2012年6月26日 星期二

派對前嘅準備

好多人覺得招呼朋友返屋企開派对,是一件很頭痛既事,又要煮,又要洗,又要準備,好煩!不过,我又幾enjoy 喎!我一直覺得與朋友一起相聚,傾吓、講吓、食吓嘢既愉快時光,係一件想心樂事!在預備既过程中,仲比我找到樂趣,所以,我屋企经常都有派对。

來緊既星期六、日,都有派对開,想在此分享一吓,一些少少心得。

要準備一個 party,首先要設計一份合適既餐單,要針对喜好,聚会既性質,客人年纪等,都影響我地餐單既編寫。餐單既決定,也要取決於家中既煮食用具,盡量避免重複用同一煮食用具,例如焗爐,因為用同一個煮食具,就無法將工序分散,虛耗時間。決定了餐單後,就要為買食材而作好凖備,預先將需要既食材列出,再按照購買地點分類,計劃購買路線,有些食材可提前買定,而一些海鮮、肉類就必須當日購買,總之要簡化派对當日既工作。

有些食物係可以早一天預備,例如: 凍批、一些冷藏食品,還有一些醬 (如: 咖哩醬) ,也可早些準備,到派對當天加入肉一起煮就可,製作湯比較需時,早上就可先煮好,到晚上重新加熱就可。烹調既次序也很重要,所以要好好計劃,以免手忙腳亂!

只要有適當既準備和安排,開 party 都可以好輕鬆!

2012年6月16日 星期六

虛榮

人唔多唔少都会虛榮,做了媽媽之後,就更加虛榮,想仔女入名校就係虛榮一種。現今嘅媽媽,想盡方法,都想子女入讀名校,由幼稚園、小学到中学,都為入名校为目標,我自己當然係其中之一,啲女三歲就比佢地出九龍塘讀幼稚園,放棄附近屋邨学校,小学就去得更逺,由青衣去到士瓜湾,每早五点幾起身撘校車,好似弱待啲女咁,但冇計啦,當時揾到既学校,都係近乎我地教育理念,而又有心既好学校,我唔係盲目崇拜一些出名名校,我真係了解过,有些名校,係完全冇 heart ,我又唔会慕名入讀,所以我觉得有少少虛榮都唔过份啫!

直到中学,有好多事我控制唔到,家姐被派去了一間,從冇想过会讀既学校,雖然都係 brand 1英中,係呢區既名校,好多人笫一志願都入唔到,但始終覺得有一点遺憾,心裡總覺得佢可以去間更好既学校,但呢一年,我見家姐喺呢間学校讀得好開心,我亦漸漸反省了,讀唔讀名校都好,最緊要讀好書,入到大学,出來做事,人地鬼理你边間中学出來,最緊要醒目做到野啫!

近排,到细妹考呈分試,心裡嘅虛榮心又出來了,想佢考好啲,考返間可能冇家姐間咁好,但係是傳统名校,因有直屬關係,當年家姐放棄了都有啲後悔,但阿妹今次考得好差,可能唔可以選這校了,心裡正煩着,是否考慮比佢選返家姐間学校就算了,点之琴晚一餐飯,令我有些唔開心。

話說琴晚有個親戚從外国回港,我地一家同佢食了餐飯,親戚帶來一位朋友,那朋友是有啲錢,和我99 很friend ,我 99 一向羨慕人地,一坐底,某人介紹呢個 freind 比我識,第一句就話,佢個女讀DGS , 之後那朋友問我個女間学校名,因她住那區,她也知道,並立即跟某人説是一間那區出名英中,好明顯某人曾向她查过,其實,某人一直不喜歡家姐讀而家間学校,甚至之前間小学,以前已問我,為何唔選DGS ,唔通全港得DGS 先讀得,DGS 係好,但也要量力而為,係!我承認我從來都冇以此校為目標,我知如果由细,勁培養家姐入呢間,以佢資質, 可能也考到,但DGS 出名有錢人讀,就算我地死慳死抵供佢讀,都可以應付,但週边同學仔都有錢,我地唔同level , 始終唔好!

某人只係識虛榮,永遠覺得我地害了兩個女,根本冇考慮实際因素!

2012年6月13日 星期三

減肥

減肥從來唔係我杯茶,我唔係唔肥,我係超肥添,但点解我仲可以講啲咁既风涼話,係因為我為食囉!我人生最大既興趣就係食,加上近年喜愛了煮食,就更加對食有要求!週不時食好野,就變成我生活一部份,所以我從來都冇試过真真正正去減肥。老實講,減肥係要有無比既恆心和毅力,我自問沒有,那就從沒真正立下決心去做。

不過,我都是女人,偶爾也想靚,總會有時想試吓,加上隨着年纪增長,唔想有三高,都想学吓食得健康些!最近行書局,買了呢本書,係一個管養師寫,曄!睇完後,我覺得我都係唔会減到肥了!




