2011年6月28日 星期二

25日療程

一路都有飲開木耳水,因為中醫話我血(傑),木耳可以令血氣行得好啲,就唔會週身痛。


前排,偶然睇到一個 blog 介紹了呢個25日療程,決定自己試吓先!


以下引用 blog 友仔一篇網誌 - 小黄屋的生活點滴 : (首領,唔好意思借用你的文章)


此食療筆者是嚴浩,白背黑木耳對心、腦血管都有幫助,降膽固醇好得!


食療如下:


白背黑木耳二両,瘦豬肉二両,紅棗五個,生薑二片。用法:先用水浸透木耳,將湯料以適量清水煮一小時,得湯約二碗,每晨空腹飲下,餘渣酌量食之。日飲一劑,廿五日為一療程,之後再抽血驗膽固醇。如體質怕寒,加生薑二片。服至正常後,不時服食,不用長服。


先浸軟木耳,我無加瘦肉,只加紅棗和薑片。



 



因為要食埋啲木耳先有效,但就咁食都幾難食,blog 友仔教 blend 碎佢,我先取出薑片,木耳和紅棗一齊 blend。



我一次過整三日,朝早叮熱當早餐食。



 


原文如下:


http://hk.myblog.yahoo.com/Little-YellowHouse/article?mid=2703


我已經服了五天,頭兩天多了便便,之後就沒有什麼特別,希望可以堅持 25 日啦,之後再同大家分享!


 


 

2011年6月27日 星期一

迎接暑假來臨

趁有得上網,喳喳臨出篇 blog 先,今日好悠閒,無出街,有無特別嘢要做,數數手指,原來呢啲寧靜一個人在家嘅生活,好快就要暫別,星期四開始,兩姊妹就返半日學,返一個星期又放暑假了!原本諗住今年暑假,唔學咁多嘢悠閒啲,點知唔覺唔覺,又好似好忙咁,兩姊妹話要學日文和黏土,只係學兩樣嘢,加埋阿妹要返學校嘅暑期藝術體操班,平時學開嘅公民數和英文補習,結果又日日唔得閒,帶出帶入,又無哂私人時間了!

2011年6月26日 星期日

麻煩的一週

由上星期日開始,煩惱嘅心情就開始了!先有樓下阿姑投訴,比佢激到我頂上心口,之後總算 settle 了!本應心情略為平靜,點知星期四屋企電話同上網又唔得,揾有線師傅上來,話我地有一個接口位生銹,但佢又揾唔到個接口位喺邊,叫我地問業主,死啦!業主鬼知咩!唯有叫佢問裝修師傅,唉!都唔知等到幾時,師傅話天氣好,個接口可能會正常番,我有得上網,但唔知幾時會斷,好似而家咁偷返來,師傅仲話,如果唔整,遲啲連電視都無埋,慘啦!我最喜愛上網同睇電視,兩樣都無,好似坐牢咁,點過日子呀 ......

2011年6月17日 星期五

徵文比賽

真係估唔到我人生第一次參加徵文比賽,居然得到亞軍!話說年頭阿女學校份校報,因為我係呢份校報嘅家長義工,知道佢地攪了一個徵文比賽,有學生組和家長組,我想鼓勵妹妹参加,於是我同妹妹一齊参加。


結果,今日阿女放學返來話我攞亞軍!


作品如下:


我的一個難忘的奮鬥經歷


 


的一個難忘奮鬥經歷,橫跨了九個年頭,雖然談不上有甚麽奮鬥,但絕對是難忘的!


