五天喪影喪買狂玩三母女大板遊 - Day 4

Day 3- 8月17日

今天去環球片場，係三位少女最期待的行程。

朋友一早已在網上訂唒入場票，連 fast pass 都買埋，我地買最貴果隻，可以哈利波特區，,而且不需排隊，超正！

原本我以為會好熱，早上係幾熱，但下午落完一場大雨，天氣變得清涼好多了！

哈利波特區好靚，我居然破了多年例，玩了過山車，真係嚇鬼死我！

我地在樂園逗留到完場九點先走，玩完game,又週圍影相，又看埋巡遊，超盡興！

不過，因為我地玩到完場先走，樂園出面的餐廳已不接 order, 我地唯有返難波附近食飯，我地又累又餓，結果，又比我地撞彩搵到間串燒，開到十二點，咁我地都唔理咁多，即入去食。

有驚喜，食物好味，兼超平，$7三串串燒，係，係$7港幣三串，平到喊！

我地狂叫狂食，超滿足的一餐！

今天勁累，不過又好開心！

五天喪影喪買狂玩三母女大板遊 - Day 3

Day 3 - 八月十五日

今天係shopping day

全日会留番在難波、心齌橋行街！

10:30出發，先在難波附近行吓，

食下地道嘢！

章魚燒真係好好味！

呢間家品店好正，貨品有100和300yen

在難波city入面，商埸入面仲有afternoon tea

之後，在商場來食火鍋放堤，不過，食物一般！

Lunch後，撘地鐵去心齋穚行，足足行了一個下午，行到腳都斷

兩位阿媽累死，食了個high tea坐下先，啲女繼續行

坐了充完電，又再行

晚餐食拉麵，好好味！

食完再行，結果行到十一点幾先回酒店，超累！

五天喪影喪買狂玩三母女大板遊 - Day 2

8月15日 - Day 2

今天諗住來個京都遊！

雖然昨晚好夜瞓，不過我們時間不多，所以我地都好早起身，八點半就在酒店樓下吃過大早餐先，今次四天都住同一酒店，個早餐也不錯，食了四天也不覺悶！

不知為何，去親日本早餐也吃飯！

我地食完早餐，就出發去京都，先要撘地鐡，再轉 JR，今次既交通，全部由我朋友、佢女和我大女負責，我只是跟住她們，所以不太清楚路線如何去！

大約一個鐘，就去到京都站。先去買 One day pass for Bus，之後撘巴士去搵和服租，來京都既目的，是三位少女想試著和服。

租和服大約$250一個，我和朋友都冇租，只有三位少女著，我地兩個媽媽，就做攝影師，幫她們拍照，拍了很多，其實，天氣都幾熱，著住和服行路又不太便，所以只在附近行下、影下相，冇撘巴士去啲寺廟影。

還了和服先去食午餐，之後撘巴士去祇園，我地冇去清水寺，大家都好累，在衹園影下相，
就撘巴士回京都站，再撘 JR回難波！

中途發生了補飛事件，其實，日本JR分好多特急，非常急，普通，好鬼多，分不清，我們上了車，都知上錯車，兩個站就到大板，咁快，20分鐘車程，來時成45分鐘，所以中途有人 check 我地飛，要補飛，不過也不太貴，仲好，早啲返到大板站，再轉地鐡回難波。

今次我地住的酒店在難波，交通非常方便，有JR由機場直達，又有地鐵，又可步行去心齌橋，買嘢、食嘢都好方便！

我地由京都回難波，就去食壽司做晚餐，在日本食壽司真抵食又好味！

五天喪影喪買狂玩三母女大板遊 - Day 1

近排寫咗咁多煩惱事，寫番啲開心嘢！如果再不寫，我都驚不記得咁多了！

呢個 trip，原本是 年頭已經plan 好去首爾，三母女加埋好友兩母女，諗住來個七日喪買喪食之旅，五月頭就訂好哂機票、酒店，但因之前韓國既中東呼吸綜合症，香港發出紅色旅遊警示，六月先來轉地點，即諗去大板，今年暑假大熱地點，可能 yen平，機位酒店都好緊張，幸好有 Polly 幫手，都訂到一個五天 package，不過，去程時間麻麻，我地實質玩的時間不多呢！

8月14日，終於等到出發了！

三個少女超興奮，未出發已狂影相了！

五個花旦去旅行了！

我地班機飛下午4：20分，所以果朝都不需早起身，下午悠閒地去機場，原本四點幾飛，去到夜晚，時間已經不好了，點知仲要 delay到成六點幾先飛，去到日本已經成十點，果邊又快一個鐘，過関撘JR，成十二點幾先 check in

我地又想食宵夜，所以一放底行李，就出去搵嘢食！唔想行咁遠，就求期在附近既吉野家食！

第一晩，回到酒店，沖涼執下嘢，成三點先瞓！

2015暑假回顧

每年暑假尾，都會來一篇總結回顧下！開心既時候，日子總係過得太快，但原來唔開心既日子，係過得好慢，由六月尾到而家，這兩個幾月，好似過了成年咁！

由6月28知道公公有事，第二晩6月29奶奶入醫院，我們一家既生活就起了改變，一家裡兩位長老一齊有事，實在令我和查生疲累至極，加上當時我返緊學，真係忙到不知怎說，穿梭多間醫院、老人院，最終，先落實99去老人院，總算解決了一半的問題，99去了老人院，又要執好99間屋比62住，如是者一輪勞力後，攪掂完成，62順利入伙。

至於公公既事，就是長期鬥爭，終於明白做病人家屬的感受，每次抱希望去見醫生，但每次又抱著失望和又要再等待的心情！感恩的是我可以全職照顧他和婆婆，帶著他們去呢度、果度撿查和覆診！

整個暑假，都忙著這些事，唯一和兩個女去了五天大板（一早買了和plan好的），一個開心、辛苦又難忘之旅，之後再分享！

成個暑假既兩個月，好像過了半年多似的！

執嘢

婚禮班完了後，日子又回復正常。不過，第一個任務是去執99家，其實，發夢也想像不到會有這一天，去了99家幾天，執了幾日，掉了太多太多的膠袋、包裝紙，鐵盒，宣傳單張，我懷疑佢呢十年都未掉過一張紙，這幾天實在製造了太多垃圾！

一口氣掉了好多，但又幫她找回很多，好多很珍貴既相，好重要的文件，所以執完後，又要整理！

終於，經過個多星期，執好、整理好，我不知道我99如果知道了我掉唒她的雜物會如何，但我只相信我做的事是問心無愧就夠了！

她的相真係好珍貴，幫佢入唒相薄，唔知她看到會如何呢？

心情

神未曾應許「天色常籃，人生路途花香常漫」，人生路途上，總有艱苦的時間，接受了，明白了後，就到面對的時候！這正是我而家的心情！



這個月以來，因為家𥚃的事太多要處理，心情其實都未有時間去適應，之前又要上堂，身心真的很累！



一時間要接受一些事情，是要時間適應，好多謝有好多朋友在身邊支持我和我家人，即使我沒有兄、弟、姊、妹，我一班既好朋友，每當我在人生上遇到問題，佢地都會在我左右撐我！



好感恩在咁多事情要處理既情況，我仍然把我的課程完成了！而家我可全程照顧我的家人，希望生活快些回復正軌！



我們一家很快再見到籃天！