角力

每次一到考試、測驗的日子，就要跟兩姊妹角力，近年，每到温書嘅時間，就要跟妹妹角力一番，平時默書，多得去了補習社，由補習社嘅老師同佢温，總算避過一番的角力，但到了考試期間，難免又要閙過你死我活。

每次都係唔滿意佢嘅學習態度，一副唔想温，死蛇難善嘅樣，真係睇見都眼火爆！我寧願佢蠢，佢唔識唔緊要，但佢唔係唔識喎，只係無心裝，懶懶閒，你急佢唔急，鬧佢重要一言九鼎，唉！激死我喇！ 

或者我真係無 EQ 啦！週旋喺兩姊妹之間，温習就變成一場可怕嘅角力戰爭了！

反常？

又話温室效應，全球暖化，點解北京會劇凍，英國又下大雪，真係反常嗎？雖然香港無兩年前果次     O甘涷，但今晚都凍咗，我係一個好鍾意凍嘅人，好鍾意落雪，可惜香港無啦，所以我好驚將來無冬天，就連少少凍嘅感覺都無埋，就慘喇！

 

覆診 Update - Jan 6, 2010

琴晚去覆診，我同醫生講呢個半月來情緒穩定，問佢幾時可以減藥，點知佢一口應，話試吓食少半粒。嘩！我個 2010 年大計，o甘快就可以實現，雖然都有啲擔心，但我有信心可以嘅。" 靠著那加給我力量的，凡事都能作"

感謝主！

烹任班 -法國菜 - 第一堂

烹任班第一堂，學咗兩道菜：

田螺湯, 呢個係阿 sir 整嘅

雀肉釀雞胸

嘩！法國菜連整個湯，都要成個半鐘，唔怪得要食幾個鐘啦！我地係無得煮嘅，只可以睇阿 sir 示範，不過就有得食。

試食完都飽哂，唔洗食 lunch ，於是同 Eva 去咗 Starbuck 食甜品、飲咖啡。完美嘅一頓午餐。

覆診 Update - Jan 6, 2010

琴晚去覆診，我同醫生講呢個半月來情緒穩定，問佢幾時可以減藥，點知佢一口應，話試吓食少半粒。嘩！我個 2010 年大計，o甘快就可以實現，雖然都有啲擔心，但我有信心可以嘅。" 靠著那加給我力量的，凡事都能作"

感謝主！

烹任班 -法國菜 - 第一堂

烹任班第一堂，學咗兩道菜：

田螺湯, 呢個係阿 sir 整嘅

雀肉釀雞胸

嘩！法國菜連整個湯，都要成個半鐘，唔怪得要食幾個鐘啦！我地係無得煮嘅，只可以睇阿 sir 示範，不過就有得食。

試食完都飽哂，唔洗食 lunch ，於是同 Eva 去咗 Starbuck 食甜品、飲咖啡。完美嘅一頓午餐。

2010 年大計

由十二月十八日畢業禮開始，旅行呀、派對呀，一直忙到琴日，今日終於可以回復正常生活，係時侯坐低計劃吓 2010 年的大計。

先回顧 09年，畢業嘅目標達到了，兩姊妹考試嘅成績都唔錯，只可惜，上半年嘅情緒唔係幾穩定，到今日仍未減藥，完成唔到 09 嘅目標。

今年真係要好好計劃吓，點樣享受人生，享受最後一年的少奶生活 ( 明年一月頭姐姐 contract 到期)，今年要好好利用來充實自己，學啲有興趣嘅 short course, 繼續睇多啲書，起碼睇哂屋企買咗未睇嘅，做番多啲瑜珈，一星期至少兩、三次，今年想嘗試吓 keep fit ( 不過要過咗個冬天先得)，不過，今年最重要嘅個人目標，當然係減藥或者停藥啦！

致於另一個重要目標，就係睇住兩姊妹的學業成績，家姐今年呈分，阿妹要考入精英班，所以我今年要好好部署，分配好啲時間。

最後，今年還有兩個旅行大計，希望可以實踐啦！