新年派對- Dec 28 - Women Talk

繼聖誕派對後，12 月28， 29 ，又有兩個派對。自從學了西餐後，開派對多數自己整食物，尤其每年聖誕期間，都比較熱衷煮嘢，今個假期，就煮了三餐。
 
先講12 月28 - 小型派對，四個女仕加四個細路。

煮了老翻火雞，磨菇湯，都係朋友點名想食！
 
這款雞，前後煮了三次，我覚得今次最好！這味雞收爐了，下年聖誕先再見！
 
黑松露磨菇湯，今次整得好好味！整湯係好難控制，好似聖誕節個粟子濃湯，就失敗了！

全晚三個細路打機，我地就 women talk , Happy !

聖誕 Camp - Dec 26, 27

十二月廿六、廿七，去了麥理浩夫人渡假村宿營。 呢度係住獨立屋，三個人一間，我地十五人，分到五間！

呢度環境都幾優美，有些外國 feel , 不過，太多斜路，成日要上上落落，好辛苦！

廿六號中午入營，先去玩繩網。

六點就食晚飯，今次 book 唔到BBQ ，唯有食圍餐，不過都係一般！之後，去了射箭和唱 K。呢度唱 K ，好有懷舊 feel ，係要寫紙比打碟姐姐，再上台唱，好似我地後生嗰陣唱 K 咁！玩了個幾鐘，包唒場咁，超開心！

跟住返屋交換禮物，係小朋友交換，今年係六個細路，之前互相抽名，再由小朋友，自己諗買咩禮物比自己個 friend , 好似有義意些！

 
第二日- 廿七號早上，去了攀石，跟住就走喇！

 
出 camp 後，再來美孚繼續玩，食埋晚飯，大家先回家，開開心心，玩了兩天！

2012年回顧

2012 年，既然沒有末日，咁就要繼續下去！感恩，呢年平平靜靜，無風無浪!

家姐踏入中二，比升中一時成熟了，自律了，我已經沒有跟她任何功課，學業上所有時，佢自己攪掂，我亦落得清靜，專心一意照顧妹妹既功課，妹妹今年六年班，要面對升中選校，不過有了家姐之前既經驗，今次都冇咁緊張，只係好好督促妹妹讀書，盡力考好呈分試，幸好第二次呈分試考得唔錯，只要繼續努力考埋三月嗰次，應該冇問題！
 
2012，去了兩次外遊，八月暑期，一家四口去了台灣，趁兩個女仲肯跟我地去旅行，來緊都會安排多些！另十二月，剛和契爺、契媽、Kenny 、Eva ，一行六人去了泰國，一班老友去旅行，梗 happy 啦！
 
2013 ，新既一年，只希望平平安安，一家人健健康康，已經係我這個C9既最大願望！
 
祝大家新年快樂，身體健康！

聖誕夜-2012

玩咗一星期，終於今日停下來休息下！呢一個星期裡，差不多日日都有朋友上來聚會，西餐都煮了三日。

先講下聖誕節正日- 12月25 日，一班親戚到訪。

 
當日 Menu

烤小蕃茄釀蟹肉沙律
徳國火腿拼沙律菜
栗子濃湯
老番聖誕火雞
磨菇意大利飯
煎西冷扒
羊腩煲
上湯浸時蔬
甜品： 雪糕火鍋及榴櫣 pancake

個雪糕火鍋最搶手！

 
今年玩交換禮物，大家都玩得很開心！

新世紀

好感恩，大家都過度了昨天所謂既末日，或許有人從來都冇相信過有末日，覺得這是無聊之談，或許有人深信不疑，恐懼了很久，無論怎樣，昨天都沒有末日，我地仍然生存，仍然過著一直過既生活，既然死唔去，我地就要好好咁生活，末日帶比我地一個反思既機會，我地要珍惜生命和大自然，人類先可以有美好既新世紀！

明日世界終結時

以前成日有人問：「如果明天就係世界末日，你今日會點過？」，每次都求其答，但呢個問題今日問，似乎又變得真實好多！

不知從何時開始，傳出明天 2012 年12月21日，就是世界末日，我印象中是看完一部叫 2012 既電影開始，盡管我未至於盡信，但心裡也有過一點恐懼，我不是怕死，如果全世界都要死時，也沒有得逃避！

如果明天真是末日，我既人生亦沒有什麼遺憾，只要死時沒太大痛苦，就好了！
 
末日會不會來，明天就知道，無論明日是否世界終結時，今天仍要好好活著！

Tea Buffet @萬豪

朋友放半日想搵 Tea Buffet 食，週圍 check 過，好多酒店只做六、日，週一冇咩幾間有 tea buffet , 突然記起幾年前，去過萬豪食，於是打去 check , 星期一都有，咁就再來試下！
 
未夠鐘食，行下 PP , 呢個商場每年聖誕，都佈置得好靚！

幾年冇來，食物質素仍然好好，$250 一位，𣿬豐白金咭有八折，三點半食到五點九，環境幾舒服，朋友相聚，喺度傾計唔錯。

先來件三文治和沙律 再來一碟冷盤

 
之後，來碗粥，又幾綿!

 

呢個南瓜湯，最正！我飲了兩碗 。

最後，食埋甜品，飽唒！連晩飯都唔洗食！