迎接2009

2008 年過去了，這一年過得既平凡但開心，我完全適應唔洗番工的日子，每天都過得很充實。

2009 年的心願，自己要順利畢業和早日停藥啦！至於兩個女，就梗係聽教聽話，查生就身体健康、事業更上一層樓 (唔係點養我地呀！) ，總之，我們這一家要開開心心、幸福快樂啊！

在此祝各位好朋友， 09 年每天都開心快樂！ Happy New Year!!

南昆山之旅

終於等到聖誕節了，一行十二人，一早就到了葵芳等車。

影張合照後，跟住就出發啦！

睇吓，我地就係坐呢架車，[登]了個半鐘頭去南昆山。

終於到酒店了，有雜技表演歡迎我地。

Check IN 後，就去試風味餐，味道比想像中好。

我地就係住這間別墅，週圍啲環境有無加國 feel 呀？

屋前，影張大合照先！

將來退体後，有間屋如此，都唔錯、唔錯喎！

呢個是我地的私人温泉。

戴住聖誕帽泡温泉，幾有氣氛！

全部人都去玩高卡車。

我都有玩，幾刺激呀！

夜晚，留在屋來玩吓牌，

扮吓野、開聖誕派對，還有.........

最開心一定是五個小朋友，有間大屋比佢地走來走去啦！

三個女仔一間房，一齊睡，梗係開心到痺啦！

我地間屋對住煙花區，所以唔洗錢，都有煙花睇，真係好靚、好近。

P.S. 家姐、妹妹，雖然妳地沒有堂兄弟、表姊妹，但有幾個由細玩到大的好朋友，經常一起聚會，實在難得。今次還一起去旅行，可惜兩日一夜時間略少，希望以後有機會一齊去多幾日吧！

我地這班好朋友，愈來愈似一家人啦！

 

平安夜-2008

今年的平安夜，我地睇完[荒失失奇兵]後，就去了吃一頓聖誕晚餐，然後就在商場週圍影吓相，這樣一家四口過了一個既平凡，但開心的平安夜！

不過，她們最開心的，還是期待明天的南昆山之旅！

印度西施？

妹妹似唔似印度西施呀？

Rachel - Jazz Show - 2008

家姐學了 Jazz 三個月，終於有機會第一次公開表演啦！

http://hk.youtube.com/watch?v=bWusMOfIOP0

 

Rachel -民歌表演 - 2008

上星期六，家姐學校舉行了一個民歌晚會，家姐本來被選了做司儀，她開心到不得了，可惜最終老師取消了，理由是家姐本身是表演者，叫她專心表演比較好，家姐很失望，只好接受吧！

家姐表演獨唱 " Yesterday Once More"，雖然，唱得不是很好，但第一次 Solo，算係 OK 啦！

http://hk.youtube.com/watch?v=NoGOLkinBAY

 

光蔭似箭！

日子一天一天的過去，兩姊妹亦一日一日的長大，和她們一起的日子，時間過得特別快，一年容易又到了十二月！

不經不覺，妹妹已經二年級，

家姐更是四年級，好快又升中學了！果然是[光蔭似箭]！

神洲七号

近排，香港人真係鐘意排隊，例如: 百貨公司大減價、電腦展等，都大排長龍。今日，輪到科學館，睇神洲七号航天展，又係排到飛起，好在我地[快人一步，理想達到]，排了大半個鍾，終於可以入場。

同三個太空人影張相先！

來張全家幅。

太空衣。

太空食物。

踏出太空的一刻！

參觀消防局

第一次做家長義工，就是帶妹妹一班二年級學生，到消防局參觀。

整班小朋友又開心 、又好奇，很留心聽消防員哥哥講解。

今次做義工，幫妹妹影到張靚相，真開心！

2A班全班同學

第幾位對話？

由妹妹兩、三歲開始，一有時間，我和她就有以下的對話，直至現在，妹妹仍然肯同我玩。

媽咪: [妹妹，媽咪第幾位呀？]

妹妹: [媽咪係第一位，第二位都係媽咪，一佰位都係媽咪。]

媽咪: [最鍾意媽咪？]

妹妹: [妹妹最鍾意係媽咪。]

這種心甜的對話，唔知可以玩到幾時呢？八歲、九歲，定十歲...............？

 

 

 

 

瑞士雞翼

今日，煮咗阿蘇教的瑞士雞翼。

都 OK 傢！家姐給我一個字[棒]。

愉景灣

講咗去愉景灣好耐，終於去了一趟。

要搭船傢！

一排排的屋，真係好有外國 feel。

外國 feel，就梗係有沙灘，同.............

户外餐廳啦！

周打海鮮湯，好好味傢！

家姐話: 這個漢堡包，都好好味喎！