Repeat 馬卡龍班

之前講過會再來學 Marcaroon, 前晩又去了! 今年冇攪暑期活動，呢個就當係喇！

今次十一人包了一班，可指定學三款，我地選了今年暑假大熱的： 壞蛋兵團、大眼仔米高和毛毛。



當晚成八點先開始，中途又跳了電制，攪到要幾個人，輪一個風筒，攪到整咗很耐，成十一點半先完，所以大家都趕住走，冇影大合照呢！

一班人學下呢啲，都幾好玩、幾開心！



我整大眼仔米高

家姐和妹妹整壞蛋兵團





暑假就到尾聲了，不過壓軸仲有個韓國之旅，期待中......

天際100

星期二，和阿妹兩個去了 Sky 100。其實我一直都想去參觀下，呢個全香港市中心最高既大廈，不過，覺得佰幾元，好似唔係好抵！



之前，在其他 blogger 度見到，暑假有個一張票無限入優惠，又有啲特別3D 場景可以影相，所以諗住去下！



家姐話冇興趣，於是趁家姐去了星加坡，我和妹妹就兩個去了！

架 Lift 好勁，60 秒就上到100 樓，雖然快，但好定！

果日天氣好好，在咁高望下去，好靚！

 


3D 場景

唔知是否我地用手機影，好多相影出來，都唔夠光，好黑！

其實呢啲觀景台，都係遊客來適合些，我地行了一圈，影了幾幅相，就走喇！就算可以再來，都唔會喇！所以都算唔抵，不過當見識下啦！

裸婚時代

上星期，偶爾睇到 TVB 播緊一套大陸電視劇，叫"裸婚時代＂，睇咗一陣，覺得感覺好似＂蝸居＂，又見到男主角是文章，覺得幾好睇，於是上網 check 下、睇下，點知不得了，覺得好好睇，著迷了！結果，瘋了，用了4 日煲了30 集！

此劇拍得十分寫實，而且有些戲情很有趣，演員生鬼，男主角文章演得十分出色！ 繼"蝸居"之後,最反映社會問題電視劇,香港同樣有好多人要面對的問題.

裸婚是指不買房、不買車、不買婚戒、不辦婚禮、不度蜜月，登記領證即算完婚。故事的男女主角愛得如火如荼，想結婚時卻遭女方家人反對。他們認為憑借真愛就能得到幸福的二人依然『裸婚』，愛情的甜蜜並沒有代替生活的殘酷，現實的問題接踵而至，生活上鬧出了很多的不快；磨滅了小兩口不少的愛情!

其實，睇完呢套戲後，覺得好無奈，今次我代入了做媽媽既角色，雖然戲內個外母，幾討厭，但諗深一層，佢係為個女好，可能我有兩個女，會幻想將來有日，如果面對同一情況，會不會一樣呢？所畏貧賤夫婦百事哀，當媽媽總希望女兒可以嫁得好。

但我又十分同情男女主角，仲使相愛，但結局仍是要分開，雖然，最後是一個OPEN ENDING，我當然想是一個HAPPY ENDING啦! 大部份觀眾，都想佢地有好結果，始終男和女都是相愛呢! 離婚後，佢地関係反而好轉了，思想成熟了，加上相方家長，亦有所反思，看在孫女份上，想他們復合呢!

戲中，有很多位都很感人，觸動了多少觀衆的心!

一開始，男主角的一場表白溶化了未來外母，真誠而感動，贏得觀眾莫大的共鳴!

從一開始“裸婚宣言”，無比浪漫煽情的: 等你老了，我依然背着你，我給你當拐杖；等你沒牙了，我就嚼碎了再喂給你吃；我一定等 你死了以後我再死，要不把你一個人留在這世上，沒人照顧，我做鬼也不放心！變成了離婚後，那句無奈的: 生活細節打敗愛情，我除了我愛你，比你愛我多以外， 我沒有任何條件優越過於你”。事實上，婚後男方既得在父母和妻子間左右逢源，又得兼顧事業發展，為經濟所需張羅，釘碰得多了，感覺累死，沒能再愛下去。八年既愛情基礎，都擋不過一年既婚姻生活，現實所碎事，侵蝕了愛情！多麼無奈，但又是千真萬確！

年少時，我們都是愛情至上，感覺行先，到長大後，才明白只有愛不足夠!

暑假生活 - 2013

今日8月1日，暑期都過了差不多三星期！每天都是充實而悠閒，點解咁講呢！

忙完了妹妹升中既事後，每天都是 hea 下 hea 下又一天！

而家大咗，冇咩參加暑期班，家姐只是學琴，阿妹學油畫，一星期先一次，其餘時間都係宅在家中。  不過多左在家，就要整午餐，大多以簡單為主，不過又不想煮來煮去，都是果啲，都諗下啲新野煮下！

每天整下早餐，做下家務，又到午餐，弄東弄西， hea 下，坐下、瞓下，又一天！有時想同佢地出去行下、游水，兩位小姐都唔肯，所以迫住做宅媽、宅女啦！



八月會多些活動，家姐下星期去新加波交流四天，月中阿妹又上中一預備班，月尾又去韓國呢！