本來想等出碟先租來睇，結果都係想入戲院睇咗先。之前聽啲影評話好好，但自己睇又覺得不是太出色，不過呢套戲我鐘意。
我鐘意係因為拍得夠真實，夠到肉，年輕人嘅愛情，Joe和阿花的故事，道出了現代年輕男女愛情的模樣。只要曾經戀愛過，就可能從中找到一啲以往嘅自己！
Joe無上進心、愛玩樂、無理想、無目標，但很專一，愛情係佢嘅的全部；而阿花就比較現實，懂得自我增值(讀夜校)，有少少目標，其實阿花都好愛 Joe，不過受到生活環境嘅影響，不得不變得現實一點。
阿花話分手和第三者無關，一切都是他倆嘅問題，但阿Joe唔信，一旦分手，很多人都會像阿Joe一樣，把問題歸咎於第三者身上， Joe 問阿花: 「我究竟有嘜嘢做錯??」阿花答:「無」，之後Joe又問:「咁佢有嘜做o岩??」，好無奈但又很現實，阿Joe從來唔知道阿花要面對甚麼，沒有了解阿花真正嘅需要，所以，就算再多嘅努力，都得唔到想要嘅結果，感情就是這麼的一回事！
我最鐘意機場分手那段，Joe: [我今日有咩唔同？]，Joe 自答: [我同以前一樣 ，都係一樣咁愛你...] ，一啲似曾相識嘅情境，一啲令人無奈嘅對白 ......
一套令人回憶嘅電影！
追咗個幾月嘅"蝸居"，琴晚終於大結局，一套值得追看嘅劇集，估唔到而家啲大陸電視劇水準O甘高，啲港劇真係要撿討吓！
套戲好，好多人讚，其實我覺得個故事拍得夠真實，才是吸引人之處，好多人會話海藻抵死，自己甘心做人情婦，但係事實上，以海藻嘅年齢、背景，喺當時嘅環境，遇到宋思明，一個有地位、有錢、有學識，仲好有風度，對海藻來說係一個好大、好大嘅冲擊，我想換轉係好多人，都會好似海藻O甘。套戲沒有什麽反派角色，就算宋思明貪汚，套戲都無強化佢係壞人，反而合理化了佢嘅無奈，真實嘅人生就係O甘！
我自己好喜歡海萍喺結局最後對海藻講嗰段說話，那些原則、理念、目標、堅持等的問題......，好值得我地反思。
總括來講，呢套戲嘅每一個角色都好特出，宋思明嘅官威、海萍嘅進取、海藻嘅無知、阿貝嘅痴情、宋太太嘅可悲，都令我地不自覺投入咗去套劇裡。
我想大聲告訴你你一直在我世界裡
太多的過去難割捨難忘記
太心疼你才選擇不放棄也不勉強
你不要哭這樣不漂亮
我想大聲告訴你對你的愛深不見底
用力緊緊抓住我們的回憶
屏住呼吸心跳的頻率有一種魔力
它讓我們慢慢的靠近
我想大聲告訴你你一直在我世界裡
喔...用力抓住我們的回憶
若有一天我看到的是你的背影
只因我愛你沒有告訴你
琴晚又覆診喇，呢兩個月情緒很穩定，只係兩姊妹考試時，比較緊張，不過唔知點解，每次去見醫生之前，個心都有啲亂，呢幾日仲比家姐啲慢激親，心情都麻麻，不過我而家都識自我安慰，佢有阿士保加，係O甘，唔洗勞氣！
好多朋友都話我，結婚十幾年，為何仲慶祝什麼拍拖紀念日、結婚紀念日，其實大家真係有所不知，要同查生喺平日日子 ( 星期一至五)，係好難先同佢一齊食一頓晚餐，唔係誇張，一個月都無一餐，十幾年都係O甘，慣咗喇！所以靠呢啲紀念日呀、生日呀，或者偶然一晚，兩個人出去食一餐，當拍拖啦，維繫吓感情嘛！
琴晚，阿女佢地考完試，立即兩公婆出去撑枱腳，食飯補祝結婚紀念日，今次去大少奶推介多次嘅 " 海鮮站"
翡翠螺，沒有特別
超肥美生蠔，repeat order，叫多兩隻
大蝦沙律， 每次睇大少奶個 blog，都被呢味吸引，可惜原來都係不外如事，不叫也吧！
麵包蟹，幾鮮甜，不過我發覺我都係鐘意熱食嘅蟹。
都好多膏嫁！
最後，來個龍蝦湯，勝在夠熱，食完O甘多冷盤，飲番個熱湯，舒服哂！
Overall ，無我想像中O甘好，可能我都係鐘意食熱嘅海鮮多啲！呢道最有驚喜係個蠔，超好食！
