2010年10月29日 星期五

小六生血淚史 - 開始篇

呢篇網誌係應家姐嘅要求寫。話說開學兩個月,頭嗰個零月啲功課量都仲 OK,呢兩個星期就開始多了,可能要趕住教啲書,十一月頭測驗,十二月頭又考呈分試,啲老師梗係 嗱嗱臨教哂啲書,然後狂做練習啦!每日仲要做公民數、英文補習姐姐嘅功課、學林中文嘅練習等,每晚都做到九點幾,唔可以維持九點半瞓嘅習慣。


家姐每天都投訴,點解O甘多功課,點解要補習,甚多怨言...... 佢又知自己六年班要博,但又唔肯付出,唔明成功需苦幹嘅道理,唉!你估我想補O甘多習架!我錢多咩!唔補習淨靠温學校啲作業、工作紙,肯定死得啦!而家啲學校考試會考 extra 嘅嘢,佢地 expect學生喺出面學, 於是個個都喺出面補習,如果你唔補習,OK,你會合格,但唔會高分,人人都想考間好中學,個個就要攞高分囉!


家裡有個小六生,全家全年都一齊受壓。我家有個小六生,仲要係一個極度固執(亞士保加)嘅,未來呢年真係唔知點捱,正確來講,應該係小六生全家血淚史先啱!


 

2010年10月28日 星期四

@Tubino

琴晚終於試咗大少奶勁推介嘅 Tubino,噢!真係掂!



試咗大少奶話必食嘅 items。


黑松露菌湯 ------- 超正!自己真係整極都整唔到。



燒羊架同意大利飯,好好食,不過鹹咗少少!




之後叫了甜品 ----- 我地最愛嘅心太軟。



我地問侍應有無飯後酒,大少奶話呢隻酒好香,點知侍應話無飯後酒,跟住查生同佢吹吓水,又响了大少奶個朶,佢就話隻洒叫grapper,原來無得 order,係熟客先送,我地最後梗係有啦!查生再同佢吹多陣,仲送多兩件甜品添!




間嘢嘅食物水準真係幾好,我覺得好過 Watermark,不過就唔夠佢個 view 好。呢餐食得好開心,之後查生仲帶我去埋 "Topas" 開咗佢先前買嘅白洒,正呀!




 


 


 

2010年10月17日 星期日

日本牛肉飯

上星期睇大少奶個 blog 教整牛肉飯,佢話個味有 95%同吉野家相似,於是今晚跟佢個食譜整。


真係好易整喎,只要屋企有味醂就整到喇!


  


下次買埋個日本碗仲似吉野家出品。

2010年10月10日 星期日

與好友週年紀念@Yamm

琴日攞正 premit出去玩,因為又係我地四個好友嘅週年紀念 ( N 年喇!),今次去美麗華嘅 Yamm。


原先我地book 咗"都會海逸",點知星期四晚同阿婆講開,佢話佢個 friend 話唔抵食,其實臨急臨忙都無想轉地點,點知星期五睇到 Athena 個 blog,介紹 Yamm話好,我即刻打去問,點知仲有位 ( 初初開要三個月前 book 架!),O甘就梗係轉呔,即 book 啦!$238 + 10% ,仲買四送 一,我地剛剛四個,埋單 $185,超抵!


食物種類無 Cafe Koo O甘多,但勝在精緻,顧住影食物唔記得影人喎!


啲蝦同螺都好爽!



蠔就太細同重海水味,唔得!



啲壽司好好味!



沙律、串燒都 very good!




仲有鐵板燒。




前年我來 Yamm食過 dinner buffet,嗰時可能因為覺得啲人講得太好,而價錢又貴($5XX),所以覺得唔會反兜,但今次食 lunch buffet,$185又覺得超值喎!


整體來說,琴日呢餐 buffer,好好味!好感恩啊!

2010年10月4日 星期一

善用 LE CREUSET 煲

自從買咗個LE CREUSET 煲回來,就成日想吓用個煲整啲咩!


琴晚,用來整泡菜一品蝸。


開始時好整齊,



煲咗一陣就亂了喇!



上枱了,都幾好味,下次買啲正宗日本料,味道應該會更好!



再接再厲,今晚再用來煮煲仔飯,都算唔錯,不過仍有進步嘅空間呢!


2010年10月2日 星期六

中學同學聚會@國慶日

琴日由中午開始,已經開話始準備晚餐。好難得約齊啲中學同學,加埋啲老公、仔女,十幾人相聚於我家。我想成十年都無O甘齊人喇,所以辛苦少少,煮一餐都值得!


我地六個難得齊人。



加埋啲細路就更難得喇!



整咗牛肋骨、菜沙律、冷烏東、忌廉湯、田螺焗薯蓉和煎蟹餅,不過我太忙,叫阿妹影,佢只係影了薯蓉,



和呢個外表失敗嘅蟹餅(不過味道唔錯喎!)