又去 Camp，不過今次去屋 Camp。
今次去長洲，係 Janet 等咗兩年先抽到架！間屋好新、好靚。
我地查氏一家，就係瞓呢間房。
去到無咩嘢做，居然打牌，嘩！十幾年無打過，打咗一圈就無心機打，比咗查生玩。
到咗夜晚，梗係燒野食啦！
第二朝，亞妹發高燒 (102.8)，其實佢入 camp 之前都發緊燒，叫佢唔去又唔肯，發高燒仲話要去踏單車。
最後，家姐跟啲叔叔姨姨，去"張保仔洞"，阿妹、查生和我就留喺屋休息。
家姐話去"張保仔洞"，仲好玩過去廸士尼喎！
睇吓佢幾開心！
2010年3月26日 星期五
更甚
病咗足足五日，今日好啲喇！但情緒十分低落！唉！當家姐嘅情況有所改善時，妹妹嘅問題又日漸嚴重，妹妹並沒有甚麽其難雜症，係一個普通正常嘅小朋友，駁嘴、懶散就係佢最大嘅問題，什麽事都求求其其，咩都唔想做，話佢幾句駁到妳暈，要知，我嘅 EQ都唔好，駁得幾嘢，我就發癲！
每次兩姊妹考琴，我嘅情緒都好差，要 push 佢地去練，係一件苦事，所以我好怕佢地考琴，今次阿妹考 3 級就更甚，其實佢一直都唔太鐘意彈琴，亦都沒有什麼天份，只是查生有佢嘅堅持，覺得唔可以比佢中途放棄，佢細個都係迫出來，所以一路要阿妹學，上次我叫佢停學大提琴，都比查生閙咗一餐。其實，我都同意做事唔可以半途而廢，但如果佢學咗三、四年都無興趣，O甘都係時候放手啦！
好喇！今次唔放都唔得，佢嘅無心機、駁嘴和懶散，激到 Miss 話教完佢考試後，唔教佢喇！唉！比 Miss O甘講，我真係覺得好肉酸，我以為阿妹會好 hurt，點知佢不知自己錯，仲嘴 mui mui ，以為 Miss 嚇吓佢，只要下次專心啲，就無事，但係琴日練琴時仍係得過且過，一啲悔意都無，呢個女比起家姐更難攪！
2010年3月19日 星期五
2010年3月18日 星期四
天下父母心
無意中上咗港台嘅網站，發現一個叫[天下父母心 ]嘅節目，一口氣睇咗幾集，得到好多反思！
Total 十集中講述有關發展障礙兒童及青少年的家庭，這些障礙包括自閉症、言語障礙、讀寫障礙、動作協調障礙、專注力失調 / 過度活躍症和亞氏保加症。
睇咗幾個 case，有亞氏保加症、讀寫障礙、專注力失調 、過度活躍症等，突然覺得自己好失敗，比起幾個 case 嘅媽咪，我覺得自己對兩姊妹做得太少，尤其喺家姐身上，可以做到嘅應該更多，雖然有自責，但我覺得佢地嘅 case ，比我好大嘅鼓勵，想咗好耐嘅問題，好似突然想通了，我會更加努力去學習，做一個真正付出嘅媽咪。
而家呢個年代，做父母比上一代真係難咗好多，不過嘅然選擇了，就要全心做好呢個角色喇！
http://programme.rthk.org.hk/rthk/tv/programme.php?name=tv/parenting&p=4504
值得感恩的兩件事
今朝 一起身，就發生咗兩件開心嘅事，好值得感恩！
正當近來為家姐嘅成績和人際關係煩惱時，今朝接到瑪嘉烈職業治療姑娘嘅電話，話家姐被安排做一對一嘅職業治療，實在太 just fit 喇！嗰小組剛剛上完，正在擔心再無治療，對家姐嘅影響，職業治療又比咗個希望我地，加上時間又夾到功課繁忙嘅家姐，實在太好了！自從三年班開始喺政府跟進，一個又一個嘅評估、小組，一個跟着 一個，從沒間斷，比起好多其他小朋友好彩得多，有啲話排幾年都無做O甘多嘢，真係好似係主嘅安排，所以要感謝主！
