笫一次當花藝老師

喺呢段等待方向既日子𥚃，神比了個任務我，話說在五月考完花試後，朋友問我有冇興趣在教會教插花，之前教開個導師唔得閒教，雖然係義教，但我覺得係一個好好的機會取經驗，所以我一口答應了！

終於，第一堂在上星期日開課了，今次得五位學生，有三位係之前識既，所以都不是好緊張，上堂時間過得好快，我見佢地都學得好開心，我好有滿足感！

我真係覺得我喜愛教花多過賣花，喜愛花的人是開心的，以花會友，係我老師講的，我希望可以將花藝介紹比多些人識，懂得欣賞花的人，是幸福的，希望我將來真係可以成為一位真正導師，將花藝傳承下去！

Miracle Blossom 專頁

世事往往有所安排，這個幾月發生太多事了！其實，成立Facebook 專頁，在我心中考慮了一段時間，思前想後，最終在9月30日建立了！可惜，第二天十月一號，公公就入了醫院，一直都冇時間去努力經營它！

好感恩朋友的支持，已經接了幾個order, 多謝大家比機會我！

有畢業禮花束

生日花束

更有男仕生日花束，收花不再是女生專利，一些特別日子，也可打破傳統，比個驚喜男生！

其實開網上專頁，接order做花束，並不是希望賺大錢做大生意，只是想有機會做多些花藝設計，而又可和大家分享多一些作品，至於未來方向如何，都要等待下年四月，去台灣考完試才能確定。

如果想送一束花給至愛親朋，在生日、畢業禮的日子裡，表示心意，可考慮下小店！

https://www.facebook.com/miracleblossom2016/?fref=ts

每次都會因應客人喜愛，當季花材，用心創作出一些不同的花束，比起坊間一式一樣的，更具心思。

希望大家支持！

DIY 花飾

剛過去既星期是母親節和查生生日，我想用我所學的花藝知識，用在生活上，設計了一些自家制花飾。

查生生日，好想突破傳統，整男仕花束，用了之前學的權杖式花束，加上顏色配撘，我覺得冇咁女生feel

母親節整了以下三個設計：

婆婆的玫瑰花瓣花束

99既垂直花束

我送給自己既心型花盒，這個在ERB課程學的！

其實，在ERB節日花學的心意小花盒，非常有用，送給朋友時，只要將花泥包裝下，就可成盆送，朋友又不需再找花瓶再放花，放幾天待花謝，整盒掉了就可，很方便！

送給朋友搬新屋的

送給兩個朋友生日的

近期不斷咁整，對花藝既興趣愈來愈濃厚！

半球型（圓形）插花法

西式插花最基本必學一種。

花材通常用較圓既花，例如；康乃馨、玫瑰、太陽花

特點：要四面看和花材要平均

構成圓型最少要6朶花，中型要11朶，大型要16朶

做法：

1 先剪6支花一樣長，花器直徑加1吋入泥位，先插中間一枝，之後五支平均圍過圓型

2 第二層5支花，一樣長，花器直徑不用入泥位，圍住中間支花，平均插成第二個圓型

3 之後在第一、二層圓，花與花之間插櫬花如：小丁、無忘我、黃孔雀

4 再用洋天冬、米仔籣全遮花泥即可

這種圓型插花法好用，簡單又常用於小花籃、餐桌花、會議桌、茶几等，用途廣範。

賀年花-2016

話咁快又過完個農曆新年，今日初八，除了妹還在放假，查生和家姐已上班、返學了！

今年賀年花，仍是自己插。

先講年花，原先想買水仙，但今年啲天氣冷成咁，啲水仙全部不開！於是依舊買了籣花，今年好抵，我地買啲開盡既，$100三支！

至於其他賀年花，我年廿八先出去買，幫婆婆插埋，結果買多了花，居然插了盆出來！

下年都係買少啲，不過去到花墟，見啲花咁靚，又忍不住！

年初五是小妹牛一，叫查生比$500我買花，當生日和情人節禮物，自己扎了扎花給自己，成本$300，賺了$200，哈哈！

第二天拆開 packing,啲花好散，於是用泥插了盆 L型花！

仲DIY了張情人咭添！

今年全屋都花，希望真係花開富貴呢！

聖誕花飾

除了上插花班會有花插，有時我會自己插下花，尤其假期日子，剛過去既聖誕，自己都插了些花。

我在花墟買了20枝紅玫瑰，都係$80，超抵，因有咁多花，我插了三盆花，加埋其他花，大約買了三佰元多。

這盆給婆婆的，我最滿意的！

呢盆送了比我好朋友，也不錯！

自己果盒，反而覺得麻麻地！

還有呢扎，比我99，都正架！

插完三盆，還有好多玫瑰剩！

䐡插也很美！

第一次的插花工作

收到妹妹學校一位家長邀請，希望我可插盆花，給她們在學校開放日，賣曲奇的枱裝飾。

這是我第一個插花工作，雖然今次是義工，但賺到了經驗和實習機會，是十分難得的！

由於今次 Budget 很少，所以花材選擇不多，我選了太陽菊，夠平嘛，但原來配花和葉，相對也貴，加上一盆既材料，其實樣樣用少少，也是錢呢！結果，我在花墟行來行去，行了成個鐘，先買好了花材，真是一個好好的體驗！

我前一天早上就買定花回來，因要養水，花先會靚！果晚先插，啲花已開得很燦爛了！

插好了後，發現剩下很多太陽菊，於是插多盆，用盡啲花材。

第二天早上，送去學校，大家都讚！好開心呀！

第一個DIY的生日花籃

好友生日，想整個花藍送比佢！

今次係自己一手一腳去整，雖然是抄翻上次老師教既款，但花材上有所改變，所以都要預先設計下。

原來自己買花材是咁難，尤其找遮花泥既葉，最後行來行去都找不到，算喇！決定不買了，反正咁多花材都應該遮到花泥的！

其實，已經不太記得怎插，都係是是旦旦插了出來，所以我自己也只是覺得麻麻地！

插出來有啲似開張花藍，不過，好在好友收到時很喜歡，很驚喜！佢仲在家影了張相，再美化了來多謝我，唔洗客氣，你鐘意就得喇！

花材：

貓尾草 3支

玫瑰10支

白色洋蘭一扎

紫孔雀1扎

彩星1扎