2013年2月27日 星期三

網上人氣獎

之前畫室將妹妹一幅畫去參加比賽,結果入了圍兼有機會公開比人投票,經過一輪努力,大家既支持,成功得到網上人氣銅獎,昨晚終於領了獎!





今次係妹妹第一次參加公開畫畫比賽,能夠有此成績,係一個好既開始!希望她繼續努力!








2013年2月24日 星期日

紅酒炆牛尾/ 牛肋條

材料:

牛尾/牛肋條8-10 件冰糖 少許 薑3片、西芹1-2棵、紅蘿蔔1條、洋蔥1-2個、新鮮羅勒葉 6-8 片、蒜蓉少許、茄膏1罐、雞湯500毫升、黑胡椒適量、紅酒半杯

做法:
牛尾和牛肋條做法一樣

1 先煲一煲水,水滾放冰糖及薑片,煲至冰糖溶化下牛尾

2 大火煲十五分鐘,轉慢火煲四十五分鐘,熄火焗至水轉冷,撈起備用。

3 將西芹、紅蘿蔔切粒、洋蔥切條,羅勒葉切碎,燒熱鑊先放洋蔥、蒜蓉,爆香,再放西芹、紅蘿蔔、羅勒葉,一一爆香,下牛尾。

4 將茄膏加入鑊與其他配料兜勻,慢慢加入雞湯、黑胡椒,煮至茄膏完全溶化,加入少許冰糖調味。

5 收慢火炆兩小時,炆好後試味,不夠鹹才加鹽,調好味轉大火加入紅酒,待紅酒揮發後即可熄火!
 
用冰糖可以令牛肉肉質軟化!






此食譜來自大少奶!

2013年2月17日 星期日

農曆新年-2013

話咁快今日又到年初八,農曆新年假期到了尾聲,原本我以為今年新年會比較清閒,之前冇咩約定節目,點知最後都係幾忙,得今日最得閒休息!



 
年初一、二節目,年年如是,今年年初二晚,多了去睇Big Four 演唱會呢個節目。

今年初三咁啱是自己生日,中午一家去了洲際食 lunch buffet ,我覚得 dinner buffet 好啲!夜晚,又係TI 同學團拜!
 
初四,日頭留在家裡,兩姊妹要做功課,黄昏,去契爺、契媽家拜年,去佢樓下 club house 唱 K , 之後再去食咖哩。

初五,去了睇戲,都係賀歳片,得啖笑!夜晚,去舊同事家 BBQ 拜年!
 
初六,夜晚班朋友來拜年,開下賭,玩下!
 
初七,查生大學同學夜晚到訪團拜,佢地想試下食西餐,所以我要一早準備!


 
初八,今天可以休息下,明天査生返工,家姐後日都返學,只有妹妹放到星期五先返學,好快生活又回恢正常!

2013年2月9日 星期六

花開富貴

來到年廿九,天氣好在凍返些,有啲氣氛,出面街人頭湧湧,但今年我總覺氣氛唔夠,可能係我自己問題! 上年新年去了旅行,不在香港,返來初六已覺新年過去了,上年好似 skip 了過新年,所以我鍾意留港渡歳!
 
以往我最興奮就是過年前,準備既日子,雖然好忙,但好開心,好期待,但不知點解今年,冇咩心情,冇咩期待,過年如過日,都係咁啫!
 
不過,點都好,都有為新年準備,之前買既水仙開了,好香呀!希望新年,花開富貴,身體健康,事事如意! 同大家拜過早年,㳟喜發財!


2013年2月8日 星期五

蘿蔔糕-家常版

今日終於完成今年既目標,總共七底。




雖然年年整,但年年都有少少改變,希望可以做得更好! 今年唔係整好多,貴精不貴多,我想我親手整既蘿蔔糕,係送比一些真心想食既朋友,而唔係用來交際應酬!
 
其實,改動了很少,只係唔落蔥,可以放耐些,而且糕面唔放臘味,切果時唔會跌唒啲臘味出來!

我覚得呢個做法,比較平實,冇咁花巧,所以係家常版!




材料


蘿蔔    約三斤


粘米粉    300 克





臘腸    適量


蝦米    適量




紅葱頭    少許



 


做法:


蘿蔔洗淨,一半刨絲,一半切條





臘腸切粒備用。


先落油和麻油,用紅葱頭起鑊,下蝦米炒香,





加臘腸和蘿蔔一起炒,下少許洒和少許糖,蘿蔔要煮至熟透。





熄火,調味(胡椒粉 兩湯匙 ,雞粉  少許,鹽  少許),然後下粘米粉,如水少,可加少許史雲生清雞湯,攪勻。





用蒸盤盛糕,蒸四十分鐘,完成後加芝麻在面便成。

2013年2月5日 星期二

家姐的愛心便當

其實,早幾年兩姊妹已嚷著要帶飯回校作午餐,但由於住得太遠,驚啲食物會變壞,所以一直都拒絕了!直到最近,我有所改變,想試下整便當比家姐作午餐!

家姐自從升中後,腸胃就差了好多,可能成日出去食啲唔三唔四既食物(燒買呀!烏冬呀!)當午餐,攪到越來越差! 不過,本身我地都要六時起床,如果再要整飯,咁就要五點起身,我又未去到咁偉大,暫時只會煮炒飯、炒烏冬,而且唔會日日煮,一星期一至兩次,睇下 work 唔 work 先!

叉燒蛋炒飯




洋蔥肥牛炒烏冬

2013年2月2日 星期六

冇氣氛

仲有唔夠一星期,就到農曆新年,今年農曆新年比較遲,大年初一已是二月十日,所以今年為過年準備,係有足夠時間,不過,我覺得今年冇咩氣氛,可能天氣比較暖,呢兩星期天氣好似回春咁!農曆新年要凍先有氣氛嘛!

來緊一星期,真係比較忙碌,又要大掃除,又要蒸糕、仲要食生日飯!

希望下星期凍啲,多些氣氛啦!