B3課程-4

花材：
紅垂雞冠
向日葵
星劍葉
無忘我
小紅棗
小米
洋天冬
龍文蘭
唐棉
紅、黃燈籠椒









本課以秋收作設計意念，用了一些果實，以黃色向日葵作主花，帶出秋天意味。



今次主要技巧係要將雲龍柳用魔帶編織成一排，包圍著向日葵既莖。



老師送了新年裝飾比我地，加了上去，即時有農曆新年氣氛。



老師作品

嚴寒的假日

天氣不似預期，以為今年冇冬天啦，點知一係唔凍，一凍嚇死你！上星期五開始既寒流，由星期五既十幾度，一路跌到星期日下午，市區溫度得三度，山頂零下六度，雖然未有落雪，但果日好多地方有冰雨，五十幾年第一次！

香港大部份地方都冇暖氣，所以呢度三、四度真係堅凍！

我係一個好鍾意冬天的人，好like寒寒凍凍既天氣，所以之前話今年冬天不冷，都有點失望！但突然間凍到咁，真係有點驚喜！

而家寫緊 blog既星期二晚，都係得8.8度，已經叫暖番，這個寒流超勁！

星期六氣溫急降，由朝早十度，下午一路跌到七、八度，我一早約了一班中學同學姊妹飲茶，由十二點坐到三點幾，傾下講下吹吹水，好開心！即刻溫暖唒！

果晚一早約了去Eva家 house warming,雖然咁凍，但冇打邊爐，Eva整了海南雞飯拼冬瓜湯加雞油飯，我再買些海鮮，一齊煮一齊吃，在室內超溫暖，不過，出面天氣一路跌到五度！

低處未算低，星期日起身，收到好多 whatapp, 嘩！原來大家都話屋企好凍，我家也只有3.8度，傻了，凍到好似日本韓國咁。

因為妹要去沙田補習，佢又不想咁冷自己一個去，結果成家陪佢入沙田，以為咁凍冇人出街，點知成個商場都係人，人頭湧湧去 shopping, 天氣冷振興經濟呢！

我地都買到嘢呀！

四點幾回家休息下，天氣都係三、四度，在家隻手都係冰，咁凍唔想煮飯，於是七點幾又出去食韓燒！

就係咁，兩天超級寒冷的假日又過去了！唔知新年會不會再凍呢？

ERB 再培訓課程 -花藝設計及應用 I & II

1月18 -22 日

呢個星期好忙，又返ERB既花堂，今次上花藝設計II,一連五天都上9-1:00

其實再培圳局（ERB)花藝課程，都幾有用，雖然我學開插花，但之前學的都係著重技術既練習，從沒真正的上過理論課程，係呀！插花都有理論架！我係真心想放心機在這方面上，所以都希望認識多啲！

初初我以為我都學了年幾，學番啲咁基本既課程，應該好易啦！點之我太自大了，我既基本技巧，可能比一些未學過的，插出來的更差呢！我只是比她們早些了解啲工具，名稱吧了！所以，學習是無止境的！

因之前學習初級基本時，是大班人教授，又只能看示範，回家做功課，好多基本技巧，未掌握得好，所以，而家學番初級既嘢，對我重好，除了重溫，我還可多了實習機會，打好個底，好有用。

ERB總共有七個花藝班，我希望逐一上唒吧！

至於一些好有用的基本技巧，我會用之後幾篇 blog講下插法，幫助記憶。

花 I 的作品

花 I I的作品

B3課程-3

今次又係手功嘢，我估成個B3,都係了！有時不明白，學插花啫，點解變成學勞作？

不過，唔緊要，當挑戰自己吧！插花對我來說，根本就是大挑戰！

今次用高樽做架構式

花材：

白水芋

竹節草

小米

紅玫瑰

白玫瑰

黃玫瑰

星芒

黃孔雀

橙大丁

黃太陽花

構思：直線與曲線的関係很微妙，可對立，也可統一。利用水芋（曲線），竹節草（直線）配撘出新鮮感。

先要做上半身的架構，之後插花材於架構之中。


老師作品

聖誕花飾

除了上插花班會有花插，有時我會自己插下花，尤其假期日子，剛過去既聖誕，自己都插了些花。

我在花墟買了20枝紅玫瑰，都係$80，超抵，因有咁多花，我插了三盆花，加埋其他花，大約買了三佰元多。

這盆給婆婆的，我最滿意的！

呢盆送了比我好朋友，也不錯！

自己果盒，反而覺得麻麻地！

還有呢扎，比我99，都正架！

插完三盆，還有好多玫瑰剩！

䐡插也很美！

中班 - B1- 鮮花花球班

繼續追番之前既花堂課程，來到中級既第一階段，是專學結婚花飾如：花球、襟花、頭花、花車裝飾等，15堂



B1其實好難，好多手作手功要做，每次上堂做到死死下，上諌時間由之前工會個半小時，變為三小時，而且以前是看完老師示範，回家做功課，中班就要即場完成後先可放學，都比較趕和辛苦。

不過，遇難愈強，正因我手作差，我更加努力，雖然效果不是很好，但盡了力，而且以我來說，做到有五、六成，算好好了！更加因為B1,令我更確定自己會繼續學下去！

襟花





手腕花

花球








手挷花束

小型棒花

花車裝飾

學插花歷程

講下我學插花既歷程，由2014年5月起，我參加了工聯會和美國花藝學院辦既花藝學院C級文憑課程，分 part I ， part II , part III 三階段，共45小時，差不多上了九個月。

初初諗住試下，看自己有冇興趣先，而且我是一個不善手作仔手功既人，學插花講求細緻，耐性，對我來說是一大挑戰！

慢慢學上去 ,覺得幾好玩，而且愈來愈愛上花，看見插好的一盆花，好大滿足感！看見美麗既花，心情都好啲！

到了15年3月，開始上中級課程，上堂不在工聯會，轉了去喬林社，中級分四期， B1-B4,共上147小時，估計要上完大約要年半時間，我而家上緊B3, 仲有排上。

去到高級，分三期， A1-A3, 共30小時，讀完後，可參加在台灣舉行既高級教授文憑檢定試，考試前還要修畢三個月共30小時既備試課程，先可赴台考試。合格後就獲發美國花藝學院師範文憑了！

條路仲有好長，不過我會比心機的，希望真係學到一門手藝，可以考到些認可資格，算係有個人生目標！我希望可以成為一個花藝師，這是我以前從來沒想過會想做的！