新環境

搬咗來美孚兩個星期，所有嘢都 settle 好喇！由十月頭揾樓開始，這兩個月都很忙碌，今日終於有機會停一停，休息吓！

呢度嘅環境比想像中靜，係落樓下的環境差 D，一切都適應到，還比想像中好。屋大了，兩姊妹走動嘅位都多咗，佢兩個就最開心，希望這裡可以住到兩年，唔好中途比業主迫遷，唉！搬屋真係好大工程O架！

大 Project - 第十六集 - 大功告成

搬屋嘅大 project 終於完成，搬咗來這裡兩個禮拜，所有嘢都執好喇！大功告成，可以休息吓！

朗誦

連續兩天都帶家姐去參加校際朗誦節，琴日中文，今日英文。以往家姐都唔係好着緊這些比賽，但今年佢好想攞獎，佢話唔想第日考中學個 profile 無獎喎，本來中文都幾好，欠一分就攞季軍，但今日英文，突然發台温，唔記得一句，扣咗好多分，佢幾失望呀！世事就是這樣，越想要越難得到，唔緊要啦，下年還有機會。

見佢O甘失望，帶佢去食碗麵做下午茶，又比我地無啦啦入咗間正嘢。

原來呢間啲麵用竹昇整嫁，阿蘇都推介過，D 麵真係好"但"，好好味！

三個婚宴

搬屋呢個 project 終於完咗，但近幾日依然忙過不停，從未試過四日飲三餐。

星期六 ( 11月14日)  一家大細去飲，兩姊妹最開心。

星期日 ( 11月15日)  好似舊同事聚會，似 annual dinner 多啲！

琴晚 ，星期二 (11月17日)  堂細佬結婚

大 Project - 第十五集 - 搬屋日

零九年十一月十三日，正式搬離美景喇！一早搬運公司就到，專業真係專業，不到二十分鐘，就將所有野搬走了。

到新屋喇！

告別青衣

這篇網誌出街的時候，我地已經搬離青衣喇！預早在前兩晚寫定，心情的確有點不捨，話唒住了在青衣十幾年，不過天下無不散之筵席，無事係永恆，沒有舊那有新，或者新的環境會更好呢？

再見喇！

大 Project - 第十四集 - Last Day

搬前一日，一早起身，查生就準備搬佢個魚缸。

今日邀請咗契爺來幫手，先搬個缸去新屋。

之後，就番屋企繼續執野。最後一日，執到成屋都係野。

大 Project - 第十三集 - 進入倒數

終於都等到倒數階段，後天就搬了，聽日應該無時間寫 blog，今晚就作最後update ，之後就要到新屋再寫喇！

搬屋公司比咗四十個紙箱我地。

掉了張梳化，先至有位放啲箱。

在紙箱包圍下，阿妹努力地做功課。

新詩一則

春、夏、秋、冬

冬天過了，春姊姊回到大地，草綠花香，

春天過了，夏弟弟來到大地，和太陽嬉戲，

夏天過了，秋哥哥去了大地，大地一片紅葉，

秋天過了，冬天到了大地，小朋友正在嬉哈哈地打雪戰！

搬屋執野，發現了家姐之前作的詩，都OK嫁！

大 Project - 第十二集 - 上屋搬下屋，唔見十籮穀

經過多星期的執執拾拾，屋企既雜物都清得七七八八，比人嘅比人，掉嘅掉，清走咗好多無用嘅野，上屋搬下屋，真係唔見十籮穀，不過執完之後，好似減完肥一樣，輕鬆哂！

參觀中學

今日真係超累，但唔係為咗搬屋的事，而係因為今日参加咗家姐學校攪嘅中學巡禮，不過行程相當緊密，朝早八點就要番到學校，一口氣參觀八間九龍城的中學，連午餐都要食飯盒。差唔多每間，都要行成六、七層樓梯去参觀，到回程時真係散晒。

其實八間都唔係我地心儀嘅，不過去參觀吓、了解吓都好，早些清楚可以早有打算。

八間較出名的是真光，係女校，家姐鍾意，不過係中中就要考慮、考慮！

Farewell Party Again

一早約咗今日去QQ屋企開生日會，後來又取消 咗，唔想班細路失望，測完驗係要輕鬆吓，既然大家一早都約好，於是我接咗個擋期，攪多次 Farewell Party ，搬之前盡玩一番，兼幫我清埋雪櫃啲食物。

連大連細十六人，這間叮噹屋最後一次發揮它的作用！

除了Farewell 我地屋企，還幫QQ補祝生日。

大 Project - 第十一集 - 等傢俬

今日由朝早十一點，等傢俬等到五點，等足一日。搬屋的事，已經殺到埋身喇，餘下還有七日就要搬，好像還有很多事未做 ......呀！

疲倦

自從上星期六取了鎖匙後，一路都為新屋忙東忙西，這兩天又忙着為兩姊妹測驗温習，身体甚為疲倦！