換季

拖咗幾個星期，今日終於啲起心肝攪掂哂。我成日都覺得，最煩嘅家務，就係同衫有關，每日必做家務就係，洗衫、掛衫、收衫、摺衫與及熨衫，雖然只得四口，但每日必有大堆衫要處埋！

每年兩次換季執衫，更加頭痛非常！其實上星期，已開始處理一部份既衫，每逢冬天轉夏天衫，我都會攞呢部蒸氣熨斗出來，將一啲唔會攞去乾洗嘅褸蒸吓，然後先放入櫃。

今日就番哂啲衫出來，睇吓邊啲衫仲要，邊啲唔要，重新分配過啲位置。

執好哂，幾整齊！

新髮型

已經唔記得幾耐無試過短頭髮，相信無十年都有八載，原先真係想剪楊宜個頭，但個髮型帥講，我前面啲陰唔夠長，唔可以剪住，要留長先可以，於是先剪個冬菇頭，等我適應吓短髮。嘩！剪完覺得青爽咗，雖然真係想短啲，但既然髮型帥話要留長啲陰，先可再變，唯有等吓啦！

講真剪之前，心情有些忐忑，話哂長頭髮咗咁多年，雖然唔係剪到好短，都有啲不捨！但剪完又無後悔喎，只係想快啲再剪短啲！

炎夏

今年啲天氣真係幾返常，年頭冬天凍到飛起，話咁快又熱到暈，今年好似無咗春天，一嚟就直入炎夏，而家五月已經日日卅十幾度，到了暑假都唔知點算！

一向怕熱嘅我，今年仲要做埋家務，更加覺得熱上加熱，所以聽日的起心肝，去剪髮去 ......

家姐Jazz 表演@母親節,2011

家姐喺 SDM 學跳 Jazz 都一段日子，每次叫佢去表演，唔係考試就係唔得閒，今次終於有機會，星期日母親節有表演喇！

撞正喺母親節，叫嫲嫲嚟睇表演，之後一齊食 lunch。

老公正日生日

今年查生生日，可以玩足三日，實在好開心！琴日正日，朝早去麥記吃個豐富早餐後，就落屋企樓下揼骨，本來查生想返大陸揼，但我話樓下有間按摩店，唔洗山長水遠返大陸，雖然貴啲，但而家人仔都唔平，慳番時間同交通費都喺番到啦！我地揼咗一 part 身，和一 part 腳，成個人鬆唒，前幾日條頸痛都鬆埋。正呀！

之後返屋企 hea 吓，又出動去睇四點場，我地睇 "倩女幽魂"，又比想像中好喎！

晚飯喺尖沙咀嘅 Spasso，係朋友介紹，話好有 feel 喎！本來我 book 咗 indoor，因為驚熱，但琴晚天氣好好，有啲風，好舒服，所以 request 轉 outdoor。

呢間餐廳係食意大利嘢，呢嘢食一般啦，但 outdoor，十分有 feel!

食完飯，去咗香格里拉飲紅洒。

老公生日@Ocean Park

查生身份證係今日生日，但係其實真正係聽日，不過今年既然有時間，就享用了 Ocean Park 生日免費呢個優惠，去咗玩半日。

本來都有啲擔心會多人(仍在黄金週)，但可能我地早嚟，人唔多。

我地都係想 Hea 吓，週圍行吓，影吓相。

另外，今次嚟主要係睇呢個新開嘅海洋館。

最後我地喺新開嘅餐廳食 lunch，

呢度可以一邊睇魚，一邊食嘢，都幾得意！

尤於我個早餐仲未落格，我仲飽，我只係叫咗個龍蝦湯，都幾好味架！

查生嘅和牛便當。

額外假期

因為查生有一個額外假期，加上後日係佢生日，今個星期就去吃、喝、玩、樂。今日要陪佢出去尖沙咀做啲嘢，我地先去 Harlan's 食個 lunch 。

其實已經係第二次來。

頭盤係自助。查生選了淨食頭盤，呢碟係佢嘅。

呢碟係我嘅第一碟，

第二碟，

我選了通粉做主菜。

Set lunch 包咖啡同甜品。

So far, 我地都覺得呢度啲食物幾有水準！食完 lunch 就去咗行街，其實查生好少平日放大假，好耐無試過咁樣陪我行街街喇！行到兩姊妹放學就返屋企。

今晚喺屋企同查生預祝生日，婆婆煮了鮑魚，而我就煮了新學嘅西式海鮮大燴。

呢個海鮮大燴，雖然買相唔多靚，但估唔到味道好好，無諗過唔食西餐嘅公公都大讚！

就咁開開心心又過一天，聽日又有特別節目，Yeah!