去唔成 Camp 既兩天

8月15日 星期五，一早 book 咗去曹公譚，兩日一夜宿營，原本今年諗住，四個C9帶一班細路去，冇班男人份，一來唔洗佢地請假，二來我地四個C9 可以傾餐包，大家都好期待！
 
唉！點知又遇到打風，其實，嗰朝早八號波已落了，只係掛住個三號波，又冇風又冇雨，唔知點解死都唔落波，因為康文署規定，中午十二點前，如果仍然係掛三號風球，當日 camp 就取消，結果，我地入唔成 camp ,大人細路都好失望，我地今年暑假，只係攪了呢個活動，所以，我地立即再安排過一些活動，以作保償！
 
嗰日下午，去了游水，夜晚一班人一齊去打邊爐，之後仲上了Quennie EE 屋企玩。
 

第二日，約了去晿 K ，之後去 Carol EE屋企 BBQ .

嘩！又打邊爐，又燒野食，又玩集體遊戲，總算無白過這兩天，玩盡了！

大少奶駕到

寫了 blog 四年多，自問唔係天天寫，只係有些事想記底下來時，才寫在blog 裡，所以我個 blog 唔算人氣 blog ，除了自己朋友，好少外人入來看，但幾年間，總有認識了一些新朋友，其中人氣出名既大少奶，居然比我真係認識到，見到面仲成為朋友，另外一位 Amy ，亦因為大少奶關係，做了朋友，每隔一段時間，就會相約見面。雖然，我地見面了唔係好多次，但因有睇對方既 blog ,大家好似好了解對方既生活，好像認識了很耐既朋友，每次聚會，都好開心！

琴晚，本來約了出去相聚，前幾日大少奶話想來我家，整嘢比我和Amy 食，嘩！真係又開心又緊張，大廚駕到呢！唔知煮咩招呼佢地好！

大少奶整了燻雞、糖心蛋、自己親手焗麵包和蕃茄醬，還即場做了薯仔沙律及煎茄汁蝦碌，比我偷師！ 家姐勁鍾意食包和那個蕃茄醬，食到 lam lam 嘴！

而我就煮了清酒煮蜆、羗蔥蟹、義大利飯和燒豬肋骨。

三個人在廚房，一齊煮野食，一齊分享煮食心得！原來一齊煮食，係咁開心！

台北自由行-2012- Day 4 & 5

去到第四日，一早起身，食完早餐，就喺酒店附近行了一圈。

行咗一個鐘，就返酒店房再浸溫泉，超爽！Hea 到中午就 check out 去九份。 我地包了車去，所以時間唔算太耐，一個鐘左右。

九份大街，又係行吓、食吓！

去茶館坐吓！ 跟住，再去十分，那些年一起追过的女孩曾經喺度拍，因此出名了！ 提定動作，放天燈！

 

呢晚我地住返台北市，晚餐食鼎皇麻辣火鍋，超正！ 之後，行了通化夜市，就返酒店。

 
話係五天遊，其實得四天，第五日搭十一点機回港喇！
 
今次係第四次來台北了，感覺比之前幾次差咗，或者人大了，没有以前那麼喜愛街頭小食，兩個女又不太喜歡，始終喜歡陽光與海灘多些！

台北自由行-2012- Day 3

第三日，個颱風走了，天氣都轉好了！原本爸爸今日請了一天假，但因昨日打风， cancel 了個会，所以早上要補番，朝早我地在酒店 hea 住等他，到了中午，他回來，我地就 check out , 出發去北投，正式展開我地既觀光之旅！ 我地今天訂了春天溫泉酒店，住四人㙮塔米房。

 

之後，我地就搭酒店車出北投站，轉捷運去淡水 。

去淡水老街醫肚先，呢度好多街頭小食！

去了一個好细博物館，影咗啲攪笑相！

淡水日落好靚！

红楼，食台菜，幾好食喎！

 

食完晚飯，就返酒店浸溫泉！

台北自由行-2012- Day 2

第二日，打风停工停課，好似我地八号风球般，但台北市只是大风一点，风雨也比昨晚弱，但电視新聞，不斷播着台北其他地方，暴雨連連，唔怪得朋友們也擔心我地，幸好，而家有facebook和whatapp， 可以向香港朋友報平安！

爸爸早上唔洗返公司，所以同我地一齊在酒店食早餐，跟住我地返房，好在有wifi, 爸爸做公司野，我地就睇电視、上網、打機等。

大约一点，我地行出去附近食 lunch, 求其入間食日本嘢既餐廳，又幾好味喎！

之後，爸爸要返公司開会，我地三母女，又繼續留在酒店房 hea ，又有好多劇，岩我地睇，有大長今 、花C 奶，仲有台劇、韓劇不斷播。我仲小睡了一會，超悠閒，以為去旅行打风好掃興，其實都唔係吖！

Hea 到五点，出去西門町行吓，食阿忠麵線，不過我覺得差咗，真係回憶既味道係最好！

等埋爸爸放工，就去呢度食火鍋放堤，幾個朋友都叫我去試，噢！真係超正，佰幾元港幣一位，啲食物係靚料！如果去台北，好值得試呢！

台北自由行-2012- Day 1

七月頭先決定去台灣，今次是我地三母女，跟爸爸出差，一齊去的，機票是用 Asia mile 換的。

今次個 trip , 有很多值得感恩既事。原先爸爸係要由上海飛过去，我地三母女自己飛去台灣，後來爸爸又可以和我地一齊在香港飛，我地三個原先 book 了中午機，因為就爸爸，改了早上10：00 機，剛巧當天有個勁颱風到台灣，一早通知當日下午機要取消，所以我地沒有受影響，安全到達，十分感恩！
 
到達台灣己中午了，當時已大风大雨，之後坐車去酒店 check in 先， 頭兩天住呢間酒店，在內湖區，近爸爸公司，雖然遠離市區，但酒店对面，就是捷運站，非常方便！

放低行李，爸爸就回公司工作，我地三母女就，搭捷運出去行吓！

我地去信義誠品店睇書，行了幾個鐘。

之後再搭捷運去忠孝敦化站，join 埋爸爸去鼎泰晚食飯。 大风到不得了，吹到……

其實當晚已大风大雨 ，食完飯好早就回酒店，成晚电視都係報道颱風消息，並宣佈明天停工停課，估唔到來台灣，都遇到打风！