黑松露磨菇湯/ 忌廉磨菇湯

一直我都是湯怪，中西湯都愛。學了西餐後，知道煮湯原來好難，比起煮其他菜式更難做得好！ 呢個湯我都試過好多次失敗，先可以掌握到。

材料：咖啡菇一盒，牛油 ，麵粉，忌廉，清雞湯
 
做法： 如果要個湯 creamy , 我覺得一定要炒麵撈，牛油炒麵粉，要不斷攪，細火， 炒成麵撈，

熄火，等一陣，冇咁熱時，再加入雞湯,變成麵胡 一定要熄火，唔好太熱加雞湯，唔係會起粒粒，麵胡完成，備用。

1 磨菇切片，炒香備用。

2 雞湯略煮，慢慢加入麫胡，一路攪住，水滾收慢火煮10 分鐘 , 熄火，用隔離隔一至兩次，之後加磨菇

3 中火煲十分鐘，熄火，放攪拌機攪勻
4 再細火煲十分鐘
5 最後，加忌廉，攪勻，即成
   如果加少許黑松露油，更成黑松露磨菇湯

就是這枝黑松露油

蒜頭甜椒醬

呢個醬整了幾次，不過一路都冇寫番個食譜出來！其實，呢個醬好味好易整，而且幾健康，用來配法包一流！

材料： 
紅甜椒 ( 用160度焗40分鐘） 100克，去皮焗薯 120 克，蕃茄茸 15 亳升，蛋黃 1隻，蒜頭 1粒，純味橄欖油 125 毫升，鹽、甜椒粉少許

做法：

1 紅椒燒焦趁熱去皮
2 把紅椒、薯仔、蕃茄醬、蛋黄、蒜頭、鹽和甜椒粉同置撹伴機中攪碎成茸
3 加入橄欖油攪成濃稠醬汁

烤小蕃茄釀蟹肉沙律

這個沙律在聖誕期間，整了兩次，覺得好食和易整，想分享下！

 
食譜 From Rachel Yau ，但有些改變！

材料： 小蕃茄一磅，蟹肉150克，牛油果一隻切粒，洋蔥1/4 隻切粒，蛋黃醬2湯匙，酸忌廉2湯匙，檸檬汁少許，英式芥末粉或醬少許，黑椒及海鹽少許

做法：

1 放小蕃茄放入焗爐以120度焗1小時
2 拌入蟹肉及所有材料拌勻，以黑椒、海鹽調味
3 將蟹肉放在紙杯上，小蕃茄放在中間即可

蒜頭甜椒醬

呢個醬整了幾次，不過一路都冇寫番個食譜出來！其實，呢個醬好味好易整，而且幾健康，用來配法包一流！

材料： 
紅甜椒 ( 用160度焗40分鐘） 100克，去皮焗薯 120 克，蕃茄茸 15 亳升，蛋黃 1隻，蒜頭 1粒，純味橄欖油 125 毫升，鹽、甜椒粉少許

做法：

1 紅椒燒焦趁熱去皮
2 把紅椒、薯仔、蕃茄醬、蛋黄、蒜頭、鹽和甜椒粉同置撹伴機中攪碎成茸
3 加入橄欖油攪成濃稠醬汁

烤小蕃茄釀蟹肉沙律

這個沙律在聖誕期間，整了兩次，覺得好食和易整，想分享下！

 
食譜 From Rachel Yau ，但有些改變！

材料： 小蕃茄一磅，蟹肉150克，牛油果一隻切粒，洋蔥1/4 隻切粒，蛋黃醬2湯匙，酸忌廉2湯匙，檸檬汁少許，英式芥末粉或醬少許，黑椒及海鹽少許

做法：

1 放小蕃茄放入焗爐以120度焗1小時
2 拌入蟹肉及所有材料拌勻，以黑椒、海鹽調味
3 將蟹肉放在紙杯上，小蕃茄放在中間即可

除夕倒數 Dinner @ 西灣-吉利

有諗過唔知介唔介紹呢間位於西灣既吉利日本餐廳，最後，決定都係寫，我覺得應該都唔會再去，所以都值得一寫！我講既唔會再來，並唔係啲嘢唔好食，反而相反好好食，不過，係因為實在太貴，超乎我想像！
 
好！唔講錢，講食物，呢間係一間小鋪，成間只可以坐廿人。
 
除夕晚，係査生大學同學聚會，佢朋友負責訂枱，佢話呢度食長腳蟹好正，所以我地帶埋阿妹來，佢最鐘意食蟹嘛！

 
呢度啲海鮮好新鮮，真係好似喺北海道食咁！
 
先來個夜光貝，嘩！極好味！

 

刺身拼盤

主角長腳蟹，又係嘩一聲，超超超好味，啖啖肉，好味到，食到唔停得手。

 
之後，海膽刺身，又係新鮮到不得了！

 
再來每人四件壽司，不過真係太飽，我只食了九十九島蠔壽司和呑拿魚肝壽司，再加了一隻溫泉蛋。

 
最後，甜品是紫蕃薯和柚子雪糕，兩隻都勁正！

 
總括，呢餐所有食物，都超水準，大家都食得好開心！ 但由於所有食物，朋友一早預定，我地係唔知價錢，不過啲食物水準咁高，都遇咗唔平，但真係冇想過，係咁貴，比我想像貴一倍啊！一間小店，食物水準和價錢，都令人咁難忘！
 
雖然好貴，人生試一次都值得既！新一年，富貴一餐，好開始！

新年派對- Dec 29

Dec 29 ~ New Year Party with TI 同學

是日 Menu:

頭盤：烤小蕃茄釀蟹肉沙律, 德國火腿拼沙律菜,  甜椒醬配法包

主菜： 紅酒炆牛肋條 ,炸意大利雪吞 ,燒豬肋骨 , 煎牛扒
 
甜品： 焦糖蘋果杯

烤小蕃茄釀蟹肉沙律

甜椒醬配法包

燒豬肋骨

焦糖蘋果杯

 
雖然好似好多嘢要煮，但有Mo Mo 、Janet ，兩個好幫手，幫手切嘢和炸嘢，而 Cat 就幫忙影相，所以煮得好輕鬆！
 
嗰日大家對阿妹幅砌圖，好有興趣，個個都好落力硏究！

 
新既一年，希望大家身體健康，事事如意，開開心心！