今日終於完成今年既目標，總共七底。
材料
蘿蔔 約三斤
粘米粉 300 克
臘腸 適量
蝦米 適量
紅葱頭 少許
做法:
蘿蔔洗淨，一半刨絲，一半切條
臘腸切粒備用。
先落油和麻油，用紅葱頭起鑊，下蝦米炒香，
加臘腸和蘿蔔一起炒，下少許洒和少許糖，蘿蔔要煮至熟透。
熄火，調味(胡椒粉 兩湯匙 ，雞粉 少許，鹽 少許)，然後下粘米粉，如水少，可加少許史雲生清雞湯，攪勻。
用蒸盤盛糕，蒸四十分鐘，完成後加芝麻在面便成。
應承咗考完試整漢堡包比兩姊妹食，一直未對現，今日趁住假期，終於整咗比佢地食。
之前見 blog 友仔話和牛漢堡好好食，於是今次買來試吓。
好貴, $39一件，不過一分錢一分貨，兩姊妹話好好食！
做法:
1. 先將洋葱切絲，加少許香草略炒。
2. 將漢堡煎熟
3. 將包放入焗爐略烤
4. 將漢堡、洋葱及一片芝士放進包中即成。
由於我唔食牛，我嘅午餐係凱撤沙律。呢個沙律最重要係個汁。
凱撤沙律汁材料:
蛋黃 2隻 法式芥末醬 10亳升
意大利香醋 30亳升 蛋黃醬 250亳升
巴馬芝士 (磨碎) 40亳升 鯷魚 3塊
黑椒碎 少許
做法:
1. 把蛋黄、芥末和醋攪打在一起。
2. 慢慢加入蛋黃醬，不停地攪拌，直至調味料均勻柔滑。
3. 加入芝士、鯷魚拌勻，調味。
4. 將汁加入沙律菜、煙肉碎、麵包粒攪混，即成凱撤沙律。
今日約咗從未見過面嘅 blog 友 Amy，同埋大少奶喺Tubino 食 lunch。雖然第一次見 Amy，但係都覺得好親切，好似識咗好耐，可能大家都有個讀六年班嘅女，話題就更多。
嚟過呢度第三次，第一次影到間餐廳全景。
今日啲相用部新 iPhone 影，唔知是否未習慣部機，啲相影出來麻麻地，大少奶唔好意思，要借用你啲相。
呢杯餐前飲品，係同大少奶嚟先送架！幾好飲喎！
呢幅我用 iPhone 影，係唔係同大少奶影嗰啲差好遠呢？
今日餐湯: 粟米海鮮湯，好味！
我叫嘅豬扒配鵝肝醬汁，個豬扒做得好出色，唔會鞋口。
大少奶叫嘅羊。
Amy 叫嘅鱸魚。
同大少奶來，連甜點都升級，呢個朱古力mousse，係要凍食，我唔太愛甜品，但我都覺得呢個好掂。
蘋果tart，呢個反而普通啲。
心太軟，I like it!
跟餐嘅甜點都唔錯架！
我杯咖啡好靚架！
餐飯食到三點幾，但都好似傾唔夠喉，呢幾日心情麻麻地，但同佢地食完飯後，心情好返好多喇！好期待下一次啊！
臨走見到個紫色聖誕老人好靚。
琴晚終於試咗大少奶勁推介嘅 Tubino，噢！真係掂！
試咗大少奶話必食嘅 items。
黑松露菌湯 ------- 超正！自己真係整極都整唔到。
燒羊架同意大利飯，好好食，不過鹹咗少少！
之後叫了甜品 ----- 我地最愛嘅心太軟。
我地問侍應有無飯後酒，大少奶話呢隻酒好香，點知侍應話無飯後酒，跟住查生同佢吹吓水，又响了大少奶個朶，佢就話隻洒叫grapper，原來無得 order，係熟客先送，我地最後梗係有啦！查生再同佢吹多陣，仲送多兩件甜品添！
間嘢嘅食物水準真係幾好，我覺得好過 Watermark，不過就唔夠佢個 view 好。呢餐食得好開心，之後查生仲帶我去埋 "Topas" 開咗佢先前買嘅白洒，正呀！
