奬學金

聽到家姐話拿到上年中一既進步獎，真係好開心！ 琴日中六畢業禮，攞了張獎狀和$300 獎學金回來！原先我好想去睇佢攞獎，話唒都係第一次嘛！唉！不過女大了，唔想我地去，所以我都冇勉強，等第時攞全級獎先去！（ haha ! 幻想下啫！）
 
$300 雖然唔係好多，但總算係一個鼓勵，希望家姐繼續努力！

 
其實，呢幾年睇住家姐一路在進步，真係好安慰，回想當年問題多多，但都一一捱過了，雖然，而家唔係入讀名校，成績唔係名列前茅，但我見到佢思想既成熟，佢讀書既態度和技巧，都進步了不少，我真係好高興，雖然，我仍覺得佢有時太執著，唔係容易同佢相處，但始中佢都係一個乖女，我真係感恩！
 

PS: 佢唔想我喺個 blog 度寫佢咁多，不過今次我真係好想記底啊！

朋友生日飯@帕莎（Al Pasha）

朋友仔生日，佢提意去帕莎（Al Pasha) ，位於尖沙咀K11 ，呢度係一間幾特別既餐廳，食新疆菜，每晚都有肚皮舞表演，老闆娘係教肚皮舞，我朋友是佢學生，所以介紹我地來! 餐廳裝修得很有氣氛，充滿中東色彩，很有格調，不過入面比較黑，影唔到相。

其實今次是我第二次來，上次同查生來過，亦都在此介紹過，今次再寫，主要想講下呢度既表演！
 
不過，點都要提下今次食咩，全部由朋友仔發辨，佢熟啲嘛！落了單後，先奉上自制麵包配橄欖醬和雞肝醬，味道尚算不錯。我地叫咗：芝麻羊肉卷、羊肉燒烤串、酥皮拼盤、涼伴彩絲、辣蜆粉絲煲和麻辣金針雲耳煲，啲羊一啲都唔蘇，另加了兩個甜品，綠豆桂花糕和拔絲香蕉。

 
其實呢度主菜唔係食物，而係肚皮舞表演，呢度每晩有三場表演，分別是晩上8：00 、9：00 和9：45 ，我初頭以為我地食頭輪，睇完第一場，就會迫我地埋單，可能嗰晚係星期四，唔太多人，結果我地睇唒三場先走。 今次我地坐個位有啲光，都影到幾幅相啊！ 表演十分出色，其實我都跳過一堂肚皮舞，實在太難喇！人地跳得幾有美感！

朋友仔呢排都好努力學習，佢話呢度有時會有老闆娘啲學生表演架！話唔定遲啲，朋友仔都有機會，喺度表演呢！

自動吸塵機械人

眾多家務中，最討厭做既是吸麈和拖地。很久以前，己經知道有呢樣吸麈機械人，不過好貴唔捨得買，但係每次見到成地頭髮，兩位小姐啲頭髮，經常遍佈全屋，但我又唔會勤力到，像以前有姐姐時，天天吸塵，一星期兩次左右，但是佢地啲頭髮之多，令我很煩惱！
 
最近，真係頂唔順，喺淘寶或團購網見到有老番，價錢一半，但思前想後，怕佢易壞，最後都冇買。 我將部相機放了上二手網賣，結果賣了三千元，把心一橫就用這三千元，再另加幾百，買了它回來！

 
用了個多星期，有以下少少評價：
 
老實講，呢部機係唔可以完全代替正常吸麈機，要切底乾淨，一定要用人手嗰啲，但像我一般，只是要求吸下些頭髮，天天用，又確實不錯！當然每星期，仍要用吸麈機，作深層清潔。 而家每天，早上我都會放佢出來，自己週圍吸下，而我就可以去做其他家務，慳返好多時間！

不過，想提下，用呢部機，最好屋企唔好大多傢伙雜物，好似我屋企咁，傢伙全部靠邊放，中間一片空，會好些，如果唔係，就要人手搬開啲雜物，失去本身原意！

用了一星期，基本上我都好滿意，我覺得既然部相機放響度冇用，而家賣了它，用啲錢換部有用既工具，就真係完美！

資料準備

踏入十一月，好多中學都舉辦中一簡介會，方便家長和學生，到自己心儀既中學參觀及了解。基於有了家姐之前既經驗，有好多九龍城既學校都參觀過，所以我地對呢區既中學都有一定既認識，只是當年家姐時，我地集中參觀一、兩間自己喜愛既，而另外其他既，就好求其去看一看就算，結果，派去第三去願，就好徬徨，唔了解間中學，其實有參觀過，但冇用心聽，結果險些兒錯過了一間好中學。

