大 Project - 第十集 - 大清潔

幸好成間屋都唔算好邋遢，清潔了幾天，終於完成了！

大 Project - 第九集 - 取鎖匙和訂傢俬

星期六取了鎖匙，就去訂傢俬，以我地的極速，一個下午，已經訂好了全部的傢俬，大部份的傢俬，都在 DSC 買，其餘就在宜家和實恵買。

星期日就去咗換鎖，和換燈胆，跟住的日子，就會忙着清潔。

未係時候

踏入新的學年，一開始 (九月)忙着放盤、賣樓、睇樓，到現在又要睇傢俬，執野準備搬，基本上少理咗兩姊妹的功課。

原以為家姊四年級有進步，可以放吓手，由佢自己處理，點知五年班有倒退跡象，老師回報: 唔專心、多口，又欠呢樣，又欠果樣，數學又退步了，要我地多加注意。

要放手，真係未係時候，五年班係重要時刻，不容有失，唯有盡快攪完搬屋的事，放番多啲時間跟家姊的功課，測完驗再算吧！

珍藏品

為咗搬屋，的起心肝去清理一堆以前買落的CD 和VCD，花咗個多月時間，終於執好。決定將啲珍藏影低。

劉華的CD和演唱會

劉華的電影

還有哥哥的 CD、演唱會和電影

這些碟我會好好O甘保存！

大 Project - 第八集 - 睇傢俬

今日同 Emily 行咗成日，先入沙田，想行吓宜家，點知宜家装修，於是去咗九龍灣嗰間宜家再行，去到行咗差唔多兩個鐘，之後又去找實恵再行，可惜九龍灣太細了，結果 Emily 再陪我到葵方的實恵再行。

總括來說，我地會去 DSC 買大部份的傢俬，餘下的應該會去實恵或者宜家。

如無意外，今個星期取匙後，就會去訂傢俬喇！

 

Farewell Party - 大閘蟹宴

相信今次的 garthering ，是在這間屋最後一次攪 party 了！大閘蟹加打邊爐。

今年啲大閘蟹，好正！

隻公好大隻

 

 

 

大 Project - 第七集 - 新屋一覽

上新屋度位，拍低咗幾張相。

兩面廳

主人房

女房

廚房

覆診 Update - Oct 14

琴晚又覆診，這個半月來情況都幾穩定，雖然經歷了買樓、睇樓和租樓等等，但我都可以一一坦然面對。對於一個好怕變的人，搬屋真係幾令我憂累，不過而家相信，一切都有神的安排，神會為我選取最好的路，心裡的煩惱自然減少！

未來的一個月，才是最考驗的，只要面對到搬屋O甘大的 project，我想好快就可以减藥喇！

大 Project - 第六集 - 回憶

用咗幾個星期的時間，終於算係執好啲 CD 呀、VCD 等，今日連啲相簿都整理好，下一步就係執吓的書。

執啲 CD 和 VCD 時，令我有時間去聽和睇番好多已遺忘了的歌和戲，從中令我發覺，原來搬屋都有些好處，一來可以清理吓的雜物，又可以鈎起一些回憶！

大 Project - 第五集 - 找到了

今日終於簽咗租約，最後都係租美乎，十一月中會搬，不過而家就沒有什麼可以做，因為要等收屋後，先可以買傢伙。暫時可以休息吓，唔洗再睇樓喇！

終於畢業喇！

近排忙着揾樓，唔記得去 check 吓考試的成績，今晚一睇 :

2009

APR

B280

5

Pass 3

合格喇！終於大學畢業了！

蛋黃蝦

做節學阿蘇整蛋黃蝦，跟佢的方法，用十隻咸蛋整，好好味，好似出街食果種味，好掂呀！不過唔可以成日食，唔係就爆血管喇！

終於畢業喇！

近排忙着揾樓，唔記得去 check 吓考試的成績，今晚一睇 :

2009

APR

B280

5

Pass 3

合格喇！終於大學畢業了！

蛋黃蝦

做節學阿蘇整蛋黃蝦，跟佢的方法，用十隻咸蛋整，好好味，好似出街食果種味，好掂呀！不過唔可以成日食，唔係就爆血管喇！

大 Project - 第四集 - 煩

今日繼續睇樓，三日夾埋睇咗十九間，結果仍然沒有一間 perfect match，本來有一間美乎算幾好，但查生話風水唔好，唉！又係果句，又要夾呢樣，又要夾果樣，邊有完美呀？

有間美乎，裝修幾好，價錢算合理，風水都勉強 ( 可住一年)，但就兩房，不過廳大，但又因前面或會起樓，又未圍修，唔知一年內會唔會發生這兩件事，令我地考慮中。

大 Project - 第三集 - 失望

今日一口氣睇咗十一間樓，好累！第一次睇美乎，好失望，睇咗八間，只得一間的裝修 OK( 但都唔算豪裝，只係企企理理)，但價錢就好貴，之前以為放得租的樓，裝修應該會OK，點知會差成O甘，價錢又唔係平，美乎只係交通方便，但就好舊。

之後去咗睇兩間碧海籃天，和一間宇晴軒，新樓的感覺真係好，係就無O甘實用，但週圍環境好靜，好舒服，尤其是碧海籃天，夠靜、會所又靚又大，間格都算四正(當然無美乎O甘大，但新樓來講算係OK喇)，價錢都接受到，我就幾鍾意，但交通就唔係幾方便，又要接駁車。

聽地產講，週圍都無盤，所以租的價錢都幾企硬，唉！交通方便的，就舊同貴，幽靜新装的又交通唔便，真煩！