覆診 Update - Apr 28, 2010

好耐無 update 覆診 嘅情況，其實呢幾個月，心情和情緒都係平穩，keep 住食一粒藥，只係唔敢 ask for 減藥，因為未來嘅半年，要面對很多事，家姐嘅呈分試、揀中學等，更重要嘅改變係工人姐姐滿約後，唔再請工人，自己一個 handle 哂成個 family，呢啲對我來說都係挑戰，所以唔會輕易完個 treatment，相信要等一切 settle 哂，才敢停藥，都食咗兩年幾，唔介意再等多半年，費事前功盡費啦！

但我相信，只要我信自己可以，神會給我力量去面對一切的！

法式王汁

學完法國菜成個月，終於啲起心肝試煮吓學過嘅嘢。第一樣要整嘅係個王汁，因為法國菜有好多食物，都要配呢個汁來食。不過要煮呢個汁都幾煩，阿 sir 話要分三日煮，每日煲一個鐘，我就無跟足，分開兩日煮就算。

要煮呢個汁，先要預備以下材料:

牛骨兩斤和一啲牛嘅下欄嘢，洋葱、西芹、甘荀，茄羔、蕃茜、香葉、 Rosemary、黑椒粒

先將牛骨和下欄嘢放在焗爐用250度低面火焗15分鐘，切記唔好洗啲骨

再將洋葱、西芹、甘荀切粒

做法:

1.  用牛油慢火炒香洋葱、西芹、甘荀，加入牛骨，放入蕃茜、香葉、 Rosemary、黑椒粒，再加入茄羔再炒，然後加水煲滾後，慢火煲三個鐘 (分三日，每日煲一個鐘更佳)，煮至濃，隔渣。

2.  隔渣後嘅汁，再煮滾，大火加入少許 [麵撈] 調至糊狀，再加入白蘭地、紅洒及糖和鹽，便成。

附註:

[麵撈] 係牛油加麵粉，先將牛油用慢火煮溶，下麵粉慢慢撈混炒香

第一次整嘅[麵撈] ，太希喇！

睇吓！阿 sir 嗰啲，成舊吖嗎，今次我失敗了！

經過兩日煮成嘅王汁

個樣都有八成似阿 sir 整嗰啲，味道梗係差啲，只有五、六成喳！最初我以為今次實失敗，好在後來又想到方法保救，試過呢次自己煮，啲 steps 清晰好多，下次做一定會好好多！

雖然唔係好成功，但O甘複雜先煮成，就唔好浪費，照 keep 來煮其他食物喇！阿 sir 話放喺冰箱可以 keep 好耐架！

 

開心過後......

去完日本返來一個星期，今日嗰心終於返番來喇，一切又回復正常。每一次開心過後，都會有幾日失落。其實放假前或去旅行前，嗰種期待嘅心情，往往開心過放假當日或旅行期間，不過，之後嘅失落又好慘喎！

世事就係O甘，無今次嘅完結，又點會有下次嘅期待呢？

玩完返來，又有好多嘢等住我做喇！

唔知幾時再有得期待呢？

日本- 和歌山、神户、大阪之旅@2010 -第五天

話 O甘快就到了最後一日，今日只得兩個行程，食完早餐，先去養珠公司聽珍珠培養講座，之後就去機場附近嘅 outlet，自由時間 shopping 同食午餐。

臨走都要食個魚生飯，之後就去機場返香港喇！

五日嘅旅程，轉眼又過到了，今次玩得真係真係好開心，多謝姊妹們幾天嘅照顧！

以下就係今次旅程買嘅所有戰利品喇！

日本- 和歌山、神户、大阪之旅@2010 -第四天

呢日喺三十樓食早餐，個 view 幾好！

因為今日要去環球影城，跟住又去大阪嘅心齋橋 shopping，需要大量嘅 energy ，所以要食份超豐富嘅早餐

食完就出發去 Universal Studios，未夠九點我地就到喇，排隊等開門

第一個 game，就玩咗導遊推介嘅 Spiderman，真係幾好玩喎！

我地 total 玩咗四個 game ，就決定放棄，都係行 shop同影相吸引啲！

 

如果阿妹見到，實好開心，Hello Kitty 喎！

啲杯麵好靚，忍唔住每人買一 pack ( 一 pack 四個，我一家四口，剛剛好！)

喺呢個 Snoopy 店入面，我地影咗貼紙相

因為想四個一齊影，又唔夠時間排位，就攪成 O甘囉！不過，我地玩得好開心喎！

一入樂園見到，就已經 plan 咗要食呢絛脆脆喇！

比我見到唔洗排隊，仲唔即刻走去同佢影番幅相咩！

原來全世界只有大阪呢間 Universal Studios先有 Hello Kitty專門店

玩抽獎，500 yen 玩一次，我玩咗兩次

我地啲獎品

我地喺樂園買嘅戰利品

十幾年前去過美國嘅 Universal Studios，印象中只有一些同電影有關嘅遊戲，無日本呢到 O甘多公仔嘢，所以我比較喜歡呢個 Universal Studios 

玩完樂園，出返大阪市喇！到咗心齋橋，展開三個鐘頭血拼喇！

經過一日嘅辛勞( 玩完樂園再血拼三個鐘)，成個人散咗，好在呢晚食鐵板燒，可以慢慢食，Hea 吓！

我地加錢訂嘅黑豚豬

真係一分錢一分貨，同平時食嗰啲豬肉，無得比呀！

最後一晚，最痛苦就係執嘢啦！好在有阿 Cat 幫手，先可以放到o甘整齊

一件去兩件返

呢日太疲倦，所以無食宵夜喇！

 

 

日本- 和歌山、神户、大阪之旅@2010 -第三天

第三日，食日式早餐，食完早餐又出發喇！

先去備長炭館

今日終於天朗氣清，影相都靚啲！

四個人，八隻腳，有型嗎？

啲花好靚呀！

午餐喺黑朝市場食，每人派 1500 yen任買，不過我都買到 over budget 啊！

我至愛的魚子飯

同導遊加錢訂嘅魚生船

呢餐食得豪嘅午餐

食完嘢梗係週圍行吓，買吓手信啦！

呢個告事牌好得意，叫人唔好摸啲海鮮，唔係啲海鮮會感冒喎！

我地仲去對面個水果市場，買咗啲柿返香港添！

之後就去日本三大名泉之一嘅有馬温泉古典街，

熱烘烘嘅饅頭，好好味！

仲有玩具博品館

原本無想過，四月中都可以睇到櫻花，但居然比我地偶然見到幾棵，梗係即刻狂影相啦！

原來櫻花真係好靚！

終於到咗 shopping 嘅時間，神户嘅三宮商店街

Shopping 咗差唔多三個鐘頭，我地決定戰鬥到底，連飯都唔食，只係留番五分鐘去便利店買嘢食就算，佢地三個買包和杯麵，而我就買咗便當上車食，之後仲去埋神户漁人碼頭廣場影夜景，先至返洒店休息。

呢晚嘅宵夜好豐富，有喺水果場買嘅柿，超甜！

同導遊訂嘅巨型牡丹蝦

睇吓！真係好大隻架！

仲有好味嘅士多啤梨

佢地買嘅杯麵，曄！日本連杯麵都好味過人呢！