我估大台都冇諗過，重播—套廿三年前既劇集,會牽起全城話題，雖然在深夜十二時才播,但很多人都晚晚追捧,要看直播,而我要早起,所以通常第二天才在網上睇番,我估如果放在黄金時間播,收視肯定好過而家做緊既劇集呢!
變成熱話當然有它的理由，可能太耐太耐,冇看過咁好既電視劇,對上—次稱得上神劇,已是三年前"天與地"，之後大台既劇集,我都冇咩點睇喇!甚至平時夜晚都不開電視，轉煲韓劇或HKTV既劇了!
講番"大時代"，係我睇過咁多電視劇,最喜愛的一部,記得第一次播時,可能未必集集有看,但已經覺得十分好看,印象很深,到第二次重播,我記得大約在九七年,當時也在深夜時份,那是還没有上網重温,只有晚晚用錄影機錄起,所以我記得我是集集看哂,但日子過了咁多年,已經好多劇情不記得了!
本來我以為這套戲永遠都不會再重播,因丁蟹效應，一做股市就跌,估不到今次大台夠胆在股市暢旺時博一舖，一話重播,大家都熱切期待，全城都在講這套戲,講戲情、訪問番以前啲演員，實在風頭一時無倆!
今次再重温,我覺得感覺不同了,我覺得套劇更正,人長大了,對套所領吾也有不同,留意和着眼位也不同,以前，鐘意看愛情線,看方展博、慳妹和龍紀文三角關係，以前好憎丁蟹。今次,我反而着眼点看丁蟹呢個角色, 以前總覺他這角色好討厭，好衰，但而家看,我覺得丁蟹這人,是很可悲的,他其實不是壞人,心地也不壞,他孝順、講義氣，但他總是活在自己世界裡,將一些自己做錯事,歸立於—些荒謬理論，永遠真誠地合理化咁道出來,他鬧佢四個仔對方家做既事是流氓所為,他不認同也不讚成,這個人不是大奸大惡，但又會令人討厭，而他自己卻以為人人負他,這種角色,忠亦奸時,奸亦忠,而家啲劇集好少寫到咁既角色，而秋官又做得恰如其份,不多不少,令角色非常凸出!
其實，成套劇,每個角都好色鮮明,個個演員又做得相當好,就算客寸幾集既劉從仁,做方進生也十分令人難忘!
這套劇集,最吸引人就是每一集都好看,絕無冷埸,令人看得非常投入,這是現在啲劇難以擁有的!
如此神劇,真是難得出現！人們寧願重看一套廿三年前既舊戲,也不想收看現在大台的兩線劇集,大台真的要反省，反省了!