另 一件值得感恩嘅事，係我今朝收到email，我攞到大少奶本小冊子喇！
********************************************************************
寄件人: steven
主題: 過氣新娘實戰經驗之談 - 足料版 換領通知
收件人: saraleung212@yahoo.com.hk
日期: 2010年3月16日,星期二,下午7:56
你好 :
我們已經收到你的換領券, 並且已經確定你在首100內,
我們會在今個星期內陸續寄出 “過氣新娘實戰經驗之談 - 足料版” 你手上。
青馬文化事業有限公司
**********************************************************************************************
2010年3月12日 星期五
食譜三則
婆婆呢兩日去咗旅行，晚餐就由我負責。
琴晚嘅:
椒鹽肉排
食譜來自大少奶本新書
豬腩排 (一字骨) 半斤
蒜頭 4粒 (剁成蒜蓉)
辣椒 3隻(去籽切絲)
椒鹽 適量
豬肉醃法：加生抽、雞粉、少許糖、鹽、胡椒粉、少許洒、粟粉，豬肉加酒可辟羶味
1. 豬腩排醃好備用
2. 將醃好嘅豬腩排撲上栗粉，用半煎炸方法，煎到金黄色，撈起瀝乾油備用
3. 燒熱另一隻鑊，加適量油，先爆香蒜蓉及椒絲，再將豬腩回鑊兜勻
4. 灑上椒鹽，兜勻後熄火上碟
今晚有蕃茄魚尾湯和韓色炒豬肉
蕃茄魚尾湯
材料：鯇魚尾１條、豆腐 1磚（洗淨，切成４小塊）、蕃茄 3個（切小件）、薑 2片。
做法：鯇魚尾去鱗洗淨，抹乾水分，少鹽稍醃。以二湯匙生油爆香薑片，並將鯇魚尾煎至微黃色。煲滾清水，水滾後放入魚尾猛火滾數分中，轉中火煲約20分鐘。加蕃茄和豆腐再滾約10分鐘。
韓色炒豬肉
豬肉片 一包
韓色辣椒醬 兩湯匙
蒜蓉 適量
豬肉醃法：加生抽、雞粉、少許糖、鹽、胡椒粉、少許洒、粟粉，加適量蒜蓉 ， 兩湯匙韓色辣椒醬 ，全部撈勻，醃四、五個鐘
做法: 燒熱隻鑊，加適量油，下豬肉炒熟即可
2010年3月10日 星期三
Julie & Julia - 隔代廚神
琴晚租咗呢套 DVD 睇，唔錯！女主角之一的梅麗史翠普，依舊好戲。電影講述一位美國女人，因為生活苦悶，一日突然啲起心肝，決定用一年時間完成學習JULIA食譜中的524個食譜，並將其過程全部寫進自己的 blog 裡，結果成為人氣blog ，最後出埋書，做咗作家。
一個好新而又 update 題材，喺香港都有呢啲寫 blog 寫到紅嘅人，特別係寫食譜講煮食嘅 blog。
對於學緊法國菜嘅我，睇呢部戲更加投入，想買呢本食譜，不過聽講係一本全文字食譜，而且賣得好貴添！
如果喜愛煮食嘅人，呢套戲係唔錯嘅選擇。
2010年3月6日 星期六
家姐十一歲生日會
轉眼家姐就十一歲，家姐仍舊要求開生日會。
今次無影到很多相，連大合照都無影，只係影咗全家幅。
家姐恨咗好耐嘅雪糕蛋糕。
今年家姐要求大家送 Transformer 比佢做生日禮物，真係估佢唔到！
雖然影得唔多相，但就拍咗 Video。
http://www.youtube.com/watch?v=V-xMQChO6B0
家姐啲生日願望
2010年3月5日 星期五
2010年3月3日 星期三
訂閱：
文章 (Atom)