沙巴之旅-2011 - Day 2

第二日，一早起身，酒店房露台望出去個境，好靚！

 

 

我地跟了 local tour 去沙比島 ，一早就要集合。上船之前，去餵魚先，嗰日天氣好好，天色好靚！

到了沙比島，我地玩了水底綿羊仔、降落傘和浮潛，上天下海，玩得好 happy！


攪錯相機個 mode, 但影出來又幾有 feel!



嗰晚我地去食出名嘅肉骨茶

沙巴之旅-2011 - Day 1

計劃了一年多嘅暑假外遊，終於成行。原先去日本嘅樂園團，變了而家嘅陽光與海灘，一樣好玩！其實，數數手指已經五、六年沒有一家四口一齊外遊，今次更加和另外兩個家庭，一行十人一起去，實在難得！

由於我地撘三點半機，＋二點到機場 check in，再到lounge 食嘢 hea 陣先。Lounge 啲嘢食都唔錯。

好快就到了沙巴，到了 hotel check in 後，阿浩(我地個 local guide )就帶我地去食海鮮，呢餐係我地喺沙巴咁多日，最好味嘅一餐。

之後返酒店，班細路仲要繼續玩！

沙巴之旅-2011 - 出發喇！

期待已久嘅沙巴之旅終來了！以為有好多時間，可以慢慢執嘢，攪吓攪吓，點知都係琴晚好忙咁完成。本來想用兩個喼，但原來而家啲 airline 好嚴，寄嘅行李，不可以過二十 Kg per 一個喼，最後只分開三個喼啦！因為搭三點半機，唔洗早起身，又唔洗趕，haha!

沙巴，我地嚟喇！五日四夜之旅，開始 ........

Blog 友仔 gathering @ Pizza Express

呢個星期會好忙，日頭有好多嘢做，夜晚又好多聚會。

今晚先有同大少奶、Amy 和她的女兒 Angel 食飯，我地本來想食中菜，點知一個唔食牛、一個唔食羊，於是都係食番西餐，其實食什麼沒問題，最緊要聚一聚！

原先心情麻麻地，但食吓、講吓、笑吓，就好開心，仲約定下次添！今晚，仲有意外收穫，多謝大少奶教我用部相機。

P.S. 喺度寫 blog 仍然唔係係慣，啲相唔知點解亂哂，攪到無心機寫長啲！

新相機

 

上星期買了部新相機，OLYMPUS - EPL2，因為部 G10 入了塵，整番要好貴，所以又唔想整，又為了去沙巴，於是就買了部新嘢！

今次呢部係換鏡機，比較複習，有排學，揾我個缷用 Model 試試！

暑期家務班 -2011

睇咗[怪獸家長2]入面一篇嘅 - 外判教仔，提及現時有一些興趣班，一次過二百蚊一堂，教小朋友洗米煮飯、煲水，學用簡單電器，如電飯煲等，吓！唔係嘛！學洗米，$200元？

當初唔再用姐姐，都是想比多啲機會兩姐妹學吓做家務，不過，平時返學日子，功課繁忙，都無嘜機會教佢地，因比趁今年暑假，定了一些家務，要兩姊妹輪流做。

家姐每晚負責洗碗，妹妹負責拖地，我又教了她們吸塵、拖地，仲有洗米，咁咪慳了$200？之前有教妹妹熨彩，遲啲會教埋用洗衣機，呢個暑期家務班應該都幾有用！