回母校打邊爐

繼校慶晚宴後，翌日（12月5日）黃昏，回了母校打邊爐。



之前都唔知，原來好多中學，星期六會比校友book來打邊爐或BBQ,不過我母校只容許打邊爐，學校提供爐和煲，其他用具、食物就自己帶來。

尤於一位同學仔是專誠由英國回來，為了就她時間，所以晩宴第二天，即安排另一個聚會，其實，有幾位同學仔晚宴冇來，而有出席晚宴的又有一位冇來，所以兩晚人腳有所不同。

哈哈！終於見到男同學喇！唔係人地以為我讀女校。

真係好䦕心，回到母校打邊爐，確實別有一番風味！

影了很多相，又玩得好開心，好似回到以前返學時一樣！

快樂的時間真係過得好快，由於校工友要九點收工，我們要九點走，所以大家都有點依依不捨！下次要早啲開始吧！

更遺憾是仍未齊人，搵番的一班同學仔，每次聚會都總欠一、兩個，希望2016，可以來一次齊人的，就好了！

母校45週年校慶

坦白講自己對中學的感情不深，離開學校咁多年，都冇返過去，以前的校慶聚餐，從來冇諗過參加！

不過，人大了真係會變，之前講提過啦！今年我突然發起搵中學同學既念頭，成功地找回好幾個，之後有攪過聚會，非常開心！適逢今年校慶又大攪，一班同學仔又一起買飛去也！

期待很久既日子終於到了！上星期五（12月4日），在九龍展貿中心廷䦕一百席，超多人呢！

好開心在英國的同學仔，專誠回港參加，雖然，有幾位同學沒有參與，但能有咁多位,已經好感動了！

5 A同學仔

除了同班同學，還見番很多同級同學，好熟悉的臉容，但又記不起名字，仲使有些以前不太熟，但見番面，大家都好有親切感地打招呼，還有老師，見到中五班主任和教文學的老師，太開心了！

我們那界好多人呀！上台照相一刻，真係好感動，即使自己在中學的生活不太精彩，而且亦不太留戀，但人長大了，原來發現在中學生活裡，自己也有不少美好回憶的！好慶幸和這級同學一起成長，多年後仍可共聚一起拍張照，太好了！

果晚我們影了很多相，希望留住咁開心的時光！

忙過不停的十二月

又到十二月了，每年最忙和最開心的日子！

好多朋友問我 ，都唔洗返工啦！點解仲咁忙呢？哈哈！我真係唔知喎！不過，我又忙得好enjoy!朋友話，仲話想搵 part time, 邊有時間返呀！

踏入十二月，又要準備忙聖誕派對的準備，佈置、買禮物、諗派對食物，好多嘢忙呢！

今年十二月頭，仲有兩個好難忘的聚會，未到聖誕，已經開心到振，加上呢兩星期，join 了ERB花藝課程要朝早上堂，日日schedule都好密，真係極度充實！

Mark 嫂版的西班牙海鮮飯

近排愛上了看閨密教煮，喜歡Mark 嫂爽朗的個性，煮嘢食時，又淡定又優雅，而且她教煮的都是西餐，所以我當了她是偶像！

其實，我都識煮呢味，不過，我覺得她的做法比較簡單，所以試了整一次，但我亦有加加減減了她一些材料，得出以下版本，我覺得岩我口味的！

材料： 青口、蜆、蝦、魷魚、西班牙辣肉腸、煙肉、三色椒、洋蔥、蒜頭5粒、紫蔥2粒、西班牙米 500g 、雞湯 1500毫升、白酒250毫升、番紅花少許

做法：

1 用水煮蜆和青口，大約幾分鐘，一見蜆開口即取起，蜆和青口取起備用

2 用網隔煮了蜆的水，以隔出沙，留500毫升蜆水

3 煎香蝦，備用

4 爆香煙肉和辣肉腸，備用

5 爆香洋蔥、蒜頭和紫蔥，加三色椒炒混，下鹽，再炒，下茄膏1湯匙，番紅花，加入魷魚、煙肉和辣腸，再加米炒，加白酒炒，加蜆水、雞湯，加少許紅椒粉，大火滾起轉中火煮15分鐘，煮到岩自己軟硬程度，試味，加調味，黑椒和鹽，熄火，加蝦、青口和蜆在飯面，焗10分鐘

