燒豬肋骨

試整了大少奶之前教嘅燒豬肋骨，好易整，好好味！好似 outback 嗰啲，開 party 最啱！

材料
豬肋骨(Taste 有得買)
黑啤
燒烤汁(Honey味)

乾蔥
保鮮袋一個

做法：

1. 將豬肋骨解凍，然後洗淨抹乾，跟住先搽一層醬油(生抽 or 萬字醬油)、1茶匙糖醃1個鐘

跟住落半罐啤酒，再加半碗烤燒汁搽勻件骨，最後加入乾蔥，放入保鮮袋醃一晚

2. 焗爐預熱220，豬肋骨首先用錫紙鋪面焗20分鐘

3. 用1/4碗蜜糖、1/4碗燒烤汁，撈勻(做成蜜糖燒烤汁)

拎開鋪面錫紙，搽上蜜糖燒烤汁

每隔5分鐘搽一次，共四次後約20分鐘以熄爐

然後唔好拎出來，約5分鐘後先出爐

食譜來自大少奶

打風行書展

行書展基本上係每年暑假指定節目，一早约埋朋友仔琴日一齊去，点之選中打风天去，天文台話黃昏先掛，所以都照原定計劃出發！ 以為打风少啲人，点之超多人。
 

我地行咗大约兩個幾鐘，五点九就掛八号，大会就宣佈書展要終止，大家要離去。 當時出面已經好大风，三位小姐仲掛住影相。
 

我地為了避人朝，於是決定先食晚飯，最後我地食完飯，先去搭車，真係冇咁多人啊！ 今次書展既收穫，因為就去台灣，所以買得唔多！

居然比我見到呢本，

何紫係我细個好鍾意睇既一個作者，我記得小学時，老師要我做讀書報告，係呢本書，

睇吓睇吓，就喜愛了這本書，更因此而愛上了睇書，呢本書跟了我好多年，我都唔捨得掉，諗住留比我個女，结果，我真係有兩個女，不过佢地就唔係好肯睇呢！

Green

上星期五，趁暑假未正式開始，约了朋友仔去Hotel Icon -Green, 食了一個好悠閒既lunch ，正式放暑假後，就很難有咁既閒情！

又放暑假

今日妹妹開始放暑假，第一日就要帶佢返学校，上暑期藝術体操班，帶出帶入嘅生话又開始了！家姐仲未放假，下星期先開始，不過家姐而家都唔洗我理了，我都冇安排暑期活動比佢，佢話要趁假期，喺屋企 hea 喎！大既唔洗我理，我就集中揍细妹，趁阿妹而家仲聽我安排，今年要好好珍惜和她一起呢個暑假，下年升中一，就唔想我理咁多喇！

原本冇 plan今年暑假去外遊，但上星期突然講開，家姐又好似話想去台灣，而爸爸又经常去工幹，於是決定八月頭，趁爸爸去時，我地三母女跟埋去，又幸運地我地又換到機票，就係咁八月会去五日台北喇！

Hihg Tea @ Ritz Carlton

前兩天约了Eva 、契媽 去High Tea , 今次試 ICC - Ritz Carlton ！

嘩！102楼，好高呀！嗰日天氣好好，籃天白雲，呢度個 view 好靚！

啲食物質素都好好，好过 Four Season !

三個女人，傾吓講吓，好愉快的一個下午！

妹妹十一歲生日會

又到妹妹生日，十一歲喇！可以攞兒童身份証了！

妹妹自己整 Banner!

兩姊妹當日整了一味煙三文魚碎蛋沙律包，yummy!

Party 節目之一，大家一齊睇飛虎！ haha!

回歸假期 - 食、食、食

剛過去嘅回歸假期 ，三日裡面都係 食、食、食！家裡每天都招呼不 同朋友，煮呀！食呀！熱鬧得很！


6月30日 ， TI 同學上來，主要食泰國菜式，剛學完泰菜，都想試吓煮！

Menu:

冬陰公
馬沙文咖哩牛肉
咖哩炒蟹
泰式燒雞
泰式金邊粉
芒果大中蝦沙律
柚子沙律 ( MoMo 負責)

還有外賣嘅义燒和泰式甜品，仲有朋友帶來嘅香檳、冰酒和白酒。其實早一曰，已經預早凖備了要用既醬汁，可惜仍然是有点忙得不可開交，整泰菜似乎仲難過整西餐，可能唔熟練，全部都第一次整，加上太大貪，整咁多樣嘢，所以有些吃力，最後得 MoMo 相助，幫我整埋個芒果大中蝦沙律！

兩個沙律整得好靚呀！Thank you MoMo!

呢日由早到晚，很累！不過嗰晚大家都食得很開心，很盡興，我都覺得很值得！

7月1日 ， 妹妹十一歲生日會，都有煮嘢，但就簡單啲，有冷烏冬、意大利炸雲吞和泰式鳳瓜，而其他食物，就由婆婆負責，幸好有婆婆幫手！

7月2日，朋友上來幫我裝部機，為答謝佢，煮了佢點名要嘅: 馬賽海鮮濃湯，加上當天是妹妹生日正日，佢話要食炒蟹和意大利飯，再蒸多條魚，又係豐富嘅一餐！

連續煮了三日，真係散哂！不過又好滿足呢！