2013年1月28日 星期一

十八人團年飯

係呀!係十八人團年飯,好熱鬧呀!琴晩既團年飯,食得好開心呀!




我和查生,都係獨生兒,兩邊家庭都很簡單,但一直我地都好鍾意熱鬧,又喜歡招待朋友回家,所以家中經常高朋滿座!






 
呢班人由同事變為好朋友,相識了很多年,班細路由BB 玩到大,甚至連公公、婆婆同佢地都好熟,已經好似一家人了!

有婆婆相助,煮了羊腩煲、老火湯和咖哩魚旦,






契媽煮既麵條炸蝦和甜品:朱古力麵包布丁,






而我煮了馬來沙爹雞串、紅酒燴牛尾、燒肉和薑蔥蠔煲,













仲有連啲細都有負責整嘢食,朗朗整了笑口棗,家姐整了青檸特飲。







 
由準備食物到洗碗,大家分工合作!



 
雖然,大家走後,我和查生有好多嘢要善後,不過大家開心,都冇所畏啦!

快樂的午餐聚會@Home

剛過了一個節目豐富既五、六、日,先講星期五中午,又係與大少奶和Amy 既聚會,今次喺我屋企。

這次為團年,要應節,整中式食品,一人整些, 我整了蘿蔔糕,今年第一糕,仍可以!




Amy , 整口水雞,好正!好棘!

 

大少奶,醃了豬頸肉,來到用焗爐燒,好好食,又易整,遲些一定試!



 
佢仲即場教我整蕃茄醬,因上次家姐食完,超愛!原來真是好易做架!



之前,我預備了番薯和棉花糖,大少奶又整了番薯棉花糖批作甜品,今次用了日本番薯,真係好味好多!




傾下講下,真開心,在屋企煮,又是另一種樂趣!
 
最後,仲叫大少奶幫手,搵佢既朋友投妹妹一票,有佢既呼籲,作最後衝刺,妹妹得第三名,多謝哂!

十八人團年飯

係呀!係十八人團年飯,好熱鬧呀!琴晩既團年飯,食得好開心呀!




我和查生,都係獨生兒,兩邊家庭都很簡單,但一直我地都好鍾意熱鬧,又喜歡招待朋友回家,所以家中經常高朋滿座!






 
呢班人由同事變為好朋友,相識了很多年,班細路由BB 玩到大,甚至連公公、婆婆同佢地都好熟,已經好似一家人了!

有婆婆相助,煮了羊腩煲、老火湯和咖哩魚旦,






契媽煮既麵條炸蝦和甜品:朱古力麵包布丁,






而我煮了馬來沙爹雞串、紅酒燴牛尾、燒肉和薑蔥蠔煲,













仲有連啲細都有負責整嘢食,朗朗整了笑口棗,家姐整了青檸特飲。







 
由準備食物到洗碗,大家分工合作!



 
雖然,大家走後,我和查生有好多嘢要善後,不過大家開心,都冇所畏啦!

2013年1月27日 星期日

快樂的午餐聚會@Home

剛過了一個節目豐富既五、六、日,先講星期五中午,又係與大少奶和Amy 既聚會,今次喺我屋企。

這次為團年,要應節,整中式食品,一人整些, 我整了蘿蔔糕,今年第一糕,仍可以!




Amy , 整口水雞,好正!好棘!

 

大少奶,醃了豬頸肉,來到用焗爐燒,好好食,又易整,遲些一定試!



 
佢仲即場教我整蕃茄醬,因上次家姐食完,超愛!原來真是好易做架!



之前,我預備了番薯和棉花糖,大少奶又整了番薯棉花糖批作甜品,今次用了日本番薯,真係好味好多!




傾下講下,真開心,在屋企煮,又是另一種樂趣!
 
最後,仲叫大少奶幫手,搵佢既朋友投妹妹一票,有佢既呼籲,作最後衝刺,妹妹得第三名,多謝哂!

