摺衫版

天氣開始熱定，係時候同啲衫換季，一年兩次好討厭嘅工作！今日開工，之前行街見到呢塊摺衫版，幾得意買咗，今日攞出來用，好好用喎！

用來摺衫好整齊，又可以摺得啲衫扁啲，慳返多啲位。

復活節假期-2012

假期過後，终於有時間update 個blog,今個復活節假期，我地一家去咗澳門一天遊、廸士尼、錦田BBQ,生日会等等,節目都幾豐富！

4月1日 - 澳門拜山一天遊

今年去澳門拜山，冇住一晚了，澳門啲酒店愈來愈貴，吾值得呢！早船去，黃昏船返，一天攪掂哂！

其實年年都去，澳門都冇咩地方，啱我地一家大細行。去到好快就拜完山，之後去澳門觀光撘 (因買船飛送，而班細路又未去過)

 

去完觀光撘，仲有大把時間，就去手信街逛吓，見到間當鋪博物館，又入去睇吓！

4月5日 - 清明節

同阿嫲食完 lunch, 一家四口就出了尖咀行街街！

4月5日 - 廸士尼

雖然呢日吾係公眾假期，但廸士尼超多人，可能個個都好似 Daddy 咁攞一日假，就有連續六天假期。

一入去，梗係去新嘅地方玩先，排旦旦狗，排了個半鐘先有得玩，之後開始下大雨，成個下午係咁落，勁冇趣！

妹妹居然夠勇玩呢個！

入夜後好在停了雨！

4月6日 - 復活節公眾假期第一天

相約我班 TI 舊同学，去錦田 BBQ，兩姊妹先去擇士多啤梨。

夜晚成班人又上了來打邊爐，勁！

4月6日 - 四月份生日會

黄昏又出動去 Carol EE 屋企，又係大吃一餐！

餘下假期嘅日子，因家姐放完假要測驗，於是預時間比佢温書呢！

Rachel Yau Cooking Class -燒春雞&大蒜薯蓉湯

好耐冇上 cooking class ，係時候學啲新菜式。琴晚又去Rachel 度上堂。 佢搬咗落一層，地方大咗好多！
 

好羨慕有個咁大嘅廚房！ 今日學燒春雞，大蒜薯蓉湯和焦糖焗香蕉布甸伴雪糕

隻雞非常滑，好好食！個湯都好正！

甜品都唔錯，不過咁複雜嘅，我唔會整喇！

個燒春雞和大蒜薯蓉湯，都會試吓整！

18 週年紀念@澳門

琴日係我同查生拍拖 18 週年紀念，我地去咗澳門一日遊。好多人認為，都老夫老妻，仲咁有閒情去慶祝呢啲週年紀念，但我就覺得，要 keep 住一段關係長久，係需要經營，一年裡面嘅日子，就是靠大家嘅生日呀！拍拖紀念日或者結婚紀念日呀，回復返啲拍拖嘅感覺，多好呀！ 其實今次去澳門，係因為我地換了票睇水舞間。

 
我地搭十點船，去到澳門先去新濠天地取票先，之後去了 Galaxy 行吓，我地去了群芳食 lunch buffet ，之前大少奶介紹過，$188 一位， 呢度食物款式都算多，但可能就大陸同胞，中餐食物比較多，但二佰元樓下嘅質素來說，算 OK 架！我地食到兩點幾就走喇！

 
撘酒店車去官也街行吓，我地琴曰去邊都係撘酒店車，慳返啲車錢！去到官也街,

行了十分鐘已行完，我地又冇嘢買，最後又去了做腳底按摩，做完一 part ，撘車返新濠天地，時間差唔多喇入場！

 
水舞間真係幾精彩，好刺激！好值得睇，不過啲門票都幾貴，我地座 B 區，要成$680 一位，不過我地用Asia Mile 換飛，我先會捨得睇，如果要我真金白銀買飛睇，我又未必會去。

 
睇完都就來七點，出返新馬路搵嘢食，我地買了九點半船返香港，所以都唔太多時間，求其搵了間餐廳食葡國菜，呢間我地以前試過食午餐，所以都覚得穩陣。

食完就返香港喇！一天遊話咁快又完結呢！

近排

近排又過返啲正常而平靜嘅生活，自從的起心肝醫返條腰後，每星期有兩天，逢一、四早上都要去做治療，所以日子都過得很充實。爸爸去了美國公幹兩星期，不過佢個個星期都飛，我都習慣哂了！原本爸爸係上星期日早上六時到香港，後來佢改了搭早一班機到，即係星期六黃昏六點幾到香港，早了十二小時回來，點知件事就在佢回家唔夠十五分鐘發生，真係十分好彩，有佢在我就唔洗我去面對，如果唔係我肯定發瘋，我真係覺得神係安排好一切的，我地點都估佢唔到，所以我今次真係要衷心感謝主！

Le Creuset -2012 Family Sale

今日好充實，但又好累，一早約了Eva 去工聯會報名，下個月又學番煮嘢食，今次學泰國菜，好在早啲去報名，得番七個位喳！原先好 perfect，諗住今日開倉，就順便過埋去，點知十一點幾去到，嘩！已經排隊排到大打蛇餅，見到都暈，即刻掉頭走！
 
一早Eva 都 plan 咗帶我去呢間食壽司，呢間餐廳夜晚來食飯好貴，但佢個 set lunch $190 任選13 件壽司就算抵喇！

 
啲魚生好新鮮，勁好味，好正！

食完之後勁飽，諗住行吓就返屋企，點之行吓行吓，又行返去開倉嗰度，見人少了，就算啦照排，唉！最後用了四個鐘，先出返來，原來上面人生人海，淨係比錢，都排了個幾鐘。

 


結果，終於買了我想買嘅呢個煲，嘩！成三折幾架！我地好叻，冇亂買嘢呀！

N 週年紀念嘅舊同事聚會

就是這幅相，速成了琴晚嗰餐飯。 話說上次家姐生日會，無聊間攞返以前啲舊相出來睇，契媽見到呢張相，就話佢唔見哂以前啲舊相，佢用 iPhone 影底留念。第二日，佢張幅相用Whatapp sent 比大佬（一個我地好尊敬嘅舊前輩），佢立刻叫契媽約齊人食飯，而家呢個世代有 Whatapp 呢樣嘢，一個 message 就一呼百應，其實要約齊我地班靚太都幾難，不過聽到話係大佬約，大家都張就張就，除了一位在加拿大，一位聯絡唔到，琴晚都好齊人囉！影返張相同當年對比吓！
 

其實呢班同事，就是當年我入電子呢行嘅第一間公司識，喺 N 年裡面，大家轉來轉去，都仍留在這個圈內，我地之間有啲仲做過幾間公司嘅同事，好奇怪，當年喺呢間公司做個班人，大部份仍在這圈子內工作，分佈在唔同嘅公司。 我地雖然唔係成日見，亦唔算深交，但每次見面，又會覺得好親切，好開心嘅感覺。

我入行嗰時，公司唔算太大，當年公司生意正值起飛時期，大家雖然做得好辛苦，但又做得好開心，公司有好多 gathering ，當時大家又好樂意參與，整間公司好有團隊精神，嗰幾年成日OT，仲記得我地好鍾意六點幾同啲 Sales 去食個 tea ，之後先再返上公司搏殺，所以我地同事之間嘅感情都好好！ 呢幾年要見啲舊人，都係喺啲婚宴上，不過呢啲機會又越來越少！要結都結哂喇！希望將來多啲呢啲聚會，約齊多啲人，就更好喇！

呢