在香港這個社會𥚃，要選擇放棄自己的工作，在家做全職媽媽已很難，可況兩夫婦一齊當起全職爸媽，實在有無比膽量和勇氣！
就因為咁，被呢本書名吸引了，買了回家看。
這對夫婦是典型既中產，不是大富大貴，爸爸是在一間外國駐香港旅遊局工作，成日要飛來飛去不在港，媽媽是測量師，有車有樓有工人，但為了陪伴兩個仔仔童年中最珍貴時光，放棄工作，回家去當全職爸媽。
十分佩服他兩既勇氣，他們堅持用一、兩時間，過最簡單平淡，省吃儉用，陪伴兩個仔出生的頭幾年，見證他們既成長。
絕對同意他們說父母回歸家庭的重點不是金錢，是心態，好多時雙職爸媽花錢得很凶，但最後只是賺到錢，但顧不到孩子！當捨棄一些物慾，父母的心態歸於平淡，就會發覺很多身外物都變得不重要。
當父母花很多時間在工作賺錢上，郤失去陪伴孩子的時間，孩子需要父母時間很短，當小朋友長大要飛走時，父母先醒悟要留住孩子，恐怕孩子也不願陪雙親了。
不過，現實歸現實，真正要實行，都真係需要很大既決心和勇氣，當年我自己回歸家庭，當個全職媽媽也考慮了很久。
但，他們真係做到，還寫下書分享如何做到和一些技巧，真係真得大家一看，仲使不是每個家庭，都容許父母兩都回歸家庭，但他們那份理念和堅持，值得我們學習，比起現在熱講既＂贏在起跑線＂不斷咁吹谷小朋友成長，這對父母對仔仔既愛和時間分配，更值得我們學習！
