2009年10月26日 星期一

大 Project - 第九集 - 取鎖匙和訂傢俬

星期六取了鎖匙,就去訂傢俬,以我地的極速,一個下午,已經訂好了全部的傢俬,大部份的傢俬,都在 DSC 買,其餘就在宜家和實恵買。


星期日就去咗換鎖,和換燈胆,跟住的日子,就會忙着清潔。



2009年10月22日 星期四

未係時候

踏入新的學年,一開始 (九月)忙着放盤、賣樓、睇樓,到現在又要睇傢俬,執野準備搬,基本上少理咗兩姊妹的功課。


原以為家姊四年級有進步,可以放吓手,由佢自己處理,點知五年班有倒退跡象,老師回報: 唔專心、多口,又欠呢樣,又欠果樣,數學又退步了,要我地多加注意。


要放手,真係未係時候,五年班係重要時刻,不容有失,唯有盡快攪完搬屋的事,放番多啲時間跟家姊的功課,測完驗再算吧!

2009年10月21日 星期三

珍藏品

為咗搬屋,的起心肝去清理一堆以前買落的CD 和VCD,花咗個多月時間,終於執好。決定將啲珍藏影低。


劉華的CD和演唱會











劉華的電影








還有哥哥的 CD、演唱會和電影














這些碟我會好好O甘保存!

2009年10月20日 星期二

大 Project - 第八集 - 睇傢俬

今日同 Emily 行咗成日,先入沙田,想行吓宜家,點知宜家装修,於是去咗九龍灣嗰間宜家再行,去到行咗差唔多兩個鐘,之後又去找實恵再行,可惜九龍灣太細了,結果 Emily 再陪我到葵方的實恵再行。


總括來說,我地會去 DSC 買大部份的傢俬,餘下的應該會去實恵或者宜家。


如無意外,今個星期取匙後,就會去訂傢俬喇!


 

2009年10月19日 星期一

Farewell Party - 大閘蟹宴

相信今次的 garthering ,是在這間屋最後一次攪 party 了!大閘蟹加打邊爐。


今年啲大閘蟹,好正!



隻公好大隻







 


 


 

2009年10月15日 星期四

覆診 Update - Oct 14

琴晚又覆診,這個半月來情況都幾穩定,雖然經歷了買樓、睇樓和租樓等等,但我都可以一一坦然面對。對於一個好怕變的人,搬屋真係幾令我憂累,不過而家相信,一切都有神的安排,神會為我選取最好的路,心裡的煩惱自然減少!


未來的一個月,才是最考驗的,只要面對到搬屋O甘大的 project,我想好快就可以减藥喇!

2009年10月13日 星期二

大 Project - 第六集 - 回憶

用咗幾個星期的時間,終於算係執好啲 CD 呀、VCD 等,今日連啲相簿都整理好,下一步就係執吓的書。


執啲 CD 和 VCD 時,令我有時間去聽和睇番好多已遺忘了的歌和戲,從中令我發覺,原來搬屋都有些好處,一來可以清理吓的雜物,又可以鈎起一些回憶!

2009年10月8日 星期四

大 Project - 第五集 - 找到了

今日終於簽咗租約,最後都係租美乎,十一月中會搬,不過而家就沒有什麼可以做,因為要等收屋後,先可以買傢伙。暫時可以休息吓,唔洗再睇樓喇!

2009年10月5日 星期一

終於畢業喇!

近排忙着揾樓,唔記得去 check 吓考試的成績,今晚一睇 :










2009APRB2805Pass 3


合格喇!終於大學畢業了!

蛋黃蝦

做節學阿蘇整蛋黃蝦,跟佢的方法,用十隻咸蛋整,好好味,好似出街食果種味,好掂呀!不過唔可以成日食,唔係就爆血管喇!


終於畢業喇!

近排忙着揾樓,唔記得去 check 吓考試的成績,今晚一睇 :










2009APRB2805Pass 3


合格喇!終於大學畢業了!


蛋黃蝦

做節學阿蘇整蛋黃蝦,跟佢的方法,用十隻咸蛋整,好好味,好似出街食果種味,好掂呀!不過唔可以成日食,唔係就爆血管喇!



2009年10月4日 星期日

大 Project - 第四集 - 煩

今日繼續睇樓,三日夾埋睇咗十九間,結果仍然沒有一間 perfect match,本來有一間美乎算幾好,但查生話風水唔好,唉!又係果句,又要夾呢樣,又要夾果樣,邊有完美呀?


有間美乎,裝修幾好,價錢算合理,風水都勉強 ( 可住一年),但就兩房,不過廳大,但又因前面或會起樓,又未圍修,唔知一年內會唔會發生這兩件事,令我地考慮中。

2009年10月2日 星期五

大 Project - 第三集 - 失望

今日一口氣睇咗十一間樓,好累!第一次睇美乎,好失望,睇咗八間,只得一間的裝修 OK( 但都唔算豪裝,只係企企理理),但價錢就好貴,之前以為放得租的樓,裝修應該會OK,點知會差成O甘,價錢又唔係平,美乎只係交通方便,但就好舊。


之後去咗睇兩間碧海籃天,和一間宇晴軒,新樓的感覺真係好,係就無O甘實用,但週圍環境好靜,好舒服,尤其是碧海籃天,夠靜、會所又靚又大,間格都算四正(當然無美乎O甘大,但新樓來講算係OK喇),價錢都接受到,我就幾鍾意,但交通就唔係幾方便,又要接駁車。


聽地產講,週圍都無盤,所以租的價錢都幾企硬,唉!交通方便的,就舊同貴,幽靜新装的又交通唔便,真煩!