6 灑上意大利芫茜碎，放上檸檬角即成

哪一天我們會飛

近排真係好多青春懷舊片，回憶中學生時代，尋找一些人既回憶，「我的少女時代」尋找徐太宇，「王家欣」尋找王家欣，到「哪一天我們會飛」，又尋找蘇博文。通過尋找自己的青蔥歲月，回憶自己年少時代的點點滴滴。

昨天，又去看了早場。

這套戲好岩中年人看，當所有人都營營亦亦的在現實生活，年少時的夢想，一早遺忘了！突然有一天醒起，原來自己曾經有過夢想，尤其是見番啲中學同學，聚會時的傾談，總會引起一絲絲既回憶！

剛好，今年我決心找回一些中學同學，亦攪過幾次聚會，有好多時，都會回憶番很多中學時既生活點滴，所以看這套戲，十分有共鳴！

套戲講夢想，其實每個人都應該有夢想，不過可能遺忘了！我，我有咩夢想呢？我諗來諗去都諗不到，原來，我由細到大，都好似冇咩夢想，學生時代的我，太沉醉於戀愛了，怱略了身邊太多事，所以我中學時代，我既學校生活回憶好少，這可算是一個遺憾！幸好，中四、中五這兩年，還有一些難忘回憶可懷念！

呢套戲是不會刻意趨涙，但我相信可以感動到每位觀眾，這戲講既人和事，太普遍了，可能你、我身邊都總有一個蘇博文、余鳯芝和彭盛華，所以觀眾會看得投入和共鳴！

曾經港產片沒有幾套值得入場看，但今年，好似多了好多用心拍既戲，值得去看和推介，呢套必是其中一部！

我們的少女時代

上星期五看了，非常好睇，好耐冇試過一套戲，想入戲院再看多次，太正喇！

每個女生，都有過少女時代既時候，每個女生心裡，都有個徐太宇，所以女生一定會看得很投入！

令人看得感動，少女時所經歷既事，一一又從心裡深處湧現，令人回味無窮！

我也身為劉華的鐡粉，看這套戲更加投入和陶醉呢！

比起＂那些年＂，這套絕對是女生們人生必看戲的其中一套！

為好友們煮的一餐私房菜

九月頭煮了一餐私房菜。三個好友一同在九月生日,諗來諗去不知出去食咩,於是提議不如我在家煮比她們食。

Menu:

法包拼鵝肝醬
油醋沙律
黑松露磨菇湯
日式辣醬烤帶子
法式宝雲酥焗羊架配煙肉法边豆
鮮菇炒意粉
生日蛋糕

在家吃,可以舒舒服服,㈱所欲言,她們好喜歡,我就好開心快樂!

蒜香椒鹽蝦

我好鐘意食避風塘炒蟹、炒蝦，以為一定要出街先有得食，某日看雜誌，見到原來不難整，原來風沙種感覺，可用麵包糠做出來。

材料：
蝦，半碗麵包糠、三份一碗蒜蓉、兩隻指天椒、一隻紅辣椒、蒽花

做法：

1 先以椒鹽、黑椒和酒，把已經清洗的大蝦醃半小時

2 之後撲上生粉煎至八成熟，取出備用

3 原鑊炒香蒜蓉、指天椒和辣椒，加入麵包糠炒至金黃色，再放入蝦，椒鹽和蔥花一同翻炒，蝦熟即可上碟

這款蒜香椒鹽蝦，送酒一流，又易整！

自家蒸鍋

朝流興蒸鍋，好多朋友食過話好正，我未出去食過，但朋友話出去食好貴，因主要食海鮮，價錢較昂貴！

前後在家試了兩次，其實，蒸鍋冇咩難度，最緊要個煲。

在日本城賣，$138好抵！

材料最緊要海鮮夠靚，咁之後個粥就超好味！

不過，比較忙，要逐樣蒸，心急和冇耐性既人，就唔岩，我家三位都唔 like!

