迎接充實的日子

每年既六月都是我比較忙碌的日子，因兩位小姐考試，星期六、日或平日早放，她們都會點要食咩、食咩，咁做阿媽既梗係配合，盡量煮好嘢比佢地食，為她們打氣！

不過，今年六月，我只可以煮一星期，明天，我就有新嘗試。

我二月時去報了再培訓，結果等到六月先開到班！

其實，近日有好多事發生，都証明了世事係上天安排的，一切是整定的，好似之前，找中學同學咁，上天在適當既時候，叫我啲起心肝去找，結果，好好彩找到幾個！

原本七月中去首爾，點知一個MER,新沙土，又令我們 plan 了多久既暑假之旅要 cancel, 但很感恩，我們又成功轉到機票去大板，不過，日子就延期到八月中，但又因這樣，我又可完成唒整個再培訓課程，之前，如果去韓國，就要走幾堂和補考，一切一切，而家都安排好！

明天，開始28天朝9晚6，星期一至六既學習生涯，自從七年前離開職場，都未試過咁既日子，希望自己可以適應，為將來新的一頁行前一步！

第一次玩Art Jam

成日都想學下油畫，之前見妹妹學畫既畫室有groupon 賣，$98一位，好抵，就約埋朋友去玩！

畫三個鐘，自己先選幅圖跟住畫。

慢慢畫，都幾好玩！

哈哈！遠看都不錯！

近年發覺，原來我都有啲啲藝術細胞，開始鍾意玩啲靚態活動！

朋友們，都玩得好開心！她們話可減壓工作壓力，叫我以後攪多啲呢類型文藝活動，幫她們relax ，好過成日只得聚餐食嘢喎！