2011年7月29日 星期五

Upgrade Yahoo Blog

第一次在新嘅 Yahoo Blog 寫網誌,好似好陌生咁,不過遲早都要轉,無計啦!

2011年7月26日 星期二

等了又等

暑假開始了兩個星期,日子過得比平日仲快,帶出帶入兩姊妹去上暑期班,等佢地嘅時間, 閒閒地一、兩個鐘,有時行街都唔行得咁多,於是趁機用來睇吓戲,之前想睇嘅戲(download 喺個機仔到),睇吓之前買落啲書,好過浪費哂啲時間,等哂啲時間啦!



2011年7月18日 星期一

暑假時間表 -2011

本來諗住今年暑假唔學咁多嘢,想多啲時間休息,只係報了兩姊妹想學日文和黏土,點知原來夾埋學開嘅,又係好忙。


暑假上星期已經開始,加上今年家姐升中,又有兩星期預備班要上,今年得我一個,帶出帶入,真係無哂私人時間。


星期一                         10:30 -12:30     藝術体操  (妹妹)


                                     4:00 -5:00         公民數(兩姊妹)


星期二                         11:00 -12:00     黏土班(兩姊妹)


星期三                         12:00 -2:00       日文(兩姊妹)


星期四                          10:30 -12:30     藝術体操  (妹妹)


                                      11:00-1:00       英文補習 (家姐)


                                      4:00 -5:00         黏土班(兩姊妹)


星期五                          12:00 -2:00       日文(兩姊妹)


                                      4:00 -6:00         英文補習 (妹妹)


星期六                          11:00 -1:00       學琴  (家姐)


啲暑期活動都喺八月中完,八月中又去沙巴,之後嗰兩星期先至完全休息!


 


 


 

2011年7月17日 星期日

海洋公園粉絲夜

暑假第一激,就係去海洋公園,年年都話暑假咁熱唔嚟,但又年年嚟,不過今年係夜晚去,所以無咁熱。


今次多得表姨媽,揾到$99去夜場,抵!








呢個係新 game ,幾好玩,不過會濕身!













2011年7月15日 星期五

家姐畢業禮 + 謝師宴

六日三十日係家姐嘅大日子,小學六年班嘅畢業禮。



今年請了車淑梅做嘉賓,原來佢係校友,由車淑梅頒畢業証書給家姐。



家姐有份代表畢業生上台唱歌。



而阿妹都有份表演藝術体操。



畢業禮完了,當晚就是謝師宴,呢個係一個難得嘅機會,增取和老師、同學影多啲相。




另一個校友--- 高浩正係晚宴嘅嘉賓。



蕭老師,由四年班跟到六年班(三年)嘅班主任。



同校長影相





佢地嗰班當晚影咗好多相,我發覺佢地嗰班雖然嘈,但就真係好團結!





 

2011年7月11日 星期一

小學生涯最後一日

上星期五,係家姐小學生涯最後一日,都預咗返去玩,佢都無帶書,淨係帶了相機。


同啲同學仔影吓相。



蕭老師,跟咗三年嘅班主任。



成朝都係影相同玩。



我問家姐有無喊,佢話無喎!但始中有不捨之情,天下無不散文延席,離別都係人生必經嘅階段,係時間學習喇!


2011年7月8日 星期五

六生血淚史 - 媽咪心聲

經過一星期嘅(憑撲)日子,相信一齊都定下來了!一年嘅六年級生活亦結束喇!果然跟想像般忙碌。


放榜後,有朋友覺得我地派到第三志願,都去叩門,有啲多如,我承認今次我地選校進取咗,怱略了減班嘅影響,令到結果同預期有出入,因此有點失望,但亦好感恩,咁樣都派到間英中(仲要係好,只係了解不多),可能家姐個隨機 No. 幾好,如果唔係仲煩!不過,我絕對沒有後悔當日嘅決定,沒有怨恨,始中係自己選擇,有啲事唔博過唔心息!


