早上六時的樓下，
人都唔多個，只有我地在等校車。
沒有姐姐的這兩個多星期，心情沒有想像中那麽緊張，但要做的家務比想中多，初初以為兩姊妹長大了，應該比以前幼兒時輕鬆，但原來都是那麽多濕碎事要做，起床後要煲茶、洗柸、執床、吸塵，再加上每天要洗衫、浪衫、接衫、熨衫(好彩婆婆幫手熨衫)等等，已經忙足一天了！
幸好姐姐在聖誕假期時放假，有個幾星期不需要五點半起床啦，自上星期五開始，假期完了，我就開始五點半起身，跟住就忙到夜晚，好像今天，早上忙做清潔，下午又要去土瓜灣接家姐放學，回來後又要看管她們做功課，好彩妹妹現在到補習社做功課，我可以集中看家姐的功課，吃完飯後，又要掃地、拖地、洗衫，忙到現在才可以寫吓 Blog，不過之後未完，還要為家姐的常識出卷(因下星期又考試啦！)。
所以，姐姐在我們家都幾重要，原以為過多兩年可以不用姐姐，現在看來需要重新考慮吧！不過，今次姐姐放假，可以給我嘗試一吓做全職主婦的滋味。
這些日子，令我有機會送兩姊妹上校車。
難得一大早，影番張相留念先！
還有兩天，姐姐就回來了！
聖誕假期又結束了，明天又番學啦。今年的聖誕假期，節目豐富，雖然一個派對都沒有，但每天都十分充實。
12 月22日 ------ 學校聯歡會
今次，家姐有合唱團和舞蹈表演。
聯歡會後，我地去了歷史博物館，家姐想去了這裡很久，今次終於還了她的心願，可惜行了兩個多小時都未行完，只好答應她有時間再來吧！
12月24日平安夜
睇完[荒失失奇兵]後、去食聖誕餐及影相，過了一個平靜的平安夜。
12月25、26日 ------- 南昆山之旅
超開心之旅！
12月28日 -------小欖BBQ
12月29日 ------ 廸士尼一天遊
1月1日元旦 ----數碼港嘉年華
假期的最後一天，去了數碼港的嘉年華。
好刺激呀！
跳呀！跳呀！跳！
玩船仔，排了一個鐘。
好開心的一個聖誕假期啊！
終於等到聖誕節了，一行十二人，一早就到了葵芳等車。
影張合照後，跟住就出發啦！
睇吓，我地就係坐呢架車，[登]了個半鐘頭去南昆山。
終於到酒店了，有雜技表演歡迎我地。
Check IN 後，就去試風味餐，味道比想像中好。
我地就係住這間別墅，週圍啲環境有無加國 feel 呀？
屋前，影張大合照先！
將來退体後，有間屋如此，都唔錯、唔錯喎！
呢個是我地的私人温泉。
戴住聖誕帽泡温泉，幾有氣氛！
全部人都去玩高卡車。
我都有玩，幾刺激呀！
夜晚，留在屋來玩吓牌，
扮吓野、開聖誕派對，還有.........
最開心一定是五個小朋友，有間大屋比佢地走來走去啦！
三個女仔一間房，一齊睡，梗係開心到痺啦！
我地間屋對住煙花區，所以唔洗錢，都有煙花睇，真係好靚、好近。
P.S. 家姐、妹妹，雖然妳地沒有堂兄弟、表姊妹，但有幾個由細玩到大的好朋友，經常一起聚會，實在難得。今次還一起去旅行，可惜兩日一夜時間略少，希望以後有機會一齊去多幾日吧！
我地這班好朋友，愈來愈似一家人啦！
