的新書 ( 雖然唔係佢寫，都要捧吓場！)、也加子和阿蘇。

 

白蟻 - 更新篇

因大家覺得照片太恐怖，所以刪除了！

*********************************************

真係估唔到屋企居然有白蟻，間屋真係要搬啦！超恐怖！好在夜晚揾到師傅上來減蟲，承恵三仟三，超貴，但無法啦！

以下照片可能引起不安！好在用手機影，唔係好清。

 

天星小輪

週末、週日兩天，都留在家裡温習 ( 嚴格來說是查生教我)，兩姊妹悶了兩天，投訴無得去街，於是晚飯決定出尖吵咀食，當鬆吓啦！

我地去咗食德國豬手 ( 以前只有赤處先有，而家在尖東有分店)

德國腸

芒果蝦沙律

之後去咗Haagen-Dazs，食甜品

本來想回家，但見天氣好好，有風又唔熱，於是決定帶佢地去撘天星小輪到中環走一轉

兩姊妹都未撘過，這種天氣搭，真係好舒服！

畢業考

讀咗九年，終於等到最後一科的畢業考，剩餘一個月的時間，看似好足夠，但又好像唔夠，適值暑假，白天總要陪兩姊妹，或者帶她們去學野，唯有晚上去温習室。

這是最後一科，亦是我最沒有信心的一科，因為是 Finanical Management，要計數，我最弱的一項，又唔可以死背，自己又有好多唔明，要靠查生教，所以星期六、日是温書日，兩姊妹於是勁投訴，無計啦！要過了八月十六日，才可出關！忍吓啦！

婆婆的生日

今日係婆婆的正日生日，約了一齊去Cafe Too 食 lunch buffet 慶祝。一早先帶兩姊妹去公園玩。

跟住就出發去食 buffet 了。

其實今次去 Cafe Too，真係好抵，因為婆婆今日正日生日，佢係 六十二歲，而家 Shangrila 的優恵係，將一百減去六十二，所以我地今日全張單就三八折，超抵！

Cafe Too 出名的甜品區。

食物仍然維持水準，lunch buffet 都好多野食。

阿公就只係食吓蝦蛟呀、牛肉呀！

阿婆就勁了！由頭帶到落尾，臨尾整多個沙律添！

我喜愛的喇沙，食咗兩碗。

影番張合照先！

家姐的新髮型

家姐的新髮型，個樣居然和她兩歲半時差不多！

新的造型，由爸爸操刀。

兩歲半的 BB樣

十歲的少女 look