2010年7月31日 星期六

泡沫之夏



終於都睇完全套,由漫畫小說改編為偶像劇嘅'泡沫之夏",睇咗第一集己深深愛上它了,好在呢套劇之前喺大陸做先,已經出了碟,可以一口煲了全套劇,唔洗等台灣每個星期日做完先睇到一集。


“泡沫之夏”是以少女尹夏沫成長經歷為主線,圍繞著愛情,親情展開。夏沫、洛熙和歐辰都是寂寞的人,寂寞而且缺乏安全感,他們嚮往幸福,然而又充滿恐懼。當愛情強烈得令人無法呼吸,要逃避,或是勇敢面對?





對於結局,我有少少失望,我比較喜歡夏沫和洛熙一起,我喜歡洛熙嘅痴情,因為内心的孤獨和恐懼,使他成為一個異常敏感,又患得患失的人,令他說了很多很多傷害夏沫嘅說話,洛熙和夏沫之間有太多誤會,加上歐辰嘅阻撓,使他們嘅愛犧牲了!


好多人話歐辰深情,但我就不喜歡他不擇手段,一次又次的去拆散夏沫和洛熙,雖然他很愛夏沫,但用這樣嘅方法逼夏沫和他結婚,實在不能接受!那種窒息般的佔有欲,讓人透不過氣,將愛情握得太緊,既傷害了夏沫,又傷害了他自己。



自小夏沫就知道歐辰喜歡她,為了保住養父份工,夏沫和歐辰成為一對,直至洛熙嘅出現,她被深深吸引住,但又要壓制自己嘅感情,為了家人,放棄了洛熙,後來再度重遇洛熙,雖然終於走在一起,但因為夏沫自少失去父母,弟弟是她唯一嘅親人,她很疼愛這個弟弟,夏沫視親情重於一切,小澄是她嘅全部,愛情對於她來說係奢侈品,所以就算她和洛熙拍拖,她都不能全心全意,偏偏洛熙需要一個百份百愛他嘅人,矛盾自然而生,後來更加為了救小澄,而再一次放棄洛熙,嫁給歐辰。夏沫對歐辰只有恩情和歉疚,之後夏沫因為小澄嘅死而崩潰,突然發現有了 BB,給了她生存嘅希望,夏沫選擇接受一個無法改變嘅事實----已經成為歐辰嘅妻子,歐辰成了她唯一嘅家人,歐辰說得對,因為有了BB ,一向重視家人嘅夏沫,只有選擇留低,選擇了歐辰,其實夏沫一直都係愛洛熙,對於歐辰,夏沬係盡妻子嘅愛,而洛熙就係她魂牽夢繞的一個夢!洛熙似乎係永遠被放棄嘅一個。

不過,或者太過相似的人 容易互相吸引 也容易互相厭惡,選擇歐辰,比較合符現實一點。

[明知道他是危險的 是在遊戲 報復 但是我的抵抗力卻這麼薄弱 這麼無力]

[我就知道不能這樣吻她 她就像是毒藥 明明她是致命的 可是, 我竟然放不開她 就算死 也要吻著她一起死去]



2010年7月27日 星期二

暑期活動-2010-回顧-玩Wii & 書展

剛過嘅一星期,所有暑期課程都開始了,兩姊妹嘅生活十分充實。


之前應承阿妹考試考到1-5名買嘅 Wii,終於買了給她,之後嘅五、六日,都瘋狂地打、打、打!





星期五,家姐嘅同學來我地屋企玩,因為有 Wii ,更加玩得不亦樂乎!





除咗打 Wii,都有玩其他嘢,Uno 呀!



大富翁,



連足球都玩埋,



仲有超級無敵大電視,真係超級盡興!



玩完成日,夜晚仲帶佢地行埋書展添,不過今次書展,太多人所以無影相。


我地今年嘅收穫。




 


 

2010年7月20日 星期二

暑期活動回顧-2010-長隆

上星期五、六帶咗兩姊妹上長隆住一晚,今次同埋表姨媽一家一齊去。



今次,我地住嘅 family 房,一人一張床,唔洗瞓得O甘辛苦喇!



間房望到水上樂園,但我地無去到,家姐發老卑閙點解唔去喎!



最後,我地去咗洒店泳池游水。



晚飯,book 咗間房,可以睇到白老虎架!



