參加了學校嘅家長義務編輯小組，琴晚第一次開會，呢個小組主要係協助校長，出版佢地學校嘅校報。
雖然我對呢個校長印象嘛嘛，但佢出校報呢個理念我幾 buy，而家啲小學生作文水評真係比較差，有呢個平台比佢地投稿，都係一件好事。
十二月中後，逢星期二朝早都要返去幫手。
2010年11月8日 星期一
Gathering @ Chris 家
成個月前，已經約好咗上星期六去 Chris 屋企燒野食，點知星期五開始落雨落不停，星期六中午雨還下着，於是決定改為打邊爐，但係到了六點，又無雨了，屋主 Chris 好細心，兩手準備，我地一次過喺佢屋企，打邊爐加燒野食，食得很開心，多謝梁生、梁太嗰晚盛情招待！
切得靚唔靚呀？我切架！哈哈！
燒野食用風筒？
2010年10月29日 星期五
小六生血淚史 - 開始篇
呢篇網誌係應家姐嘅要求寫。話說開學兩個月，頭嗰個零月啲功課量都仲 OK，呢兩個星期就開始多了，可能要趕住教啲書，十一月頭測驗，十二月頭又考呈分試，啲老師梗係 嗱嗱臨教哂啲書，然後狂做練習啦！每日仲要做公民數、英文補習姐姐嘅功課、學林中文嘅練習等，每晚都做到九點幾，唔可以維持九點半瞓嘅習慣。
家姐每天都投訴，點解O甘多功課，點解要補習，甚多怨言...... 佢又知自己六年班要博，但又唔肯付出，唔明成功需苦幹嘅道理，唉！你估我想補O甘多習架！我錢多咩！唔補習淨靠温學校啲作業、工作紙，肯定死得啦！而家啲學校考試會考 extra 嘅嘢，佢地 expect學生喺出面學， 於是個個都喺出面補習，如果你唔補習，OK，你會合格，但唔會高分，人人都想考間好中學，個個就要攞高分囉！
家裡有個小六生，全家全年都一齊受壓。我家有個小六生，仲要係一個極度固執(亞士保加)嘅，未來呢年真係唔知點捱，正確來講，應該係小六生全家血淚史先啱！
2010年10月28日 星期四
@Tubino
琴晚終於試咗大少奶勁推介嘅 Tubino，噢！真係掂！
試咗大少奶話必食嘅 items。
黑松露菌湯 ------- 超正！自己真係整極都整唔到。
燒羊架同意大利飯，好好食，不過鹹咗少少！
之後叫了甜品 ----- 我地最愛嘅心太軟。
我地問侍應有無飯後酒，大少奶話呢隻酒好香，點知侍應話無飯後酒，跟住查生同佢吹吓水，又响了大少奶個朶，佢就話隻洒叫grapper，原來無得 order，係熟客先送，我地最後梗係有啦！查生再同佢吹多陣，仲送多兩件甜品添！
間嘢嘅食物水準真係幾好，我覺得好過 Watermark，不過就唔夠佢個 view 好。呢餐食得好開心，之後查生仲帶我去埋 "Topas" 開咗佢先前買嘅白洒，正呀！
2010年10月17日 星期日
2010年10月10日 星期日
與好友週年紀念@Yamm
琴日攞正 premit出去玩，因為又係我地四個好友嘅週年紀念 ( N 年喇！)，今次去美麗華嘅 Yamm。
原先我地book 咗"都會海逸"，點知星期四晚同阿婆講開，佢話佢個 friend 話唔抵食，其實臨急臨忙都無想轉地點，點知星期五睇到 Athena 個 blog，介紹 Yamm話好，我即刻打去問，點知仲有位 ( 初初開要三個月前 book 架！)，O甘就梗係轉呔，即 book 啦！$238 + 10% ，仲買四送 一，我地剛剛四個，埋單 $185，超抵！
食物種類無 Cafe Koo O甘多，但勝在精緻，顧住影食物唔記得影人喎！
啲蝦同螺都好爽！
蠔就太細同重海水味，唔得！
啲壽司好好味！
沙律、串燒都 very good！
仲有鐵板燒。
前年我來 Yamm食過 dinner buffet，嗰時可能因為覺得啲人講得太好，而價錢又貴($5XX)，所以覺得唔會反兜，但今次食 lunch buffet，$185又覺得超值喎！
整體來說，琴日呢餐 buffer，好好味！好感恩啊！
2010年10月4日 星期一
善用 LE CREUSET 煲
自從買咗個LE CREUSET 煲回來，就成日想吓用個煲整啲咩！
琴晚，用來整泡菜一品蝸。
開始時好整齊，
煲咗一陣就亂了喇！
上枱了，都幾好味，下次買啲正宗日本料，味道應該會更好！
再接再厲，今晚再用來煮煲仔飯，都算唔錯，不過仍有進步嘅空間呢！
訂閱：
文章 (Atom)