笫一次當花藝老師

喺呢段等待方向既日子𥚃，神比了個任務我，話說在五月考完花試後，朋友問我有冇興趣在教會教插花，之前教開個導師唔得閒教，雖然係義教，但我覺得係一個好好的機會取經驗，所以我一口答應了！

終於，第一堂在上星期日開課了，今次得五位學生，有三位係之前識既，所以都不是好緊張，上堂時間過得好快，我見佢地都學得好開心，我好有滿足感！

我真係覺得我喜愛教花多過賣花，喜愛花的人是開心的，以花會友，係我老師講的，我希望可以將花藝介紹比多些人識，懂得欣賞花的人，是幸福的，希望我將來真係可以成為一位真正導師，將花藝傳承下去！

十年

人生有幾多個十年？好老套的一句話，但又係確確實實的事情！十年，很長的一段歲月，今年，就是我當全職媽媽的第十個年頭，家姐已經成為一位大學生，妹妹也升中五了，她們已經不再需要我陪伴，她們有自己的生活和朋友，係時候，我都要去尋找自己未來的方向了！

2007年離開職場後，其實沒有諗過會咁耐都不做嘢，我當初以為自己未必可以適應，但，估不到，一放，就放了十年長假，這十年經歷了好多事，好多事都改變了，但好感恩，我兩個女都算乖，讀書成績都不錯，當初最擔心的家姐，而家都成長得好好，回家揍她們是一個十分正確的選擇！

最近，正式寄出一些求職信，想搵啲兼職試下重回職場，可惜，一路都冇回音，或許，十年冇做過工，是沒有人會再請了，中年就業真係好難！

 

幸好，呢十年𥚃發掘了自己一些興趣，學了幾年插花，文職冇人請，可試下做其他嘢，決定先讀過ERB再培訓課程先，睇下讀完有冇工介紹，其實我都鐘意做花藝上的工作多啲！

人生有時好無常，今日不知明日事，好多事，我們不能規劃太多，只有好好把握每天，跟隨自己的心意，做自己想做的事！

近況

今年真係好懶，好少在這裡寫嘢，17年對我來說，有點特別，最近為了將來既方向有點忐忑，雖然我明白一切會有安排，但在等待過程中，是很艱難的，希望我可以有信心跨過去，我會努力準備好，ready to go！

兩母女去旅行

五月和七月先後和家姐、妹妹分別二人去旅行，作為一個兩女媽媽，獨自一人和其中一女去旅行，係一個好難忘的經曆，兩母女有幾天單獨24小時相處，實在好少機會，對兩個女了解深了，非常好的體驗！

近期，看了台灣作家汪培珽既父母的保存期限只有10年，感受太深了，作者獨自帶著一對仔女遊英國，領悟到父母一人，只得一個帶仔女去旅行的感受，是和一家人父母一齊帶著仔女去很不同的，而且作者感覺到原來我們父母和仔女関係，得10年最好時限，即5歲至15歲，我們要好好珍惜！

的確仔女成長得很快，轉眼我大女入大學了，當年為了兩姐妹離開職場，也十年了，感恩我有這十年，感恩我有這兩次單獨和她們去的旅行！

近況

四月既考試，五月既休息，來到六月，終於開始之前既計劃，就係大規模的執一次屋，做一次大型斷捨離，第一個地方係自己間房，由我的書開始，由於今次真係的起心肝，大清除，好多書我都想看多一次先除，所以這幾星期看了很多書呢！有些是看了很多次的，有的是買了很久的，但看都未看過，今次一次過重新撿視一次！

整個六月，變成閱讀月呢！幾文青！哈哈！

美國花藝學院高級教授文憑

我記得自己係2014年5月頭，參加了工聯會既初階插花班，開始接觸花藝，係梁老師風趣既教授手法，吸引我學下去，呢個就係我第一個功課，圓形枱花！

從來冇諗過，一學學了三年，愈學愈有興趣，更加想以花作事業！

三年，日子一天一天過去，每星期上一課，都較輕鬆，估不到，來到四月頭，有番天覆地既改變，四月開始，不斷補課，天天在家練習，又和同學們 form 了 study group, 返了三年的同學們都不太熟，但這幾星期熟了很多，一同返補課，就算在家練習，也一邊練習，一有不明就 whatapp 互相請教，

老師更準備了一個模擬試比我們。

來到四月尾，就飛去台灣考試了！

這四天裡面，非常充實，除了第一天到步時，去了半天遊，第二天就正式上堂，看兩位花藝大師既分享，兼做練習給他兩指導評估！

每天早上十點開始，lumch也在學校吃，第一晚放七點，第二晚更加放九點，放學後也很累，只是在附近吃飯，就回酒店溫書，係，真係溫書，一起幾個同學在房硏究，就算食晚飯時，一班人都係互相問書，非常認真！