 


二零零零年,剛剛誕下了大女不久,有一天,腦子裡突然泛起了一個念頭:[既然每天都是上班、下班,放工後回家照顧女兒,日子天天如是,不如趁女兒還小,快快地進修一個大學學位,完成自己多年的夢想。] ,於是立即行動,四出搜集資料,最後決定報讀公開大學,因為是遙距課程,無需固定上課,又不限時間完成,比較適合我這種在職媽媽。


 


要說難忘經歷,一定要說我讀第二科的時候,我懷了第二胎,最初幾個月,每天嘔很多次,身體十分疲倦,整個人像虛脫般,曾經想過放棄,但最後我都堅持下去,我記得我大肚(差不多六個月) 去考試,雖然真係好辛苦,但結果都捱過去了。另外,三年前,當小女兒也升上小學,每天放工都要趕着回家,跟進兩姊妹的功課,當時份工又很忙碌,經常需要加班,這段日子壓力很大,最後身體出現了一些問題,需要休息一段時間,根本沒有精力和時間再進修,家人和朋友都叫我停學,但是當時心想,已經讀了幾年,如果現在放棄,就很可惜了,最後經過多方面衡量,決定辭掉工作,一來可以多些時間陪伴女兒,二來又可以專心繼續學業,盡快完成整個課程。


 


這九年裡,心裡經常出現放棄念頭,然而每次我都向自己說: [這是我的夢想,不能半途而廢,成功是需要苦幹的。] ,我要做個榜樣給女兒,讓她們明白凡事決定要做,就要堅持下去,不能中途放棄,透過我的經歷,可以令她們明白一件事,小時候沒有好好讀書,長大後要進修是很辛苦的,希望她們珍惜讀書的機會。


 


上年我終於畢業,終於完成了自己的夢想,這一份開心和滿足感,是非筆墨難以形容的!

2011年6月16日 星期四

自家製意大利飯

其實呢味整咗好多次,次次想寫底個食譜,次次唔記得。我呢個意大利飯係經過我改良,合我自己口味 ( 少芝士),所以我覺得好食過出面架!


材料:       


意大利米      (分量睇包裝,有啲一量杯 = 一碗飯)   


磨菇  (切片)       


洋葱 (切絲)      煙肉 (切粒)          


雞湯                  巴馬臣芝士 (咆絲)    巴馬臣芝士粉


做法:


1.   先用油爆香煙肉、洋葱 ,之後加入米炒勻


2.   再加入磨菇炒勻


3.   分多次加入雞湯,用中火去煮,每一次雞湯收乾水後再加,邊煮邊不停攪


4.   當米煮至七成熟時加入,巴馬臣芝士粉和巴馬臣芝士(多少視乎自己喜愛)


5.   最後煮至自己喜愛硬度及韌度熄火,焗十五分鐘便成



 


 


 


 

沙巴之旅-2011 - 準備篇

早於一年前已經計劃今年暑假全家去日本玩,更加叫埋其他兩個 family 一齊去,點知三月日本大地震,地點被迫要改,我地諗來諗去,地點由原本打算去台中牧場,一改再改,終於上星期 final confirm 去沙巴,陽光海灘,我地一家最鐘意,我想去沙巴好耐架!


前日,同 Carol EE去旅行社了解吓啲 package, 雖然我地八月中先去,但原來啲機位好緊張,似乎要快快落單,不過 Kami EE又想遲少少先 confirm, 唉!人多就係咁,要就嘅嘢都多啲,現階段我同 Carol EE,做緊啲 package 嘅比較,下星期再算!

自家製意大利飯

其實呢味整咗好多次,次次想寫底個食譜,次次唔記得。我呢個意大利飯係經過我改良,合我自己口味 ( 少芝士),所以我覺得好食過出面架!


材料:       


意大利米      (分量睇包裝,有啲一量杯 = 一碗飯)   


磨菇  (切片)       


洋葱 (切絲)      煙肉 (切粒)          


雞湯                  巴馬臣芝士 (咆絲)    巴馬臣芝士粉


做法:


1.   先用油爆香煙肉、洋葱 ,之後加入米炒勻


2.   再加入磨菇炒勻


3.   分多次加入雞湯,用中火去煮,每一次雞湯收乾水後再加,邊煮邊不停攪


4.   當米煮至七成熟時加入,巴馬臣芝士粉和巴馬臣芝士(多少視乎自己喜愛)


5.   最後煮至自己喜愛硬度及韌度熄火,焗十五分鐘便成



 


 


 


 


沙巴之旅-2011 - 準備篇

早於一年前已經計劃今年暑假全家去日本玩,更加叫埋其他兩個 family 一齊去,點知三月日本大地震,地點被迫要改,我地諗來諗去,地點由原本打算去台中牧場,一改再改,終於上星期 final confirm 去沙巴,陽光海灘,我地一家最鐘意,我想去沙巴好耐架!


