2010年12月21日 星期二

上週回顧



家姐考完呈分試後,展開了一連串嘅吃、喝、玩、樂。


11-12-2010 (星期六) ~~~ BBQ @碧堤





13-12-2010 (星期一)~~~ 打邊爐@小肥羊





15-12-2010 (星期三) ~~~ 夜晚去覆診,之後約咗 Hee Hee 和 Emily 去和民食飯。


16-12-2010 (星期四) ~~~ 呢日超凍,下午都只係得 7.5 度,約咗 Hee Hee 和 Emily 去飲茶,之後行了一陣,就回家了。夜晚去咗銅鑼灣上 iPhone training,提早個幾鐘去到銅鑼灣行吓,九點幾上完堂,諗住求其食啲嘢返屋企,點知查生 call 話剛剛落機,等埋佢返美孚打邊爐,O甘凍(得7度)打邊爐都好,O甘夜仲好抵,$143咋!





19-12-2010 (星期五) ~~~ 朝早去咗吉之島買聖誕禮物。


18-12-2010 ( 星期六) ~~~下午和Eva 一齊上" I love kitchen" cooking class ,幾好架!





夜晚,又打邊爐@ Winnie 家





一個星期又BBQ,又打咗三次邊爐,臨別秋波,last 個星期真係用盡哂,勁呀!

2010年12月20日 星期一

I love kitchen

星期六上咗 "I love kitchen"攪嘅一個 cooking class,嘩!人地呢啲真係 pro,同喺工聯會學嘅差好遠,呢啲先係煮西餐嘛!


呢嗰蕉糖蘋果杯,好易煮架!會試。



啲蘋果好好味,呢味仲好有聖誕 feel,嚟緊開 party 會試。



阿 sir 把刀好大,好勁!



南瓜沙律,都好易整。




呢一堂 cooking class $200 兩個鐘,學完可以攞返$200嘅廚房用品,好抵架!下個 target係去 Sogo Club 學。


 

2010年12月14日 星期二

BBQ@碧堤半島

為遷就兩位六年級嘅女生考試,契媽入伙嗰餐,延遲到上星期六才攪。



對住個O甘嘅 view燒野食,好好 feel!




今次算齊人,除咗QQ之外,連 Freddy 都有嚟!




考完呈分試,最開心就係兩個阿媽。





契媽仲喺 club house  book 咗卡啦OK 比我地唱。



最後去"發記"食埋糖水先返屋企,perfect!



 


 

2010年12月7日 星期二

陪阿女讀書

今日由食完中午飯後( 一時左右)開始,就坐喺家姐隔離,有別於以前,我會由她自己温,有問題先找我,而我就去做其他嘢,今次我同佢一齊温,今日温常識,最多嘢背,佢讀緊時,我就睇書,一直陪佢到六點幾,一步都無離開,費事佢又唔專心,浪費哂啲時間。


呢次嘅呈分試,我係十分緊張,因為我覺得,如果而家有得温有得讀,都唔去做好啲,到時出來成績唔好,先後悔就遲啦!可惜今次家姐啲態度麻麻,佢都着緊,但明顯無上次O甘認真,真係比佢激死!

2010年12月5日 星期日

小六生血淚史 - 第二次呈分試

聽日家姐就考第二次嘅呈分試,呢兩日都留喺屋企閉關温書。雖然我明白唔可以迫得家姐O甘緊,但佢有時慢吞吞嘅態度,真係令我好火!相對上一次嘅呈分試,今次我更加緊張,可能聽完啲中一簡介會,了解得愈多,就愈死!加上近期被某事煩着(雖然表面上,已經解決咗,但實際上仲要忍多幾個星期),心情大受影響。而家我唯有不斷話比自己聽,咩都唔好理,過咗呢四日至算啦!


其實,原來幫人温書,仲難過自己温,唉!唯有盡力而為啦!

2010年12月2日 星期四

與 blog 友見面@Tubino

今日約咗從未見過面嘅 blog 友 Amy,同埋大少奶喺Tubino 食 lunch。雖然第一次見 Amy,但係都覺得好親切,好似識咗好耐,可能大家都有個讀六年班嘅女,話題就更多。


嚟過呢度第三次,第一次影到間餐廳全景。



今日啲相用部新 iPhone 影,唔知是否未習慣部機,啲相影出來麻麻地,大少奶唔好意思,要借用你啲相。


呢杯餐前飲品,係同大少奶嚟先送架!幾好飲喎!



呢幅我用 iPhone 影,係唔係同大少奶影嗰啲差好遠呢?



今日餐湯: 粟米海鮮湯,好味!



我叫嘅豬扒配鵝肝醬汁,個豬扒做得好出色,唔會鞋口。



大少奶叫嘅羊。



Amy 叫嘅鱸魚。



同大少奶來,連甜點都升級,呢個朱古力mousse,係要凍食,我唔太愛甜品,但我都覺得呢個好掂。



蘋果tart,呢個反而普通啲。



心太軟,I like it!



跟餐嘅甜點都唔錯架!



我杯咖啡好靚架!



餐飯食到三點幾,但都好似傾唔夠喉,呢幾日心情麻麻地,但同佢地食完飯後,心情好返好多喇!好期待下一次啊!


臨走見到個紫色聖誕老人好靚。



 


 


 


 

傷心鵝掌門

心煩咗幾日,想出去行吓,琴晚同查生出去打邊爐,今次去食麻辣火鍋。其實,暑假嗰時,睇完本[我的愛如此麻辣],就好想食一餐麻辣火鍋。


[傷心鵝掌門],個名都好怪,地點都幾辟,係大角嘴。



正宗嘅四川麻辣湯底,不過我地都叫咗少油少辣,同食開[小肥羊]嘅好唔同,唔係正係得過辣字,個湯底好香。




啲鵝腸仲好食過[名城],但又平過佢。



叫咗好多嘢,都係三佰幾,比去[小肥羊]抵好多。