中學同學慢遊台北之旅 -Day 4

8月7日 -Day 4

來到最後一天，今日先要去西門町買手信，食下手抓餅當早餐，之後就番酒店 check out

寄了行李在酒店，



之後去 afternoon tea 食多次 cake ,







就出發去信義區既誠品，再行一轉，跟住又返回酒店附近既鼎泰豐食多次小籠包，






大滿足完後，就返酒店取回行李，我們又book了車去機場，我地撘六點幾機回港，就係咁就結束了這次的四日之旅了！

四日既台北之旅，非常開心，雖然N年冇一起相處咁耐的時間，但大家仍是十分融洽，旅程上全是美好回憶，今次更加深了互相之間既了解，真係好期待下次再一起去旅行！

中學同學慢遊台北之旅 -Day 3

8月6日- Day 3

今日計劃去林口新閞既 Outlet, 原先以為可撘捷運去，點知個捷運站係下年先開，結果都係要撘taxi，不過可能太新，連司機都行錯路，繞了路才到呢！

這個Outlet是日本三井䦎的，成個設計、擺位和大板個一模一樣，真係以為去了日本。

不過，價錢就冇日本咁平，我地隨意咁行，今次唔急，因每次行outlet都係臨走先去，次次好趕咁行，今次諗住係慢遊，於是改了行程，不是最尾那天先來，可以舒舒服服咁行。

就係咁慢慢行，行了幾個鐘，兩點幾先去食 lunch, 又係隨意入了一間日本餐廳，原來係和民，台灣既和民食既食物和香港差不多，但味道就好好多，啲魚生飯好好味！

食完休息夠，就撘車去松山文創園區，呢度有啲展覽館參觀，還有一間好大既誠品。

呢個區好文青，好有藝術氣息，其實之前來過台北幾次，都冇感受過台灣既文化色彩，今次終於有機會。

唔知係唔係星期六既関係，有歌手表演。

週圍行下、影下相，之後就入誠品了，各人分度楊標，尋找自己喜愛既，我好忍手只買了七本書，

​


不過，後來行生活佰貨區時，就失手了，瘋狂掃手信，結果買到一袋二袋。

買到大家都又累又餓是，找了一間食泰菜既餐廳食晚飯，味道又不錯喎！

食完退完稅都成十點，又撘車回酒店了！

話咁快明天又走了，今晚最後一晚，大家都想傾夜啲，買了甜品和紅酒回酒店，一邊傾計一邊食！

中學同學慢遊台北之旅 -Day 2

8月5日 Day 2

一早六點幾起身，去泳池游水，選呢間酒店就是貪有泳池，好少去台北可以游水。

自從中五那年暑假後，已經好耐冇一齊游水，好開心！

晨早游下水，個人都醒啲！

八點半去嘆buffet 早餐，果然係五星級酒店，食物不錯，雖然種類不多，但精緻！

傾下食下，坐到十點，我和同房同學又返去泳池 hea, 而另外兩位回房休息。

好正，hea 在池邊吹下風，又游下水，之後，又入室內浸下浴，呢度好正，冇人，我地兩個傾下心事最岩！

之後，兩位同學來join 我地，休息室又冇人，四個喺度玩自拍，好正！

玩到十二點，上房執好行李，就 check out, 去另一間酒店 check in

來不到的一位同學，幫我地訂了對面街的一間酒店，只需過馬路就到，非常貼心！

今次轉來間精品酒店，一來平啲，二來有廳是apartment feel，岩我地傾計！

取了房，放低行李，又出發了，去北投浸溫泉。

先在附近食過lunch, 求其入了一間西餐，又不錯喎！

食飽飽出發，撘捷運去新北投站轉 taxi, 在北投浸過幾次溫泉，但都係著泳衣，今次我地 book了私人房，只有我們四人，嘻嘻，可以沒什麼束縛了！哈哈，玩到瘋狂唒！

個半鐘完後，慢慢行番落山，欣賞附近景色，週圍影下相。

因為順路，回程時去了市林夜市掃街當晚餐。

返到酒店附近，又去新光三趆既 afternoon tea食 cake做宵夜！

今晚回酒店後，沖完唒涼，就坐在一起傾計，看電視，又回到中學去camp時那樣，好興奮！

中學同學慢遊台北之旅 -Day 1

自從上年啲起心肝搵番好多失散多年的中學同學後，就起了一個念頭，與中學同學一起去旅行，終於今年暑假成行了！

其實，要一大班人一齊去旅行，是很難夾時間的，所以今次，只限M club 內的姊妹，原本是六人成行的，可惜結果最後只有四人出發，不過，能夠真係去到，已經好感恩！

是次旅行主要是聚舊，其實去邊都冇所謂，所以選了近近地的台北，我們今次決定慢遊，來個不一樣的台北之旅！

8月4日 Day 1

我地撘10：00 機，實在太開心，四個女生遊台北，出發！

十一點幾就到達台北，攪入境手續、買電話咭和換錢，差不多一點幾先步出機場，我地 book了車載去酒店，哈哈，撘 Benz, 幾豪！

我地笫一晩住大倉久和，好正的五星級，雖然略貴，但物有所值！

小休一陣，出去搵嘢食，呢度係捷運中山站附近，所以都好方便，步行七、八分鐘，見到新光、三越，見到有鼎泰豐食我們的第一餐，個蟹粉小籠包好正！

慢嘆完一餐後，撘車去大安區，去了一間文具特色小店逛，之後在這附近行下，呢區好寧靜，好舒服！跟住又回去中山站，在酒店附近一間文具店逛，台灣的文具又平又靚，剛好我們有兩位老師，文具好啱佢地，我地瘋狂掃貨！

晚餐 Book 了詹記食麻辣火鍋，我來台北做想食的就是麻辣鍋，聽講呢間係地道人來記多，不太貴，我地五個人（其中一位是朋友的朋友，剛好也在台北一人旅行），所以join 埋食，我地叫了好多嘢食，都係七佰幾港幣，好抵！

食完就回酒店，大家都有點累，各自回房，但沖完涼後，上床瞓時，瞓在床上和同房的同學傾計，好似以前去camp咁，好開心呢！