有了經驗，今次就學精了，睇多幾間比較下，有些雖然唔會放第一、二志願，但放三、四、五位既都好重要，一定要清楚了解那些學校，萬一派到，都比較容易接受，所以，我建議喺自己嗰區既中學，起碼參觀七、八間中學， brand one , brand two 都睇啲，唔可以偏埋一邊，做多些資料搜集，到放榜當日，就算失手，都唔會太混亂！

好在今次係第二次，有了一次經驗，有好幾間中學，之前已經睇過，所以都唔會太忙。相反如果是第一次，有仔女升中，呢兩個月就忙爆了！

簡易食譜- 燒肉

自從喺大少奶個 blog , 学了整燒肉後，因為實在太易，所以经常整。

材料： 五花腩一舊
 
做法：

1   用薑葱水將五花腩飛水，再浸冰水，然後抹乾

2   一湯匙幼鹽，一湯匙紹興酒，醃五花腩一夜

3   第二日取出肉抹乾水份

4   用錫紙圍住肉既四面，再在皮面蓋上半時粗鹽

5   用焗爐或光波機，150度火焗一個鐘

6   之後，取去錫紙和面既粗鹽，用200 度火焗15分鐘

7   最後取出，放涼十分鐘先切

我試過用焗爐和光波機整，我覺得用光波機冇咁乾，好味啲！

過山車心情

經過了兩天過山車心情，今日回復平靜。 星期一，多數留在家中做家務，一個人的午餐： 五香肉丁炒出前一丁，總覚得查生炒得好味啲！

星期六晚，去了QQ 生日會，今次打邊爐，今次查生冇去，佢去了香港 U 既聚會，只有我地三母女出席，原本那天很開心，食野、傾計又一晚，大人細路也開心！

點知撘的士返屋企就出事，落車我比完錢司機，家姐就話個電話唔見咗！我當時望過坐位冇電話留底，而那一秒又好混亂，順手關了車門，家姐大聲話要 hold 住架車，但架車已走了，我地追都追唔到！佢果日著條短褲，個電話就咁放入袋，個袋又淺，個電話好易跌出來！ 返到屋企，家姐係咁閙我，點解要關車門，唔比佢入去搵，唉！果刻太快，根本來不及反應！之後，不斷電打話，都長晌但冇人聽，打咗成個鐘，而家呢啲時代，跌了電話，仲慘過跌錢，一來金錢損失，二來，電話入面既嘢冇晒，呢個手機出咗三個月喳！攪到我成晚瞓唔著！

最後，星期日早上再打佢電話，已經關機，冇啦！ 爸爸要家姐自己負責任，家姐願意自己比錢買返部機，結果，琴晚出去出返張咭，我地選了$0 機價出台，但月費就要用二佰幾，同之前用開三十幾，真係幾級跳，不過而家有得上網，而且$0 比你攞部機走，係咁啦！家姐要出返$2000賠償，分期還，佢算乖喇！希望今次咁大教訓，以後小心部機啦！
 

後記：家姐啲 EQ 都幾高，跌咗部手機，當然會唔開心，但第二朝已經冇事，我仲驚佢會影響溫習測試，佢完全放低，反而我仲心有不甘！呢樣嘢家姐醒過我！

老富昌 again

昨天又約了大少奶和 Amy 出來，今次我提議去老富昌，因為我有 coupon ,（ haha C9 心態） 三個女人一個墟，一見面就講、講、講，我都冇咩影食物。 呢度普遍午餐都唔貴，大約$ 7X -9X ,我地選了有頭盤、甜品既豐富午餐 set , 價錢$14X , 冇影到主菜，我影了頭盤和甜品。

頭盤幾精緻，上兩次夜晚來，我覚得個湯唔得，反而今次個湯又幾好味。

甜品係拼盆上，唔錯！ 呢度環境舒服，我地傾到成三點先走！

之後，一齊行了一陣shopping , 再之後去飲杯咖啡再吹，超正！ 約了十二月中，來過 Per Christmas Party , 到時又傾過食過！