2014年12月24日 星期三

DIY 聖誕飾物

以往臨近聖誕,總是左諗右諗準備聖誕派對煮咩,今年多了一個新玩意,上緊插花班,學了聖雪人和花環做裝飾,所以今年有自製聖誕擺設了!

雪人來了!


聖誕花環,這還是考試功課呢!

2014年12月23日 星期二

近況

嘩!原來成個月冇 update 個 blog ,踏入十二月,每年都是又忙又開心既一個月。



今年,仲突然來個 日本之旅,去了五天,返來幾天都馬不停蹄,插花班考試、上化妝班, 今天學插花,又忙於DIY 聖誕飾物,呢兩天又要準備派對食物,和買交換禮物,超忙,但又好 enjoy!


嘩!買呀!買呀!今年有三個派對,哈哈!


2014年11月25日 星期二

偷懶版 - 凱撒燒雞沙律

去咗 Rachel度上堂,學了呢味沙律,其實,最主要學個DIY凱撒沙律汁,我之前在工聯會都學過一次,整過一次,都好複雜呢!



所以......我決定偷懶,用現成凱撒沙律汁


今次主力學個燒雞,哈哈!個雞好得,好滑,喺 Rachel 度買,好好味!





材料:

羅馬生菜(不過,我今次用了火箭菜)、雞胸肉、麵包、煙肉、巴馬臣芝士、凱撒沙律汁


做法:


1 先將雞胸用海鹽、黑椒醃20分鐘,以平底鑊將雞胸煎至全黃色,加少許意大利陳醋,放入焗爐,以110度火焗8-10分鐘,取出,待10分鐘,將雞肉切片。


2 麵包先切粒,灑上橄欖油,入焗爐以140焗10-12分鐘至金黃色


3 燒熱鑊加少許油,將煙肉切段煎至金黃乾身,盛起隔去多餘油備用


4 洗淨羅馬生菜,用冰水浸5分鐘,隔乾水份,切成小塊


5 將菜加入沙律汁拌勻,加少許黑椒碎,面鋪上雞肉、煙肉、麵包和芝士碎,便可!


現成,呢隻不錯架!







2014年11月11日 星期二

小 Project

講番個幾月之前既事,之前搵唔到屋搬,咁唯有住番呢度啦!不過,阿妹讀書既問題,就始終都要解決的!



一係唔執,一執就執多幾樣,反正住了五年,有些家俬都舊了!


先間了一角給妹妹讀書,自成一角,有屏風擋下,雖然隔不到聲,但都有啲私隱,又有多些地方比佢攞嘢,算不錯了!










用來擋住書枱後面,放多了兩個木櫃,攞下濕碎嘢!


梳化換了!





連兩姊妹張床都換了!





執一執,間咗個角細了,但我反而覺得見駛咗、歸一咗!

2014年11月6日 星期四

Lunch@Fullhouse Signature

聽呢間餐廳,聽咗好耐,今日同Eva來試試!



原來呢間餐廳,創建於馬來西亞吉隆坡,係以"家"為概念的主題餐廳,2003年,來香港開分店,打造成香港首間婚慶主題餐廳,除了餐廳外,還為客人提供以婚禮元素為主的特色求婚,婚紗攝影、婚禮策劃等......



啲公仔好靚,十二點來到,平日冇人,可任影相。






















Menu有人物介紹,餐廳以一家四口為主題








朋友來過,話食 lunch 最抵,價錢一般$68-$98,星期六貴少少,如果夜晚來,好似冇set ,就略貴了!





以為公仔為主既餐廳,食物質素通常麻麻,但,呢間啲食物水準又不錯喎!


個湯好滑,好好味!











個set包了甜品,但如果加$35可另選甜品,我地加了,要了心太軟,





呢個甜品散叫要$65,所以都抵,而且仲好好味!


So far,間餐廳幾特色,食物也好味,可一試!不過, lunch 來較抵!





2014年11月3日 星期一

第一個DIY的生日花籃

好友生日,想整個花藍送比佢!



