畢業禮

期待以久的畢業禮終於到了！可惜 ......

一早起身，發現隻眼腫咗，遲唔腫，早唔腫，等咗九年，今日去畢業就腫，唉！真係世事難料！不過，都要照去嫁！

好無 mood呀！

讀咗o甘多年，就係等呢一刻！

眼腫都要影，不過就有 d 掃興囉！

好在到咗下午，隻眼好番 d！於是去咗香港大學再影。

影完相，即刻去睇醫生，醫生話敏感喎，但又唔知咩嘢敏感，唯有快d食藥，早d訓，希望聽日隻眼好番，同班 friends 再影過。

畢業前夕

聽日就係等咗好多年的畢業禮，終於我可以一嘗心願，做個大學畢業生，雖然而家週圍都係大學生，但對於我來說，係一個等咗二十年的心願，今年零九年畢業，剛好和八九年會考距離二十年，估唔到當年錯過咗繼續讀書嘅機會，o甘多年後都可以大學畢業，真係感恩！

我而家的心情既緊張又興奮，期待明天的畢業禮 ！

 

家長義工 - 3E班

今日到學校做家長義工，今次係第二次做，負責帶妹妹一班去参觀衛生教育展覽及資料中心。

嘩！成班三十幾人，坐旅遊車時，真係好嘈，啲男仔真係幾曳，唔怪得家姐話阿妹在班上算乖，我十分佩服啲老師，日日對住呢班生番，都幾係。

妹妹其實唔想我去做義工，佢開始覺得阿媽去學校，有點尷尬，不過，我地啲阿媽就梗係想去做啦，可以睇吓佢在學校的情玩況，又識吓佢啲同學，所以下年仍會做嫁！

今年無影大合照，我就影咗兩張公仔相。

講到衛生教育，就梗有圾垃蟲和清潔龍啦！

宮心計

呢個世界，有人嘅地方，就有人事的問題，尤其是有女人的地方，就更煩，無論幾歲至幾十歲都一樣。

今日接家姐放學，途中聽佢訴苦，原來琴日佢同一個同班同學吵架，而呢個女同學原來很有影響力，好多同學都唔敢亦佢意，佢唔鍾意的人，其他人都唔會同佢做朋友，所以而家家姐比人孤立了，不過，家姐覺得自己無錯，唔驚唔怕，佢話忍咗佢好耐，唔會再就佢。

雖然這樣，我亦唔會插手，一來我唔知整件事的真相，二來係時侯比家姐學吓處埋人事問題。其實，小學五年班女生，得嗰十歲，已經o甘複習，又話呢個二五，又話嗰個扮野，唉！你估拍緊宮心計咩！

計我話，最真最純的友誼，就係在讀書時才會出現，佢地應該珍惜才對！

畢業袍

今日心血來朝，打電話到 OU check 吓啲袍幾時攞得，點知原來人地一早通知咗(我無留意通知書上寫了)，上星期四、五可以去攞，今、明兩天 last 了，於是即刻去攞。

攞到件袍喇，等咗o甘多年，到手喇！

着咗件袍，終於感受到畢業的心情！期待畢業禮！

一肚氣

晨吉O甘早起身，同兩個女換特區護照，八點去到，見外面無人排隊，以為無死啦！點知所有籌已經派哂，原來佢地七點半就提早派籌，激到爆！專登推哂啲課外活動，點知都係攞唔到！

明明大大隻字寫明九時派籌，啊！你話人多就派籌先，o甘鼓勵啲人越排越早，半夜人多半夜派都得啦！跟本破壞了派籌嘅機製，一係你就寫明：[派籌時間會因多人而隨時提早，不另行通知]，如果寫明，都順啲丫！

難忍一肚氣，找職員理論，雖知沒有幫助，但總算發了道火，職員叫我寫意見書，放心，我一定寫！

雞乸o甘大隻字寫明，都可以任意改動。

聖誕樹

每年踏入十二月，看見週圍的商場，都佈置得很靚，很有聖誕氣氛，我就好想在家可以擺 paul 聖誕樹，可惜年年得個痛字，終於，今年等到喇，而家嗰廳放到 paul 四呎聖誕樹，買回來後，已急不及待佈置喇！

今年開 Christmas Party ，應該有氣氛啦！