人多亦不可！

上星期六，挑戰十人，不過，今次開兩鍋，一邊普通打邊爐，一邊蒸鍋，咁就好好多！

蒸鍋整海鮮好正，咩都無落，就好鮮甜，而蒸菜也好，冇索油，較健康！

而傳統丸呀！肥牛就火鍋好啲！

今次發現，蒸雞好好味！

最後，我最愛個粥，吸唒啲精華，超甜，加了南瓜、菜絲、蔥粒，好好味！

在家食蒸鍋，又平啲而且仲好健康！

閒遊迪士尼

上星期四，和Amy結伴去迪士尼閒遊一轉！

踏入十月，以為會清涼些，但原來還很熱！

話明閒遊，約了10：30在青衣城先飲茶，吃飽飽先入去。

大約十二點幾入到，前一天仲下大雨，呢日好好天，而且冇咩人， so good!

我和Amy都諗住專攻影公仔，那天，除了米奇米妮之外，其他都好快！

先去玩一次小小世界，之後排公仔影相

哈哈！全部捕獲，哈佬喂特別衫

到三點，人地巡遊，我地坐底 high 個 tea,看著出面公仔巡遊，一面食嘢，好嘆！

傾下、 hea 下，四點半出去，決定行 shop,平時和啲女來，點會咁慢慢行，兩個媽媽都行得好開心！

大約六點就走了！有年票就有這樣好，得閒入來行下，也不錯！

半島酒店大堂 Afternoon Tea

人生苦短，想做就做了，做人真係不需太執著，日子要做自己喜愛的事！

昨日，我和朋友去了半島 afternoon tea,其實，一直都想試下，所以，朋友一建議去，我就答應，上網看看，才知人們說一生人最少要食一次，咁誇張？

我大約2：00到，已見到有十幾個人排緊隊，這裡是不設訂位，下午茶時段是2：00- 6：00，原本以為是星期一，應該冇咁多人，我地排了半個鐘就有位。

這裡的afternoon tea 是傳統英式，酒店好多復古裝飾，充滿歐陸情懷，骨子裡透著英倫式貴氣，低調而又不奢華！

我要了大嶺茶，朋友要咖啡，都是無限供應，來這裡吹水幾個鐘，講到口乾，最岩！

食物質素，也不錯，唔知是否我倆細食，我地食哂啲三文治和每人一個 scone，已經好飽，甜點只吃了少少，最後打包甜點比我家兩位小姐吃。

輕輕鬆鬆在這裡傾下講下食下，好正！

埋單時送上半島酒店巧克力，完美的一頓下午茶。加埋一，$350一位，比平時出面 酒店high tea貴少少，但環境、食物和服務，絕對物有所值，值得一試！

打包的甜點，也 pack 得很靚！

五天喪影喪買狂玩三母女大板遊 - Day 5

8月18日 - Day 5

好快好快又來到第五天，今日又要回家了！好彩下午六點半機，所以仲有半日 shopping,作最後衝刺！

食完早餐，兩位媽媽先去酒店附近既藥房，喺街口好近，好快買完就回酒店，pack 好行李和 check out!

我們撘JR去機場，不過在機場前一個站下車，去行 Outlet,因為時間不多，我們求其在便利店買了外賣食當 lunch 就算！

寄了行李，就出發行了！

大家分開行自己想行既 shop,一輪急掃，我掃了一對水 boot,兩姊妹又買了衫和波鞋。

三點半走了去機場，之後攪掂晒過唒海関，先去食啲嘢，之後，最後衝刺買手信食品，就上機了！

五日大板之旅又完！好累、但好玩、好開心的五天！

五天喪影喪買狂玩三母女大板遊 - Day 4

Day 3- 8月17日

今天去環球片場，係三位少女最期待的行程。

朋友一早已在網上訂唒入場票，連 fast pass 都買埋，我地買最貴果隻，可以哈利波特區，,而且不需排隊，超正！

原本我以為會好熱，早上係幾熱，但下午落完一場大雨，天氣變得清涼好多了！

哈利波特區好靚，我居然破了多年例，玩了過山車，真係嚇鬼死我！

我地在樂園逗留到完場九點先走，玩完game,又週圍影相，又看埋巡遊，超盡興！

不過，因為我地玩到完場先走，樂園出面的餐廳已不接 order, 我地唯有返難波附近食飯，我地又累又餓，結果，又比我地撞彩搵到間串燒，開到十二點，咁我地都唔理咁多，即入去食。

有驚喜，食物好味，兼超平，$7三串串燒，係，係$7港幣三串，平到喊！

我地狂叫狂食，超滿足的一餐！

今天勁累，不過又好開心！