查太的秘密花園: 6月 2014

2014年6月30日星期一

M Club Dinner & 陳慧孄演唱會

上星好忙，但又唔知忙咩！真是無事忙！好多 blog 等住出

講返再上星期六，約了班中學同學一齊睇陳慧孄演唱會，我地聽著佢既歌長大，仲記得中五畢業時，聽住千千闕歌放榜，好多回憶架！所以和中學同學去聽，最有feel！

我地四個看，但睇之前，先約埋唔睇果兩位食餐飯，睇完 M Club 後，成日懷念中學既時光，來食餐 M Club Dinner , 畢業了廿五年（和六四同年，所以實記得），中間有段時間，不是成日見面，但近兩年，有了what app 呢樣嘢，好似拉近了我們，keep 住三、四個月都見一次面，就算不見面，在群組中吹下水，好似大家又親近了！

人大了，更加珍惜識於微時既朋友。

一餐簡單晚飯，不在乎吃什麼，只在乎跟什麼人吃！

食完四個就去睇演唱會喇！坐第三行，好開心！

陳慧孄唱了很多舊歌，我差不多隻隻都識唱，她不善於講嘢，一隻又一隻歌咁唱，非常好聽！

望到對面區，坐了克勤、小鳯姐，仲有校長，都來支持！

當晚嘉賓係容祖兒。

雖然，係最尾一場，但依然冇 encore。

總括來講，佢唱得好好，咁耐冇唱，出番來都 keep 到以前既水準，加上佢既歌牽起我地很多回憶，所以我覺得非常好睇！

2014年6月27日星期五

插花班@工聯會-初級 Part I-第八堂

斜三角

特色：斜三角屬單面看花型，多用作新張及大型宴會。

大展鴻圖

花材：
中碼紅掌7片
大朶跳舞蘭3支
棕竹（五指葵）7片
米仔籣半扎

我的

老師的

2014年6月23日星期一

好在一個人

我一向都好鐘意睇電視煲劇，不過，近幾年香港啲劇，水準真是愈來愈差，好難先遇到一套想追下去，所以，我而家轉了煲韓劇喇！

但我發現TVB, 近排有個節目叫＂好在一個人＂都幾好睇喎！逢星期五晚上七點播出，我呢個時間多數食緊飯，不過我喺my TV 睇番唒呢！

呢個節目是講一個人生活既好處，一個人生活，都可以活得好精彩，三個主持都是單身一族，為觀眾搜羅適合一個人既吃、喝、玩、樂好地方，提升一個人的生活質素和品味！

可能我是獨女，細細個都成日有獨處既機會，所以都習慣了一個人，我成日一個食飯、一個人睇戲、一個人去長洲都試過，其實，一個人有時都幾好，靜靜地又不用就人。

我覺得 TVB 有時呢個時段做既節目，反而有啲驚喜，值得我地去看呢！

2014年6月20日星期五

插花班@工聯會-初級 Part I- 第七堂

今日插既呢盆叫瀑布型，我覺係咁多堂之中最難，睇就好似好易咁！

花型特色：花型似水的飛濺下落之美為設計動機，花材層疊而下，以透視方法來設計。

講真呢次個做型很難捉摸，我覺得好亂，插插下冇心機，求期完成了！

花材：
文竹三份一扎
荷蘭水草3支
彩星五份一扎
玫瑰12支
天冬二份一扎

我的

老師的

2014年6月16日星期一

世界盃

四年一度既世界盃又來，我平時唔睇波，但對世界盃，總有一些情意結！

記得讀中學時開始睇，初初見同學們個個看靚仔（球員），自己又跟埋一份，而我老豆又like,所以就開始一起看。

以前好好架，無線播唒咁多場，邊有而家咁，要有收費台先可看唒，我記得以前，會和我老豆半夜起身一齊睇，呢個係我和我老豆，唯一一樣既共同嗜好！我和我老豆最深的回憶！

查生不是十分愛看波，佢like 卓球多啲！但世界盃都會看，不過佢反而冇我咁大興趣，佢唔會特登半夜或清晨起身看囉！

今年啲時間又咁騎呢，清晨四點、六點，好在，原來妹妹都like 喎，佢星期五晩陪我看第一場，琴日又陪我6：00起身，睇英格蘭，兩母女睇得好happy! 希望佢會繼續陪我啦！

不過，之後有好多場都冇得睇，我地冇裝收費台嘛！

其實，睇世界盃，除了睇波外，仲係一種和家人一起既回憶呢！

2014年6月13日星期五

不一樣的六月

踏入六月，又係學生既考試月，以前每年六月，我都忙著和兩姊妹溫習，但隨著妹妹也升上中學，今年既六月，我很悠閒了！

真係有啲不習慣，中學考試橫跨差不多三個星期，計埋之前兩星期開始準備，每逢星期六、日都是溫習天，兩姊妹都埋頭埋腦的溫習，我和査生在家，就盡量少講嘢，不看電視，給她們一個安靜既地方溫習，有時我兩個刻意出街走走，不過天氣太熱了，都想留在家，唯有瞓下午睡，煲下韓劇（用耳筒），都幾悶架！不過，好多朋友就羡暮我們，哈哈！

考試期間，我唯一可做，是供應饍食，佢地不願落街，我亦好樂意煮一些，她們喜愛既食物，當為她們打打氣呢！

插花班@工聯會-初級 Part I-第六堂

倒T型

花型分析：此花型為對稱式花型，亦是垂直線與水平線的結合，將L 型水平缐向左延伸而成，頗具平𧗽之美，外型如倒T。

花材：

單頭玫瑰9支
分叉小玫瑰3支
黃孔雀二份一扎
排草3小扎

老師的

2014年6月11日星期三

韓式豬肉飯

由今日起,每天要煮午餐,等兩位小姐,考完試回來吃,雖然今日仍病中,但都要煮飯比佢地食, 為佢地打氣!

呢味韓式豬肉定食,我經常煮比佢地食，超簡單,又好味!

自從在759買了呢支韓色醬,就成日整,有原味和辡味兩款,我買了辡味。

做法:

1)其實超簡單，買火鍋豬肉片或豬頸肉都可，回來先解凍,冲冼乾淨再弄乾,之後放韓色醬，放多少是乎豬肉多少,如—盒豬肉片,我會放二湯匙，再放少訐胡椒粉、酒和麻油,醃15分鐘備用。

2) 洋蔥切絲，先落鑊,加少許蒜蓉爆香,之後下豬肉—切兜勻,便可上碟

我兩個女喜愛食便當，所以我會將豬肉放上飯面上,好似出去食咁,佢地會覺得好味些!

2014年6月10日星期二

第一次參加嘅 Blogger Even - 偽主婦 x Miele 煮大餐粉絲聚

星期六，第一次去參加 Blogger Even, 之前買了偽主婦本新書，參加了抽獎，被抽中了出席了粉絲聚。

今次舉辦地點在Miele 嘅 Private Lounge, Miele 呢個牌子啲家電好出名，尤其個蒸爐，我成日喺啲 blogger blog 度見到，以為好大部，今次見到真身，原來也不是太大，像一部紅酒櫃，聽講可以，一次過蒸六底蘿蔔糕，又可一次過三蒸：湯、飯、餸，都好吸引，不過，價錢好貴，而且個屋企無位擺，好想擁有，都冇計呢！