今晚又覆診喇！來來去去都係果啲說話，其實而家覆診都唔係同佢傾心事，只係定期去攞藥姐！
自從上次病後，情緒因食了藥而差了，雖然病好停藥後，情緒已回復穩定，但心情仍有點波動，直至睇完大少奶送給我那本書後，才有所好轉。
*人生的順逆，常在一念之間，只要肯放手，豈不是峰迴路轉，柳暗花明又一村嗎？*
*上帝要我們做事要憑愛心而做，當我們付出愛心，上帝對我們的獎勵就是加倍的賜福，你願意給出去多少，上帝就願意給你多少*
*我們用什麼量器量給人，上帝就用什麼量器量給我們*
2011年10月13日 星期四
2011年9月7日 星期三
2011年6月2日 星期四
覆診 Update - Jun 1, 2011
昨晚又去覆診，醫生問我減藥後，呢個月情況如何，我話都 OK，點知佢問我有無信心停藥，突然間我未有心理準備喎！我以為減咗吃半粒藥，都要食番一段時間，先至可以完全停藥，點知咁快可以啫！結果，醫生決定睇多一個月，佢話等埋家姐放榜後，睇吓我應唔應付到，仲絕到下次覆診約到放榜後一日，即係話如果下次我覺得我 handle 到，佢就會比我停藥喇！
2011年4月21日 星期四
覆診 Update - Apr 20,2011
等咗年幾，終於都可以減多半粒藥，其實醫生仍然話我血壓高，但我不斷遊說，最後佢都比我試吓！不過，琴晚食半粒真係難入睡咗，唔知係唔係心理作用呢！但我一定會努力克服它的！
2011年2月17日 星期四
覆診 Update - Feb 16, 2011
已經好耐無喺呢邊 update 個 blog, 自從姐姐走後，日子都係忙，今個星期終於可以靜下來，經過個幾月，生活總算適應過來，呢個挑戰，我當成功了一半，琴晚覆診，問醫生可唔可以減藥，唉！點知今次衰咗喺血壓，我都嚇一跳，O甘高，原來上次來都係高，不過我無留意，醫生叫我呢兩個星期要日日 check 住，減藥嘅事都係下次等家姐考完試先講啦！
其實我情緒同心情都沒有甚麽，都唔知點解會血壓高呢？
2010年9月27日 星期一
2010年6月24日 星期四
覆診 Update - Jun 23, 2010
琴晚又覆診喇，呢兩個月情緒很穩定，只係兩姊妹考試時，比較緊張，不過唔知點解，每次去見醫生之前，個心都有啲亂，呢幾日仲比家姐啲慢激親，心情都麻麻，不過我而家都識自我安慰，佢有阿士保加，係O甘，唔洗勞氣！
2010年4月28日 星期三
覆診 Update - Apr 28, 2010
好耐無 update 覆診 嘅情況，其實呢幾個月，心情和情緒都係平穩，keep 住食一粒藥，只係唔敢 ask for 減藥，因為未來嘅半年，要面對很多事，家姐嘅呈分試、揀中學等，更重要嘅改變係工人姐姐滿約後，唔再請工人，自己一個 handle 哂成個 family，呢啲對我來說都係挑戰，所以唔會輕易完個 treatment，相信要等一切 settle 哂，才敢停藥，都食咗兩年幾，唔介意再等多半年，費事前功盡費啦！
但我相信，只要我信自己可以，神會給我力量去面對一切的！
2010年1月7日 星期四
覆診 Update - Jan 6, 2010
琴晚去覆診，我同醫生講呢個半月來情緒穩定，問佢幾時可以減藥，點知佢一口應，話試吓食少半粒。嘩！我個 2010 年大計，o甘快就可以實現，雖然都有啲擔心，但我有信心可以嘅。" 靠著那加給我力量的，凡事都能作"
感謝主！
覆診 Update - Jan 6, 2010
琴晚去覆診，我同醫生講呢個半月來情緒穩定，問佢幾時可以減藥，點知佢一口應，話試吓食少半粒。嘩！我個 2010 年大計，o甘快就可以實現，雖然都有啲擔心，但我有信心可以嘅。" 靠著那加給我力量的，凡事都能作"
感謝主！
2009年10月15日 星期四
覆診 Update - Oct 14
琴晚又覆診，這個半月來情況都幾穩定，雖然經歷了買樓、睇樓和租樓等等，但我都可以一一坦然面對。對於一個好怕變的人，搬屋真係幾令我憂累，不過而家相信，一切都有神的安排，神會為我選取最好的路，心裡的煩惱自然減少！
未來的一個月，才是最考驗的，只要面對到搬屋O甘大的 project，我想好快就可以减藥喇！
2009年9月10日 星期四
2009年9月3日 星期四
2009年8月19日 星期三
試後心情
考完試後，連繼玩了兩天，餘下這星期的日子，都係玩、玩、玩，心情和情緒都平靜了很多，或者今次真係找對了出路。
今日睇咗大少奶介紹給我，一個 blog 友的blog，其中的一篇，很有意思，想同大家在此分享吓！
http://hk.myblog.yahoo.com/auntie-goo/article?mid=171
其中講到任何事，都不會偶然發生。記得好多前年讀 LD 時，都有這個論點，世事係無偶然的，估唔到今日又被 remind 了這想法。
以下那一段我感受比較深！
*******************************************************
"靠著那加給我力量的, 凡事都能作"
沒有偶然, 沒有枉然, 神給你走的這些路, 神容許你經歷這些,
要讓你得試煉, 得到更美好的你. 也許甚至藉此祝福更多的人.