今次係自己一手一腳去整,雖然是抄翻上次老師教既款,但花材上有所改變,所以都要預先設計下。


原來自己買花材是咁難,尤其找遮花泥既葉,最後行來行去都找不到,算喇!決定不買了,反正咁多花材都應該遮到花泥的!


其實,已經不太記得怎插,都係是是旦旦插了出來,所以我自己也只是覺得麻麻地!


插出來有啲似開張花藍,不過,好在好友收到時很喜歡,很驚喜!佢仲在家影了張相,再美化了來多謝我,唔洗客氣,你鐘意就得喇!





花材:

貓尾草 3支
玫瑰10支
白色洋蘭一扎
紫孔雀1扎
彩星1扎







2014年10月28日 星期二

插花初班-Part II完成

又完成十堂了,過兩個星期再開始 part III課程,上多十堂就完成唒整個初階課程,取到証書。



其實,學學下興趣愈濃,希望繼續學下去!


今次十堂既作品!


2014年10月20日 星期一

新生活

由九月份起,我開始做運,起初是去對面公園慢行,行了幾次,不錯架!不過,仲係幾熱,我估下個月涼多些,會更舒服!










之後,又打了幾次羽毛球,而家啲女大唒,真係多了很多自己時間,可以約下朋友一起打下,







而且,有時和兩個女一齊打,也不錯!











由於,查生 join 了做 gym,不斷叫我一齊去,最後都 join 了,而且我有時間,做得比佢密,已經個幾月了,每星期二、至三次,都幾勤力架!







其實,我一直都不愛運動,不過,年紀不少了,為健康著想,都係時候要做下運動,又可以 keep 到 fit,也不錯!而且,時間多了,去消磨下又一天呢!




新的生活,既充實,也健康!

2014年10月13日 星期一

烤車厘茄沙律兩食

星期日整了一個簡單沙律,見吉吉島特價,連枝車厘茄好靚,買了一包回來!



做法:


1 洗淨車厘茄,之後抺乾水
2 加橄欖油,海鹽、黑椒,可連枝放焗爐
3 200度火,焗十至十五分鐘,取出,再加少許橄欖油和黑醋即成!



超容易又好味!焗了既車厘茄比生吃香甜。






另一食法,可加煙肉,變脆香煙肉烤車厘茄沙律。



只要煎香幾塊煙肉,放涼,弄碎放在焗好既車厘茄,伴橄欖油、黑醋食,更可口!


不要怕煙肉肥,煎煙肉不需下油,煎到煙肉香脆時,所有肥油已迫了出來,所以不會油淋淋的!


做一個人午餐,是不錯選擇!


大蝦濃湯 - 簡易環保版

之前學 cooking class 時學過呢個湯,琴晚煮時,自己加以改良,變了更簡單,而且仲好環保,想分享呢!






前晚打邊爐,因啲蝦好大隻,個頭好大,反正如果成隻蝦,用來打邊爐,大家怕膽固醇都不吃,咁不如留番啲蝦頭,琴晩煮蝦湯。


啲蝦頭洗淨、索乾水,切記索乾水,放入保鮮袋,放冰格可放一星期。


材料:蝦頭、一份小蝦(通常街市一份份賣$20一份)、洋蔥、茄糕、、雞湯、忌廉


做法:
1 用高溫大火炒蝦頭和小蝦,加牛油和酒炒香,加雞湯,煮二十分鐘
2 格去蝦頭、小蝦,餘下蝦湯
3 炒香洋蔥,加茄糕,煮勻,加蝦湯,煲十分鐘
4 熄火,用攪拌器打勻洋蔥和湯
5 調味,再大火滾起,打開蓋煮到湯濃
6加忌廉,熄火!
7 將小蝦既肉拆出來,放在湯碗內,加入湯便可。


煮完蝦湯既蝦頭也可食用,而小蝦肉又拆出來放湯中,沒有浪費呢!