書裡提及,每餐一定要計算好份量,餐餐要左計右計:kcal、脂肪比例、熱量等,作者強調減肥係可以食得飽, 但食來食去都係瘦肉、菇菌、蔬菜、蒸、烚,我就真係頂唔順喇!Keep fit 唔係一日半日,係一個長期鬥爭,我唔驚食唔飽,最怕冇美味野食,咁就冇哂人生樂趣啦!我認同用管養餐減肥,係最有放和最健康,我相信有恆心,一定成功!不過美食令我開心,靚同快樂,我選擇了後者!

但為了健康,又真係唔可以天天大魚大肉,食清啲係啱嘅!呢本書令学到一啲有用知識,就算跟唔到佢全部,間中試吓,都可以接受。我相信只要食得唔過份,就算冇 fit 嘅身形,有健康身體,已經足夠!

減肥是沒有捷徑,什麼事情也要付出,既然我唔想付出,就不如唔好開始,減唔到肥,唯有繼續做肥C9啦!哈哈!

2012年6月8日 星期五

結婚十六週年紀念@Habourside

之前查生一直想同我去試 , 呢間既 buffet , 一直都冇時間。Intercontinental - Harbourside 原來出名貴,成七佰幾一位,不過因為有朋友有張買一送一咭,即半價,我地借來試吓!





真係好多海鮮,嘩!啲龍虾超好味! 去餐廳叫個海鮮盤都成千元,呢度任食,唔怪得收咁貴!













食咗好多海鮮,不過,呢度最吸引我嘅是鵝肝,即煎仲任食。



我已經冇食好耐,今次破哂戎,我估我食了八、九塊。

其實,呢度啲其他食物都好好,但因為已經食咗好多海鮮和鵝肝,真係食唔到太多了!




甜品就一般,冇驚喜!

Anyway, 做得咁貴嘅 buffet, 都值得一試!

2012年6月6日 星期三

簡易食譜- 咖哩炒飯

炒飯係最簡單既食譜,平時炒飯,多數加火腿、煙肉、义燒等,但如果屋企咁啱咩都冇,就唯有淨係用蛋(我估屋企應該有蛋呀!),琴日我就係用蛋炒咗個飯,但又唔想咁清,一時諗起上次学波羅炒飯,阿 sir 加了咖哩粉,令到啲炒飯好香,於是今次又試吓加咖哩粉,最後,又加了之前在十元店買嘅葱粒,结果就変了呢味咖哩炒飯。




Trip: 之前炒飯都係落飯先落蛋,但有次睇电視教人,下蛋先炒一炒再立即落飯,会更好,試過幾次啲炒飯真係香啲!

就是呢枝葱粒,好方便,有時想用葱,又唔想切,啱哂!


2012年6月5日 星期二

簡易食譜-白汁意粉

妹妹今個星期考呈分試,呢幾日十一点幾就返到屋企,以往考試早放,午餐都是出街食,但樓下啲食市,食得多都厭,所以今次打算自己煮午餐比佢食,要諗啲方便又易煮既食物。琴日,整了一個用罐頭什煮既意粉,又幾好味喎!




之前行超市,已經見到呢個卡邦尼磨菇汁,一直都想試!以前未學西餐時,煮意粉多數用磨菇湯做白汁,不過味道通常一般,但自從學了西餐,就會自己煮白汁,但就比較麻煩!呢個卡邦尼磨菇汁,雖然始中冇自己煮白汁咁好,但如果要方便快捷,呢個汁係一個幾好選擇。

二人份量
材料:
一個洋葱
四片煙肉
意粉
一罐卡邦尼磨菇汁

做法:
煮熟意粉備用
將洋葱、煙肉切粒,先炒香煙肉、洋葱,下意粉,略炒,再落磨菇汁兜混,調味 ( 可加少許黑椒,要試味,因磨菇汁已有味,未必要落鹽)


2012年6月2日 星期六

腰疾-update

不经不覺去針炙,已經三個多月,一星期兩次,非常有恆心,不過我決定暫時停一停,其實成果並不是如之前所想咁理想,醫師经常話要比長些時間,才能見到成果,可是三個月,对我來說,唔算短,如果效果係70%以上,我覺得我会繼續去,但而家看來效果又不是很好,我估好了20-30%,我就想係唔係值得再用咁多錢,($400一次,$800一個星期),條数都幾貴,加上來回一轉起碼用半日,這都是我決定暫停既原因。唉!又一次斷唔到尾喇!