空中瑜珈

暑假又接近尾聲，今個假期除了去了旅行,好像沒有攪什麼活動,玩開班細路都大唒,而家好難攪活動了!

阿妹想試下跟契媽玩空中瑜珈，於是就約埋Tanya和Kami EE—齊去試！當暑期活動啦!

我和家姐都有玩。

嘩!原來真係好難架!

我好辛苦先做到呢個動作！

佢地做得好好!

最後，Miss 教我地做一啲post 來影相，好似好勁咁!

感謝宴

繼富貴荼會後,有始有终,我地又攪了個感謝宴!感謝Eva 和Kenny兩公婆，為北海道之旅既細心安排。

原先諗住請佢兩公婆出去食餐好,但Kenny話喜歡在我家吃,咁我當然樂意煮比佢地食啦!

為表示誠意,我地個個都有整嘢食!

契媽整了醉鲍魚,嘩!超正!

我整了馬賽海鮮湯,我知Kenny好like呢個湯!

仲有希臘沙律、楓糖燒雞、嫩煮蘑菇

查生煎牛扒

契爺整什果椰汁大菜糕

果晚亮點係呢個芒果拿破倫,契媽整既，超正!比美香格里拉,原來可以不太難整的!

當然仲有美酒,Kenny好滿意我地既食物，仲話好感動，太好了!

美好的－個晚上!

閨密

最近睇了＂閨密＂，和兩位好姊妹（也稱得上是閨密）一齊看，縱觀整個戲院，大部份都是女生，一睇就知是部女人戲。







＂閨密＂兩字似是近年才興起，以前，形容女生們之間好好朋友，通常叫好姊妹，而家叫      ＂閨 密＂







整套戲重點描寫女生們之間的深厚友情，笑中有淚，但可打動人心，黃真真拍既戲，總是這樣真實而又感人！






好感恩，我有很多閨密、好姊妹！朋友，我從來不缺，不過，近排，有兩件事，令我對朋友，這事有些失望！



有些人，你初初認識對你很熱情，但不知為何，突然間，她像厭棄你，冷待你，但，是不知為何？自問沒有什麼得罪，真的不明白，只是安慰自己，現今世代的人，感情是難以理解，唯有隨緣吧！



又有些人，曾是你兒時一個好好的＂閨密", 但不知為何，當大家長大出來做事後，疏遠了！到大家也做了媽媽時，又好像行返近些，但，感覺是大不同了！大家都像膈了一層般，最近，她人生出現了一些問題，其實，我是很想，很想幫她的，但她從不讓我看她的真面目，出來聚會，也只是帶著面具，不願講內心既事，我確實覺得無奈而又失望，曾經，我們是好好，好好的朋友，今天竟落得如此！



女生之間既友情，比男生來得複雜！中間夾著太多妒忌、懷疑......





好喜歡戲中首主題歌， "一起老了＂


https://www.youtube.com/watch?v=xiyPfNFWirY

北海道九日自駕遊之旅-2014 - Day 9 & 感想

8月3日- 第九天

話咁快又到last day, 當初聽到話去九日，好似好耐咁,原來轉眼就過!

最後一天,都冇行程了,所以可以遲啲check out!

今朝，兩姊妹都有和我—起浸多次温泉,朝早望住湖景,和夜晚浸兩種風味!

跟住,慢慢嘆個早餐！

酒店附近公園影相

十—点出發返札幌機場，

十二點幾就到,查生和Kenny去還車,我地在機埸等他們。

玩了多天,個樣幾累!

我地撘四點幾機，check in後, 大把時間，不過呢度有好大個商場，先去食lunch, 再週圍逛逛,買手信!

噢!九日之旅，正式完結!

感想:

其實，今次真係—個好難得既旅程，能夾到咁多人—齊去旅行,實在不易!

非常多謝Kenny和Eva既安排,全個旅程都是Kenny精心策劃，我地只需跟隨就可以,從來自由行去旅行，都沒試過咁輕鬆，真係非常感謝他倆!

今次老友、家人—齊去,真係好開心,玩得很快樂！希望，好快又再有機會再一起去玩，期待！

北海道九日自駕遊之旅 - Day8

8月2日-第八天

朝早又—個人去浸温泉,浸完精神唒!

今日去函館出名既朝市,上次來得兩個人,食唔到蟹,今次成班人來,可以食喇!

先食海胆,超新鮮，又平又抵!

之後，再來碗海胆、三文魚子飯

飲夕張蜜瓜汁,好好飲呀!

哈哈!好戲在後頭，買了隻蟹,呢度比小樽果隻肥美！

隻蟹港幣七佰幾，我地喺香港食要成三仟一隻架!

好好味!鲜到不得了!連唔多食蟹既家姐,都食到lam lam利!

食飽飽, 出發去洪爺湖,今晚住既酒店是咁多晚裡,最貴最靚!

房間望住呢個景, 真係好靚呀!

酒店出面湖旁邊好美!

又食dinner buffet, 望住日落食,好浪漫！

夜晚，又有煙花放!

睇完,又去浸温泉,呢度浸温泉係在酒店頂層,望住滿天星星浸,超爽!

北海道九日自駕遊之旅-2014-Day7

8月1日 - 第七天

果朝早睇錯鐘早醒了,於是自己—個去浸温泉,朝早,冇咩人,好正!

浸完温泉,成個人醒哂，返房叫醒兩位小姐和大少,之後食完早餐，又出發了!

先去附近行下，登别地獄谷,來登别必到地方!

之後就去函館，函館比較遠,所以今天坐車時間比較長!

好得意既蟹仔隧道！

去到已經差不多兩點，大家都好肚餓,去了一間海邊餐廳。

嘩!一落車,超興奮，好靚呀!好有秋天的童話feel!大愛！

呢間餐廳食Pizza, 意粉,食物質素好好,好食!

甜品好得!

望住個海食野,好正!

我好like 呢幾張相，好有feel!

跟住就去函館倉庫，行下特色鋪!

函館特色電車

返酒店食晚餐，住温泉酒店，全部一泊兩食,包早、晚餐！

今晚食set 餐!

由於8月1-5号,是北海道花火祭,所以晚晚有煙花放,於是，食完飯,再出去睇!

花火祭係傳統節日，所以好多人著和服。

我地揸返車去倉庫附近，求其泊底駕車就睇到。

都好近呢！

睇完,返酒店去浸温泉了!