2013年1月23日 星期三

妺妹的第一次

妺妺自上年暑期,開始學油畫,雖然之前都有學過畫畫,但今次呢間比較正統些。自少已覺,妹妹有些畫畫天份,佢又喜歡做手工,所以我都希望佢喺呢方面,有好啲既培訓。

之前,油畫老師叫妹妹,參加一個公開比賽,用了幅自畫像參加,上個月收到通知,佢入咗圍,話幅畫會在文化中心展出,我地已經好開心,點知上星期日,老師話入埋最後五十名,可以在網上公開比人投票,最多人 like 既,會成為人氣大獎。

大家可唔可以為妹妹打氣,入去以下 link , click 入幅畫like 就可以!謝謝!仲有3日!


http://www.facebook.com/photo.php?fbid=318658004917500&set=pb.277830482333586.-2207520000.1358824879&type=3&theater



<自畫像>
查 穎 (H61-050) 兒童組



相片:<自畫像>
查 穎 (H61-050) 兒童組

2013年1月17日 星期四

自行分配階段- 妹妹篇

所有事有了一次經驗,第二次就自然無咁緊張!踏入一月,就係升中自行分配階段,要選兩間心儀中學,自行去交 form 、由於,今次我地一早鎖定目標,而且唔貪心,唔進取,只是穩穩陣陣,所以冇咩嘢做,好快就交了 form 了!
 
今次妹妹第二次呈分試考得好好,總算無白費幾個月既努力,今次追番好多,兩次平均都算中上,要考我地目標嗰兩間中學,應該都唔太難,可是派位既事,除了成績,仲有很多變素,如:隨機號碼,面試表現等,都影響到結果。 接下來就等二、三月,睇下有冇收到面試通知,再作準備!


2013年1月9日 星期三

2013 大計



踏入一月,好想做好多事,但日日都好似好忙,家姐考試日日早放,阿妹雖然唔洗考試,但因其他班級考試,也提早放學,佢地鍾意住家午餐,所以又要煮又要洗,都冇咗好多時間,本來想執下兩姊妹間房,之前買了個新櫃,都未執好啲雜物,啲嘢仲亂放一堆,日日都想做,但日日忙下東,忙下西,又冇咗日,唉!都唔知幾時先攪掂!下個月過農曆年,又係時候同間屋大掃除,而家要自己做,所以會分開來做,費事做死自己!
 
加上一月,又係升中自行交表既時間,雖然只係填下表,整理文件,但又是一件略花時間既事情,好在今天的起心肝,攪掂唒!過幾日,去交埋表就告一段落!

講咗咁多短期大計,想諗下長遠些既計劃,九月阿妹升埋上中學後,我就更加得閒,起碼每天唔洗三點即露,趕返來接放學,所以到時,或許想學多些嘢,雖然或許應該,我唔會再選擇出來做番老本行,但都想學番一門技能,或許遲些可以𨍭型呢!

今年繼續想煮多些學多些,希望煮多些滿意既作品!

2013年1月4日 星期五

黑松露磨菇湯/ 忌廉磨菇湯

一直我都是湯怪,中西湯都愛。學了西餐後,知道煮湯原來好難,比起煮其他菜式更難做得好! 呢個湯我都試過好多次失敗,先可以掌握到。




材料:咖啡菇一盒,牛油 ,麵粉,忌廉,清雞湯
 
做法: 如果要個湯 creamy , 我覺得一定要炒麵撈,牛油炒麵粉,要不斷攪,細火, 炒成麵撈,




熄火,等一陣,冇咁熱時,再加入雞湯,變成麵胡 一定要熄火,唔好太熱加雞湯,唔係會起粒粒,麵胡完成,備用。




1 磨菇切片,炒香備用。

2 雞湯略煮,慢慢加入麫胡,一路攪住,水滾收慢火煮10 分鐘 , 熄火,用隔離隔一至兩次,之後加磨菇





3 中火煲十分鐘,熄火,放攪拌機攪勻
4 再細火煲十分鐘
5 最後,加忌廉,攪勻,即成
   如果加少許黑松露油,更成黑松露磨菇湯

就是這枝黑松露油