祂應許: 你的日子如何, 你的力量也必如何.
你所受的, 必不比你能受的多.
************************************************
2009年8月7日 星期五
重新振作
剛剛覆完診，醫生仍然是個句，唔想加藥或轉藥住，睇吓九月兩姊妹返學後，而我又考完試，情況可能會好轉些，到時再決定。
今次覆診，我問醫生，如果我信教，係唔係會好啲，他說信仰的確有幫助，不過因為經過信仰的改變，到時的我己經唔係原先的我了，係喎！因為思想上的轉變，性格已經扭曲了，雖然未必係壞事，但需要時間去了解！
呢段時間，我每晚都有祈禱，當係比個機會去和衪溝通吓，我希望未來的一星期順順利利，可以如期在下星期日考試，將一切交由衪的安排。
其實，到呢一刻都未完全信，只是沒有那麽抗拒，考完試後，我會好好的思想吓！
不過，今朝我和一個朋友傾電話，她啟發了我一點，她昨天發生了一些問題，好唔開心，今天我打比佢，佢己經平服了很多，我真係好佩服佢，經歷了很多事，佢都很堅強面對，記得上年係佢人生中最唔開心的時候，佢都捱得過，而家少少的餘波，又點難到她呢！佢同我講，係我以前教佢凡事睇開啲，唔好執着，好多野在我身上學番來，現在反而自己能醫不自醫，佢這樣講，令我有重新振作起來的感覺，或者就是昨日種的恩，今日得的果。當日我支持佢、安慰佢，今日變番佢支持我、開解佢！
最後，好多謝妳的鼓勵和支持 ( 妳知我講緊嗰個係妳)，妳真係好叻呀！期待我們下下星期的約會吧！
2009年7月24日 星期五
迷網期
終於食完兩星期的藥，情緒的確沒有那麽焦慮，但整個人像沉於一個迷網期，心情仍然抑悶。
琴晚，和幾個中學同學吃飯，其中一個和我一樣有焦慮症，不過佢已經好番，停了藥一年，臨走時先講起我最近的情况，她極之明白我的感受，她說一定會有這些波動的日子，唔洗灰心，好多謝佢的鼓勵。和她傾訴，有啲野唔洗講都明，可能是同路人嘛！
佢話這一年 ( 停藥後) 都有反覆，只係佢信了主，佢無迫我信，只係提意，其實我由細都大，都有好多基督徒在身邊(屋企都有一個啦！)，但一直都好抗拒，我五個最好的中學同學，全部都是教徒(琴日嗰個都信了)。
我記得我有病入院那一次，出院那天，情緒很差，我曾經呼喚過主，看看他可唔可以幫我，結果我感受不到，所以放棄了。我覺得信唔信都要講緣份，我唔想當信仰係水泡，琴晚，我再一次呼喚主，我祈禱了，不過都好似無反應喎，可能大家都未 ready 啦！我係一個好怕比人迫的人，一切都要睇緣份。
在這個迷網期，唯一要先做的，是專心考好個試。
2009年7月9日 星期四
2009年6月24日 星期三
2009年5月12日 星期二
訂閱：
文章 (Atom)