前日,同 Carol EE去旅行社了解吓啲 package, 雖然我地八月中先去,但原來啲機位好緊張,似乎要快快落單,不過 Kami EE又想遲少少先 confirm, 唉!人多就係咁,要就嘅嘢都多啲,現階段我同 Carol EE,做緊啲 package 嘅比較,下星期再算!


2011年6月15日 星期三

東平洲一天遊-2011

考完試第一個節目,就係去東平洲,星期日一早落大雨,仲掛埋黄暴添!不過今次係跟本地遊,除非黑暴先會取消,所以都要出發。



好在之後雨細了,下午仲有陽光,真係感恩!



先去吉澳参觀,



然後食 lunch。




食完先撘船去東平洲,喺船上玩吹波。



到咗東平洲喇!





因為導遊話,可以選擇跟佢繼續行一段艱難嘅山路,或者中途自由行吓,我地大部分都無行,只有家姐好想去,爸爸就陪佢行。







三點就回程,喺船度班細路去哂船頭玩!



玩定型喎!笑死!






解散先記得影大合照,當然我地未散,我地去咗科學園食哂晚飯先走啦!


2011年6月13日 星期一

結婚紀念飯@帕莎

一如前兩年,結婚紀念日撞上兩姊妹考試,於是等考完試先食飯慶祝,今年十五年喇!我地選擇了食新彊菜。



呢個新疆烤餅係送既,配上橄欖醬和雞肝醬,好味!



煙鴨胸老虎菜沙律,好fresh幾好味!



芝麻羊肉卷,個皮似酥皮般好鬆脆, 加上羊肉, 好夾. 羊肉味不太重!



另叫了馳名羊肉串和大菇串,反而我覺得一般!



我見個個都叫這個花茶,於是叫來試吓,又 OK 喎!



甜品: 拔絲香蕉,侍應在我地面前整,外表幾靚,但味道只係一般!



嚟呢度主要睇呢個肚皮舞蹈表演。



 


 

2011年6月6日 星期一

小六生血淚史 - 畢業試

話咁快又踏入六月,聽日家姐就考畢業試,今次成績唔洗呈分,只係如果放榜派得唔好,就要用今次嘅成績去叩門,由於洗呈分,家姐都放鬆了很多,不過呢個世界唔怕一萬,最怕萬一,橫掂都係今年最後一次考試,我覺得應該作最後努力!


慶幸有個 long weekend,三日假期,邊度都唔去,兩姊妹一齊喺屋企温習、温習再温習!

2011年6月2日 星期四

覆診 Update - Jun 1, 2011

昨晚又去覆診,醫生問我減藥後,呢個月情況如何,我話都 OK,點知佢問我有無信心停藥,突然間我未有心理準備喎!我以為減咗吃半粒藥,都要食番一段時間,先至可以完全停藥,點知咁快可以啫!結果,醫生決定睇多一個月,佢話等埋家姐放榜後,睇吓我應唔應付到,仲絕到下次覆診約到放榜後一日,即係話如果下次我覺得我 handle 到,佢就會比我停藥喇!

2011年6月1日 星期三

香港普及体操節-2011

上星期日,妹妹跟學校参加了香港普及体操節表演,一早八點就返學校準備。


我同爸爸兩點先到伊館睇表演。



因為坐得比較遠,影啲相很濛。中間做拱橋嗰個就係妹妹喇!



下面一字馬嗰個



結果,馬頭涌攞了最型格金獎和小學組大獎,雖然係團體獎,但有廿一份之一份,當然要攞個獎杯影吓相啦!haha