自己的專頁䦕了兩個多月，都接了幾單生意，雖然全部都係朋友或朋友介紹的，但比想像中好，我真係做得好開心和有滿足感，能夠用自己雙手賺錢，對於一個離開職場十年既我，實在好大鼓舞，雖然真係好少錢，但那份喜悅真係好大！
近月開始返教會，感覺個心平靜了，個人好似冇咁旁惶！其實，每年一踏入十二月，就會好興奮、開心，但係今年，真係有少少特別，不是不開心，只係心裡總想今年聖誕，靜靜的過，party都係開兩個，好hea咁！自己好希望利用聖誕假期幾天，好好休息下、沉澱下，為2017準備！
2016年12月1日 星期四
2016年11月21日 星期一
換我照顧您 - 陪伴爸媽老後的21堂課
這本書，我在台灣誠品買，一見到書名，已想看。
人到中年，面對父母生病、離去，似乎是必然的事！
但原來照顧父母，也有很多學問！面對長輩生病，作為子女成為照顧者，有失去，也有得著！
感恩我偶到這本書！
2016年11月18日 星期五
Miracle Blossom 專頁
世事往往有所安排，這個幾月發生太多事了！其實，成立Facebook 專頁，在我心中考慮了一段時間，思前想後，最終在9月30日建立了！可惜，第二天十月一號，公公就入了醫院，一直都冇時間去努力經營它！
好感恩朋友的支持，已經接了幾個order, 多謝大家比機會我！
有畢業禮花束
生日花束
更有男仕生日花束，收花不再是女生專利，一些特別日子，也可打破傳統，比個驚喜男生！
其實開網上專頁，接order做花束，並不是希望賺大錢做大生意，只是想有機會做多些花藝設計，而又可和大家分享多一些作品，至於未來方向如何，都要等待下年四月，去台灣考完試才能確定。
如果想送一束花給至愛親朋，在生日、畢業禮的日子裡，表示心意，可考慮下小店！
https://www.facebook.com/miracleblossom2016/?fref=ts
https://www.facebook.com/miracleblossom2016/?fref=ts
每次都會因應客人喜愛，當季花材，用心創作出一些不同的花束，比起坊間一式一樣的，更具心思。
希望大家支持！
2016年10月26日 星期三
2016年10月13日 星期四
近況
其實諗過不寫這篇，但諗諗下，又想記錄下呢一刻的心情！
公公在上星期四（10月6日）走了！他病了大約一年多，最後呢兩個月，實在太辛苦了！
即使我們已經有唒心理準備，但當事情真係要發生時，也會殺你一個醋身不及，更何況，冇諗過他.....走得那麼辛苦！
我人生之中第一次面對至親離開，是湊大我的婆婆，不過當時我三年班，而且我婆婆是突然中風離去，沒有痛楚，所以記憶中不太深刻！
但今次公公，由發病到最後的日子，我都有陪住他經歷，所以好深刻！而他在最後幾天的日子裡，我們一家看著他那麼辛苦，對我們實在太大震撼，我兩個女、甚至查生，從來冇經歷過，今次實在太深刻了！
在醫院的幾天𥚃，令我有太大的感受了！或許，我真係需要時間去沉殿！
但日子總是要過的，等待下星期，後事辨好唒後，生活先可回覆正常呢！
仲使公公不信主，但我仍希望他，現在在天堂，在主的懷𥚃，再沒有痛苦呢！
是主的安排，今個星期的插花功課，送給在天上的公公，願你一路好走！
2016年9月19日 星期一
ERB花藝III課程
終於上到ERB插花既第七個課程，亦是最後一個。今次需要上九天半日。
今次學好多理論，但亦有好多實習既機會，我覺得非常實用，雖然我在美國花藝學會，學了咁耐，但好多技巧，其實冇學過。
什麼錐杯、飾綁呢啲技巧，以前聽都未聽過，以後插花，就可以運用出來！
真心覺得ERB既課程好正，加上我遇到一位好老師，有五個course都係佢教，佢教得好好，而且非常實用，在這種，增強我不少插花既興趣和技巧，好感恩！
在這九個月裡，多了機會實習，所以自己既枝巧也有進步！
2016年9月8日 星期四
訂閱：
文章 (Atom)