2014年10月7日 星期二

近況

近月,其實心情也是麻麻地,既是社會大事,每天看新聞,都是佔中、佔中、再佔中......香港亂到不得了!一切吃、喝、玩、樂的事,都不能太盡興!



心情不太爽,也因近月所發生的兩大事情,幸好,其中一大事,終於攪掂,從四月睇樓,睇到八月尾,四個月時間,愈睇愈心傷,太貴了!結果,九月決定放棄搬家的計劃,繼續住在這裡,但妹妹讀書地方,終要解決,於是,左思右想,諗了一個盡可以滿足妹妹的慾望的方法,在廳間一角比她呢!而家,正在進行中!唔洗再睇樓,可以鬆一口氣!


另一件事,之前都講過,有個朋友突然疏遠了我,我是完全不明白為何?最後,我終於鼓起勇氣, sent 了個 what app 比她問過明白,不過,她依然不回覆,但她 block 了fb, 唔比我看她的近况,咁我就好明白了!失去一個朋友,總會有些傷感,不過,諗深一層,自己問心無愧,冇做過對不起她的事,而且,只是一個在網上識既朋友,不做朋友亦不覺可惜,只是有點生氣,有些人,可以開始時對你好熱情,但又可以因她突然不喜歡你而絕交,多奇怪!人心難測,表面幾 nice 既人都可以好假!算吧!當上了一課!



2014年9月29日 星期一

沉重

今日星期一,如常6:00起床,叫女起身、煲茶、整早餐、䦕機洗衫、收衫、浪衫、吸塵、拖地等家務,一切如常,但卻帶著沉重心情!



相信每一個香港人,琴晚睇住電視,都覺得很心痛!


即使我一向不贊成佔中、罷課,但昨日政府既行為,都是不能接受!個人意見已不重要了,支持與否是次要,人民安全才是最重要!


呢個是什麼政府?這裡是香港嗎?


打壓只會得到更多既支持,大家都不能下台,事情只會愈攪愈薑,這是解決方法嗎?


望住今日既局面,有似曾相識既感覺嗎?廿五年前,大家也看過,今次身在香港咁近,感受更深,真的不想,不要再見到了!


2014年9月22日 星期一

Party @Steak Workshop

近年,好興租一些場地開派對,而那些場地通常有個好大既廚房,有齊唒煮食功具,比客人煮食兼開派對。



上星期六,査生啲大學同學,就來了這間叫 Steak Workshop 開 party。呢期呢間 workshop 好紅,成日在"使徒行者"出現,





卓 sir 呀!





係呀!就是這個廚房喇!



我地四十幾人,連大連細,每個家庭煮些食物。





我煮了醉鮑魚和雜果沙律,










查生就負責煮牛扒,牛扒是在這裡訂的,好大塊呀!







仲有很多其他食物,壽司、蛋糕、生蠔、湯呀!好多.....不過,我忙於幫身煮食,冇咩影到食物。
















小朋友亦有地方玩!





五點玩到十點,食到大家好飽,一大班人,一齊整下嘢食,又可飲下酒,吹下水,好開心咁玩了一晚!




2014年9月18日 星期四

蝦春卷

這味蝦春卷,好易整,又好味!開派對,送飯都一流!






材料:

急凍蝦仁 1包
粟米粒少許 (可放可不放)
芫茜根(切碎)
春卷皮半包,每張春卷皮一分為二,打斜角切,變成三角型


做法:
1 先將急凍蝦仁解凍,加少許鹽加水洗淨、抹乾。
2 然後逐一放在砧板上用刀拍扁,
3 放入大碗,加入鹽、糖、胡椒粉、生粉、麻油、半隻蛋白調味,順一個方向攪拌均勻,再加入芫茜根,打至起膠







4 放入雪櫃雪至少三小時便可使用
5 將蝦膠及粟米粒拌勻,放一小匙在春卷皮上,捲實,用小量生粉水封口,便可
6 用小煲,放油,將春卷炸至金黃,即可。


食時拌以泰式辣醬式沙律醬,會更加好味!