我地之所以仲去叩門,是因為想盡埋最後嘅努力,免得日後後悔,既然唔得,就接受神的安排,我相信這就是最好的!呢兩日睇多了旅港嘅資料,發覺真係唔錯,人有時真係會虛榮,喜愛老牌學校,但有時可能普通學校辦學仲有 heart。


綜合呢一年嘅升中準備日子,真係有少少心得想分享,考好成績當然重要,但選校排位、對每間學校嘅了解都非常重要。雖然我都做了很多準備,但就只集中兩、三間學校,我覺得其實如果是 brand 1 生,最少應該詳細了解五間 ( 頭五個志願),brand 2生最少頭 10 間,要接受派到就要入,叩門是極難的!


點都好終於都過了整個過程,可以鬆一口氣!雖然,九月又到妹妹升五年班,後年又升中,但我相信有了今次經驗,我諗會好好多!


 


 


 

2011年7月7日 星期四

六生血淚史 - 叩門 Day 2加註冊

今日一早又去迦密考筆試,其實家姐唔想叩迦密門,係我同查生一廂情願,最後我問佢,如果真係唔想去,就唔好去,但佢又話想去考吓!


筆試考中、英、數,因為太熱唔想行來行去,所以坐嚮出面等,好在同一個家長傾計,傾吓傾吓好快過三個鐘,十二點幾出來,老師話會再打電話面試,之後我話比家姐聽,QE 失敗了,咁佢會點選擇,結果,佢仍堅持就算迦密收都唔讀,寧願讀返旅港,既然係咁,今日就去註埋冊,聽日唔洗再走來走去!


放榜三日真係好累,今日終於決定了,個心唔洗再七上八落喇!

2011年7月6日 星期三

小六生血淚史 - 叩門 Day 1

雖然一早有準備叩門嘅文件,但其實無真係想過會用,今日去咗伊中 interview,只係見家姐一個,幾分鐘就見完,阿女話今次 in 得比自行嗰次好,但不竟幾十人爭一個位,唔係咁易!


之後送家姐返學,諗住嚟開學校,就見吓麥副校意見,佢話旅港真係唔差,第三志願都入到,應該感恩,至於迦密,其實兩間都差唔多,要睇自己鍾意邊間多啲,我問了她攞 reference letter, 佢就答應問吓校長,結果,校長真係寫了封信 , attn: QE 校長,於是我又立即攞去QE,點知佢地唔肯收,唉!本來打算出去寄咗佢,好彩嬸嬸好好人話轉頭幫我送上去,因為封信 attention 比QE校長,又用香港政府信封,唔似叩門信,如果個嬸嬸真係幫我,封信應該可以交到他手中。


叩門真係好累人,出出入入,身心受創!聽日仲要去迦密考試,究竟幾時先有答覆呢?

2011年7月5日 星期二

小六生血淚史 - 結果

終於到了今天,結果係有少少失望,第三志願又唔係好差,但總覺得欠少少,都係去了叩門。


今朝一早就返到學校,已經見到人頭湧湧!



家長先到禮堂聽校長講嘢,八點三左右就收到家姐電話,話派了第三志願 - 旅港開平,之後就立即去迦密和伊中叩門,好在琴晚準備好哂所有文件,一去到交 form 就得。唉!兩間都要等消息,等待是十分惱人,幸好終於等到,伊中明天 interview,迦密後天考試!


希望呢兩日有好消息啦!


 

小六生血淚史 - 放榜日

呢篇 blog 出嘅時,相信已經知道結果了!


我地就係準備帶呢啲嘢去攞成績,希望佢地用唔着,唔洗叩門啦!


2011年7月3日 星期日

小六生血淚史 - 放榜前夕

終於都到放榜前夕,心情真係好緊張,我覺得仲緊張過自己會考放榜,反觀當事人- 家姐就好似沒什麽般!我真係好努力叫自己 放鬆,但又真的做到,唉!可能兩個女都沒有經歷過什麼放榜(小一嗰次),所以呢種心情係第一次,原來真係好折磨架!唯有願主保守吧!深信主嘅安排就是最好!

2011年7月1日 星期五

小六生血淚史 - 叩門準備

仲有四日就放榜,心情開始忐忑,開始着手叩門嘅準備,當然唔希望用得着,但準備好,個心好似定啲!