食完飯,去咗打保齡、乒乓波和卓球消磨時間。


 


 


 


 

第二日,出發去野生動物園。

 


 


 


 


 


 


 


 


 




2010年7月15日 星期四

暑假活動-2010- 回顧 -上大陸食 buffet

上星期暑假正式開始,星期日帶咗兩姊妹上大陸食 buffet。


今次係為咗慶祝婆婆生日,我地用咗兩個幾鐘,由葵芳上到深圳嘅海岸購物城,嗰度真係好大、好多嘢食,不過都唔算平,大人 RMB170,長者 RMB85,兩姊妹都當大人,後尾查生講到阿妹先有八折,走嗰程,費事O甘辛苦,撘直通巴返葵芳,$35位,所以北上食 buffet 都無 SO!但兩姊妹好開心,話好多嘢食喎!





可能就係因為呢啲蠔,食完呢餐,我就病足成個星期,又屙又嘔、又發燒,下次都係唔好去,因為我病咗,兩姊妹嘅暑期班又未開始,所以佢地呢個星期都係留喺屋企玩,不過星期尾先係重點,我地去長隆玩兩咗日呢!

2010年7月8日 星期四

全心投入

幾乎每年嘅暑假,我都要為咗應付考試,而要閉關温習,每年都要等我考完試,先有時間同兩姊妹出去玩,今年就唔同喇!唔洗考試,就可以全心全意,陪兩姊妹渡過呢個暑假,所以今年報咗好多暑期活動,管接管送,加上要為家姐增加實力,還要抽一些時間同佢温習,自己嘅私人時間相對會少了,不過唔緊要,要做全職媽媽係要付出喇!

2010年7月6日 星期二

西餐

自從年頭開始學法國菜,對煮西餐嘅興趣,好似突然間被發掘了出來一樣,呢幾個月,不斷學,不斷試整,都好 enjoy!聽日學埋最後一堂意大利菜後,就要暫別兩個月了!(因為暑假嘛!)



 



有一味我覺得自己煮得唔錯,而且好易煮,想喺度分享一吓:



 



芝士蟹肉焗大蘑菇




材料:



蟹肉一罐                洋葱一個切粒        青椒、紅椒各一個切粒



白菌切粒                蛋黄一隻                鮮忌廉、蒜茸、芝士粉少許



Mozzerella 芝士



 



 



做法:



 



煮麵撈(麵粉加牛油) ,落奶並加入魚湯或雞湯,再加入芝士粉及白洒,煮成白汁 (汁度要濃)



 



落牛油炒洋蔥,下蒜茸,加青椒、紅椒、白菌炒香,下蟹肉、加調味(盬、糖、雞粉、胡椒粉) ,下忌廉,收火下蛋黄。



 



把已烹調的所有材料放入大蘑菇內,鋪上芝士粉及Mozzerella 芝士,放入焗爐用250度焗至芝士變金黃色即成。



 




2010年7月5日 星期一

暑期活動 - 2010

仲有唔夠一個星期就放暑假,繁忙嘅日子又開始喇!一早已經為兩姊妹,安排好暑期活動了。今年因為學校裝修,所以唔洗返學校上活動,時間就比較容易安排,學嘅嘢都多咗。


 


兩姊妹嘅暑期活動如下:


 


星期一                    9: 15a m – 10: 15a m     漫畫班 (妹妹)


                                3:30pm – 4:30pm         公民數 (家姐)


                                4:00pm – 5:15pm        英文補習班 (妹妹)


                                5:45pm – 7:15pm         中一面試班 (家姐)


 


星期二                    12:30pm – 12:45pm    Jazz (家姐)


                                12:00pm - 1:00pm      樹枝黏土(妹妹)


                                4:40pm -6:30pm         補習(家姐)


                                5:00pm -6:00pm         Kid Zone –Story (妹妹)


                                8:30pm -9:30pm        學游水 (兩姊妹)


 


星期三                    9: 15a m – 10: 15a m      漫畫班 (妹妹)


                                4:00pm – 5:15pm          英文補習班 (妹妹)


                                4:00pm – 5:00pm          Kid Zone-Oral (家姐)


 


星期四                    12:30pm – 12:45pm     Jazz (家姐)


                                1:30pm -2:30pm          紙黏土 (妹妹)   


                                2:45pm -3:45pm         布公仔 (兩姊妹)


                                8:30pm -9:30pm         學游水 (兩姊妹)


 


星期五                    自由活動日 (無暑期活動,可以休息吓!)


 


今年花費喺兩姊妹嘅活動,係歷年最多,兩個夾起來,夠兩個人参加日本五天遊了,由於今年呢個暑假,對於家姐來說很重要,除咗玩,仲要補好個底,迎接六年班嘅來臨,所以貴啲都無計,至多無得去旅行啫,如果下年入到好中學,再去都未遲啦!