搬屋嘅大 project 終於完成，搬咗來這裡兩個禮拜，所有嘢都執好喇！大功告成，可以休息吓！
2009年11月28日 星期六
2009年11月13日 星期五
2009年11月12日 星期四
2009年11月11日 星期三
大 Project - 第十三集 - 進入倒數
終於都等到倒數階段，後天就搬了，聽日應該無時間寫 blog，今晚就作最後update ，之後就要到新屋再寫喇！
搬屋公司比咗四十個紙箱我地。
掉了張梳化，先至有位放啲箱。
在紙箱包圍下，阿妹努力地做功課。
2009年11月9日 星期一
大 Project - 第十二集 - 上屋搬下屋，唔見十籮穀
經過多星期的執執拾拾，屋企既雜物都清得七七八八，比人嘅比人，掉嘅掉，清走咗好多無用嘅野，上屋搬下屋，真係唔見十籮穀，不過執完之後，好似減完肥一樣，輕鬆哂！
2009年11月5日 星期四
2009年10月29日 星期四
2009年10月26日 星期一
大 Project - 第九集 - 取鎖匙和訂傢俬
星期六取了鎖匙，就去訂傢俬，以我地的極速，一個下午，已經訂好了全部的傢俬，大部份的傢俬，都在 DSC 買，其餘就在宜家和實恵買。
星期日就去咗換鎖，和換燈胆，跟住的日子，就會忙着清潔。
2009年10月20日 星期二
大 Project - 第八集 - 睇傢俬
今日同 Emily 行咗成日，先入沙田，想行吓宜家，點知宜家装修，於是去咗九龍灣嗰間宜家再行，去到行咗差唔多兩個鐘，之後又去找實恵再行，可惜九龍灣太細了，結果 Emily 再陪我到葵方的實恵再行。
總括來說，我地會去 DSC 買大部份的傢俬，餘下的應該會去實恵或者宜家。
如無意外，今個星期取匙後，就會去訂傢俬喇！
2009年10月18日 星期日
2009年10月13日 星期二
大 Project - 第六集 - 回憶
用咗幾個星期的時間，終於算係執好啲 CD 呀、VCD 等，今日連啲相簿都整理好，下一步就係執吓的書。
執啲 CD 和 VCD 時，令我有時間去聽和睇番好多已遺忘了的歌和戲，從中令我發覺，原來搬屋都有些好處，一來可以清理吓的雜物，又可以鈎起一些回憶！
2009年10月8日 星期四
2009年10月4日 星期日
大 Project - 第四集 - 煩
今日繼續睇樓，三日夾埋睇咗十九間，結果仍然沒有一間 perfect match，本來有一間美乎算幾好，但查生話風水唔好，唉！又係果句，又要夾呢樣，又要夾果樣，邊有完美呀？
有間美乎，裝修幾好，價錢算合理，風水都勉強 ( 可住一年)，但就兩房，不過廳大，但又因前面或會起樓，又未圍修，唔知一年內會唔會發生這兩件事，令我地考慮中。
2009年10月2日 星期五
大 Project - 第三集 - 失望
今日一口氣睇咗十一間樓，好累！第一次睇美乎，好失望，睇咗八間，只得一間的裝修 OK( 但都唔算豪裝，只係企企理理)，但價錢就好貴，之前以為放得租的樓，裝修應該會OK，點知會差成O甘，價錢又唔係平，美乎只係交通方便，但就好舊。
之後去咗睇兩間碧海籃天，和一間宇晴軒，新樓的感覺真係好，係就無O甘實用，但週圍環境好靜，好舒服，尤其是碧海籃天，夠靜、會所又靚又大，間格都算四正(當然無美乎O甘大，但新樓來講算係OK喇)，價錢都接受到，我就幾鍾意，但交通就唔係幾方便，又要接駁車。
聽地產講，週圍都無盤，所以租的價錢都幾企硬，唉！交通方便的，就舊同貴，幽靜新装的又交通唔便，真煩！
2009年9月29日 星期二
大 Project - 第二集 - 期待睇樓
琴晚到律師樓，正式簽了買賣合約，因為要就房協還款的問題，交吉日期可能提前到十一月的二十幾號，要做的事要開始喇！
星期日晚，去看過朋友美乎的屋企，美乎的屋確實見駛，九百呎單位已經好好用，不過住開幽靜的我，唔係好慣樓與樓太密，不過近來市道暢旺，地產話無盤，都幾頭痕！
2009年9月18日 星期五
大 Project - 第一集 - 初部計劃
雖然距離搬的日子，還有一段時間，但因十幾年未搬過屋，家裡雜物眾多，開始準備都差唔多喇！
第一 part 執的係家裡的 CD 、VCD 和DVD，其實好多 CD 都係好耐以前買下，而家都好少聽，我會選一些真係想紀念的才留低，其他的或會匯入 iTurnes 作個 copy，就唔 keep 了！
訂閱：
文章 (Atom)