家姐十五歲 BBQ 生日會

十五年前既今天，我當上了媽媽，轉眼家姐已經十五歲，媽媽呢份工，原來我已當了十五年，其間喜樂參半，現在總算捱過最辛苦既日子，餘下的日子，除了當媽媽既角式，還要在家姐旁邊，當朋友既身份，才可和她溝通，所以，我仍在每天學習中......

今年冇在家中開生日會，上星期六改了去契媽樓下作BBQ派對。

今次要啲細試下透爐

多謝契媽醃既叉燒和冬陰公豬扒，好好味！

家姐點名要既煙肉蕃茄卷和燒蟮！

 

 

 

真係好大個女喇！

 

其實，幾個由細玩到大既，個個都成長了很多！

奬學金

聽到家姐話拿到上年中一既進步獎，真係好開心！ 琴日中六畢業禮，攞了張獎狀和$300 獎學金回來！原先我好想去睇佢攞獎，話唒都係第一次嘛！唉！不過女大了，唔想我地去，所以我都冇勉強，等第時攞全級獎先去！（ haha ! 幻想下啫！）
 
$300 雖然唔係好多，但總算係一個鼓勵，希望家姐繼續努力！

 
其實，呢幾年睇住家姐一路在進步，真係好安慰，回想當年問題多多，但都一一捱過了，雖然，而家唔係入讀名校，成績唔係名列前茅，但我見到佢思想既成熟，佢讀書既態度和技巧，都進步了不少，我真係好高興，雖然，我仍覺得佢有時太執著，唔係容易同佢相處，但始中佢都係一個乖女，我真係感恩！
 

PS: 佢唔想我喺個 blog 度寫佢咁多，不過今次我真係好想記底啊！

中一生活

開咗學差唔多兩個月，家姐成為中一生後，生活真是多知多釆，雖然沒有參加好多學會，但總有好多課後活動，一科中史已經有幾個 project, 又有中史播音劇要做，成日要去同學仔屋企做，又有一大堆分享會，水運會，運動會 ……生活十分充實，而功課亦都唔少，默書小測暫時仍未掌握到温習方法，所以成績唔多好，佢已經唔比我幫佢，呢啲年齢係唔鍾意我理佢咁多，只可從旁協助。不過， overall 佢好似好鍾意中一嘅生活，讀得好開心！

而我覺得佢升上中一後，好似大個咗好多咁！

 

家姐畢業禮 + 謝師宴

六日三十日係家姐嘅大日子，小學六年班嘅畢業禮。

今年請了車淑梅做嘉賓，原來佢係校友，由車淑梅頒畢業証書給家姐。

家姐有份代表畢業生上台唱歌。

而阿妹都有份表演藝術体操。

畢業禮完了，當晚就是謝師宴，呢個係一個難得嘅機會，增取和老師、同學影多啲相。

另一個校友--- 高浩正係晚宴嘅嘉賓。

蕭老師，由四年班跟到六年班(三年)嘅班主任。

同校長影相

佢地嗰班當晚影咗好多相，我發覺佢地嗰班雖然嘈，但就真係好團結！

 

小學生涯最後一日

上星期五，係家姐小學生涯最後一日，都預咗返去玩，佢都無帶書，淨係帶了相機。

同啲同學仔影吓相。

蕭老師，跟咗三年嘅班主任。

成朝都係影相同玩。

我問家姐有無喊，佢話無喎！但始中有不捨之情，天下無不散文延席，離別都係人生必經嘅階段，係時間學習喇！

家姐Jazz 表演@母親節,2011

家姐喺 SDM 學跳 Jazz 都一段日子，每次叫佢去表演，唔係考試就係唔得閒，今次終於有機會，星期日母親節有表演喇！

撞正喺母親節，叫嫲嫲嚟睇表演，之後一齊食 lunch。

家長義工 - 6B班

呢幾年都有做家長義工，負責幫老師一齊去外面做教育性参觀，前兩次都係帶妹妹嗰班，今年家姐六年級，佢話想我帶佢嗰班喎！今年除了做教育性参觀嘅家長義工 ，仲去了校運會幫手，既然家姐今年喺小學嘅最後一年，佢希望我做多啲，都無所喂啦！

雖然只係一間小學嘅運動會，但佢地都好認真架，有開幕式！妹妹有分表演，不過，太遠影得唔太清楚。

話就話做義工家長，喺校運會負責家姐嗰班(6B)嘅啦啦隊司令，但實情佢地O甘大個，個個自己都準備得好好，全部自動自覺。

我都無嘢可做，唯有週圍影吓相啦！

家姐啲 friends

妹妹嘅好朋友。

臨尾來過大合跑。

上星期三，又幫手帶6B去粉嶺嘅環境資源中心参觀。

6B大合照

其實做吓呢啲O甘嘅義工，都幾好架！既可以和阿女啲同學熟啲，又可以了解阿女喺學校嘅程況多啲添！