新電腦

換咗部新電腦，攪咗兩個星期，都未 update 返哂以前啲嘢，你知啦！我有好多歌同戲嘛！除咗電腦入面嘅基本裝置、Window、Office，係揾人幫我外，其他所有 software，都係我自己逐一 upload，當中總有遇到困難，又試過失敗，但我又會不斷嘗試，又比我撞中入到喎！

唔知點解其他嘢，我係無耐性去研究，但電腦呢家嘢，我又OK，咁多年我都係靠自己，一樣樣撞返來。

不過，總有失敗嘅時候，我部 iPhone 和舊 iTunes 啲歌，就喺我同部新電腦同步時，全部無哂，我之前搬屋時，我用咗好多心機整理架！唉！而家又要從新來過，呢樣嘢都幾大工程，要慢慢 update。

希望呢部電腦生生性性，可以用上幾年，我真係好怕換電腦，不過，我更怕無電腦用，而家呢個年代，無電腦用，仲慘過無電視睇呢！

生日會@Carol EE屋企-2011

上星期六，去咗Carol EE屋企，開四月份生日會。

今次除了打機，仲玩埋整曲奇餅。

最後，玩咗一個叫"Black Magic"嘅遊戲，好愉快咁過咗一個週末晚上。

雪地裏的蝸牛奄列

近幾年，張小孄嘅小說，好興將佢舊嘅小說，重新包装再推出，每次都會再買，這已成為我嘅習慣，因為每次嘅封面都好靚，好吸引，每次買完，我都會當新書O甘，由頭再睇多次。

今次輪到這本，'雪地裏的蝸牛奄列"係我喺佢小說裡其中喜歡嘅一本。好喜歡女主角離家的時候留一盞燈，本來是男主角的習慣，她離開了他，卻留下他的習慣，彷彿從來沒有離開。呢個故事給人一種無奈嘅感覺，明明相愛，但又互相傷害，不能一起生活！

一個人在家的時光

因為我係獨生女嘅關係，由細到大，我都好多機會一個人喺屋企，除咗細個(小學五、六年級時)，我唔鍾意之外，其實我幾 enjoy 一個人時間。

到生咗家姐後，家裡自此熱鬧起來，姐姐、公公、婆婆，之後生埋妹妹，成屋都係人，都無咩機會靜靜地一個人，就算兩姊妹朝早返學，家裡還有姐姐、公公，所以之前嗰幾年，我雖然無返工，我好多時朝早都出咗街，等佢地放學先返來，始中覺得屋企有個姐姐喺度，唔係幾方便。

而家，我又多番好多一個人喺屋企嘅時間，三點半前，我都可以好寧靜咁喺屋企，所以呢段時間，我黐家咗好多！一個人嘅時侯，可以聽吓歌，睇吓 DVD，好寫意架！

試用期

唔經唔覺就過咗三個月，呢段日子比我想像中過得輕鬆，無姐姐嘅日子，都唔係太辛苦，只係有時少啲自由。

坦白講，當初作出呢個決定，都有少少擔心，驚自己應付唔到，不過，而家過咗三個月，又覺得OK喎！

呢份工嘅試用期，我當過咗喇！

放監

今日家姐考完試，等陣過去學校接佢放學，帶佢去食嘢同行吓街，當係獎勵佢考完試啦！至於自己，我獎勵自己去街街，約咗 friend 食晚飯，諗吓都有成個月無出夜街喇，來緊兩日都有街街去，真開心！

而家出夜街，真係無以前O甘方便，所以每次都會好珍惜！

大功告成

家姐嘅考試，考埋聽日就考完，可以鬆一口氣！三個呈分試終於考哂，只要四月中，填埋大抽獎份表，升中要做、要盡力嘅都做哂，總算大功告成！

今日聽到婆婆講，佢一個舊同事(我都識，同我差唔多大)，佢個女同家姐O甘大，今年都係六年級，九月升中一，佢居然放棄自行分配呢個階段，唔同個女報學校，原因係費事攪O甘多嘢，唔想填表和影印喎！O甘都得！邊有阿媽惰成O甘，亞女前途都唔理，好彩佢個女成績好好，大抽獎應該會派得幾好，佢好命，佢仲有個仔，以前升中都係靠大抽獎，入到元朗一間出名中學，佢從來唔理仔女功課，世事就是如此配撘！雖然係人地嘅事，唔關我事，不過真係有啲睇唔過眼，點解而家仲有啲O甘嘅父母？