我記得考試前一晚，我十二點幾仲在酒店房挑燈夜讀，真係未試過！

終於，來到考試日，心情超緊張，感恩，派了我練了最多既天堂了，心都立即定了，但其實花材有幾款未插過，都是挑戰，最後，全部準時完成！

後來，老師話原來天堂烏，呢套花材是最難的，真係有點憂心！

考完，大家都鬆晒，週圍影下相呢！成績就要一星期後才知！

最後，成績出了，合格，而且最驚的大型花，分數更比想像中好，整體考得不錯，對自己有個交待了！沒有白費之前既努力練習！

經過今次考試，知道自己真係好喜歡花，經歷了咁辛苦的一段日子，對花也沒有討厭，反而考完更想繼續學上去！

近況（超長 update 篇）

嘩！原來對上一次update 呢度，已經係三月頭既事，時間過得好快，又來到五月了，2017年好快又過了一半，忙呀忙，成日出現在這裡，但其實我係唔駛返工的C9, 啲女又大哂，為何仍咁忙，哈哈！連我也不清楚！

先由二月開始講番，今年農歷年假，我和婆婆返新會大陸探親，今次一返就去了五天，初時好驚悶，但結果又不是喎！可能農曆年假期，親戚們都放長假，每天都成班人帶我和婆婆週圍去，車出車入，好熱鬧，雖然一班表哥表姐年紀都比較大，又好多好年冇見，但和他們見下面，感覺都好，好親切！

三月開始，先忙了一個伊中opening day, 答應整小花束去義賣，一天做十幾束，都好辛苦，不過，今次取了一次好好經驗。

三月尾䦕始忙碌忙碌既生活了，學了三年既插花，終於去到尾聲，最尾這個月既練習生活，真係好金，好感恩，我可全天候練習，不用返工，一心一意迎接考試！

四月開始，家姐開始考 DSE, 原本諗住一天照顧她三餐，以事支持，可惜我又天天都在家練習插花，一係就去補課，結果，只可和她經常出街食快餐解決，不過，佢在家溫書，我在家練花，一同努力，也幾有意思！

四月尾就去了四天台灣考試，大功告成！

五月，又ad hoc, 和家姐去了日本九洲七天，今次第一次兩母女去旅行，又一個難忘經歷，我們兩母女先去兩天，第三晚，Kami和 Tayna加入，一齊玩三天半，之後我和家姐先走，佢地再玩多一天。這個組合，非常好又夾，果幾天玩得好開心呢！

即興大板、和歌山六天之旅 - Day 6

1月23日- Day 6

最後一日去Outlet, 

今日一起身就覺得好凍，原來得2度，而且仲好大風，好彩是 last day!

先去番琴日果間 coffee shop嘆個早餐，就回酒店 check out, 就撘南海線去機場，

喺前一個站下車就係Outlet, 先去寄存行李，就出發血拼了！

今次好夠時間，血到一袋二袋，去食lunch, 呢間好味又抵！

三點就去機場，我地撘六點半機，不過好多人排隊過関，入到去行一陣買埋手信，都岩岩好上機了！

六日之旅又完結了！今次幾好呀！各樣也好滿意呢！

即興大板、和歌山六天之旅 - Day 5

1月22日 - Day 5

來到第五天，主力行街買嘢，上次和兩位小姐來，都冇時間睇自己嘢，今次大把時間了！

先去地下街搵間 coffee shop嘆下早餐先，

之後行下難波站上面個商場，可以慢慢行 afternoon Tea 和一些家品店，好正！

查生就坐喺 Starsburb打機，我可安心行了！

行咗個幾鐘差不多了，會合返查生搵嘢食。

隨便找一間都好味！

之後，決定自己行地下街，佢就攞啲戰利品回酒店休息，住難波，真係明智決定！

行了一陣，我都累了，回酒店hea一下先！

休息一會，出發去梅田，搵果個 空中庭園展望台，都搵了一陣先找到。

幸好在日落前到，可看著黃昏天色既變化，啲景真係超靚！

又可飲番幾杯，查生大愛！

Hea了成兩個鐘，走了去搵晚飯吃，見到一蘭，就入去食

其實水準一般啦！不過凍凍地，又不想週圍搵食，都算不錯！

食完撘車返難波返酒店，本來想十點再去對面食多次串燒做宵夜，不過返咗去，又不願出去了！

即興大板、和歌山六天之旅 - Day 4

1月21日 - Day 4

今日先去一間佰年老店既 coffee shop食早餐，

之後去査生朋友介紹既壽司店，嘩，11：00來到已好多人，

等了差不多45分鐘，入得了，

真係好好味！

食飽去大板城公園行下，今日好好天，所以影了好多相，

行咗兩個鐘左右，好累呀！又返酒店休息下先出去晚飯。

今晩食磯丸水產

蟹蓋超正！

食飽行下又回酒店了！