焗羊架

買咗個焗爐，梗係想整吓野食啦！今次自己用三種香料醃 ( 月桂葉、迷迭香和百里香)，勁好味。

蘋果、吞拿魚沙律

今日，整咗星期六 Carol 教的蘋果、吞拿魚沙律，做自已的午餐。

失落的四月份

這個四月份，好似過了很耐，可能一踏入這個月，聽來的都不是好消息，就連臨近月尾，都要來多個[豬流感]，雖然知道有好多事，不在控制之內，但人總是對未來有所恐懼。

四月份，就連寫 blog 都少了，經常活在不安的情緒中，幸好日了有功，學懂了如何面對這種心情。

五月份，係時侯要回正軌了，接下來有很多事等着忙 (還有大 project 呢！)，應該唔得閒想太多事了。

終於都明白，人的性恪和思想是很難改變，要醫的是點去面對這些想法吧！

四月份生日會 - 2009

星期六，又是四月份生日會，地點在 Carol 屋企。

Carol 屋企最好就是夠大，啲小朋友可以踏單車，又有大把地方走動。

我最鍾意這裡的廚房，一見到，就好想煮野食，今次和 Carol 合作整的沙律 ---- 蘋果、吞拿魚、提子沙律，超好味！

有冬陰公，又係 yummy yummy！

還有契媽拿手的醉雞翼 ( 可惜唔記得影相)，和蛋糕，

當然還有 BBQ 啦！

去 Carol 屋企，大人就食呀食，細路就梗係玩呀玩！

 

澳門兩天遊 - 2009

星期六，又是我們每年一次的澳門拜山。

澳門的街，真係有啲似台灣。

這天，下午開始落雨，又大風，令我地好掃興！

不過，我地一家四口仍然堅持到氹仔一遊。

去咗住宅博物館，家姐最愛参觀博物館。

然後，到了路環，原來路環好遠，我去澳門那麼多次，都未到過，我想如果天氣好，會幾好 feel 傢！

約了全部人在這裡吃晚飯，[游龍戲鳳]劉華就在這裡和舒琪求婚。

這裡出名的白酒蜆煲，好好味！

星期日，又去官也街食水蟹粥做午餐和買手信。

復活節假期- 2009

一連四日的復活節假期又過去了，今個假期沒有預早安排什麽節目，只是興起想做什麽，就去做吧！

4月10日 ( 星期五, 第一天假期)

日頭沒有什麼節目，只是傍晚到了 Candy 契媽屋企玩，Candy 契媽由澳門搬回來，都未去過探希希，估唔到兩姊妹重喜歡玩火車喎！

4月11日 ( 星期六, 第二天假期)

長假期點會少了BBQ，今次搭西鐵去，到了天水圍站，才知兩個燒烤場執咗，於是又搭西鐵去元朗，幸好一出站，就有一個名叫[西鐵燒烤樂園]，我地就在那處燒烤，渡過了一個下午了。

4月11日 ( 星期日, 第三天假期)

是日拜山，沒有什麽特別節目，晚上，和爸爸及 Aple 姐姐睇了[禮儀師之嗚奏曲]，原以為實會喊，點知三個都無，唔通我地冷血？

4月12日 ( 星期日, 第四天假期)

假期最後一天，又去了歷史博物館，今次終於全部都参觀了。

下面啲相全部都是兩姊妹影傢！

害怕改變？

人們都害怕改變，總是覺得改變後，一切就會變得更差，永遠唔會想到改變後，可能會更好呢！正如歌詞都講：[如可預知道未來，誰又會害怕它變改？]，改變 ----- 好像=看不見明天，雖然明知擔心都無用，但心裡的焦慮仍是揮之不去，唯有等待事情的發展吧！