放了個半月嘅暑假又結束了，今年嘅暑假安排了很多活動，每天都很充實，我差不多每天都陪着佢地，帶出帶入，都無哂自己嘅時間，可算是最全情投入嘅一年！
九月開學，又係一個新開始，嚟緊呢一年對於家姐來講係重要嘅一年，對於我來說都係一個大挑戰，不過一切我地都已經有心理準備，Ready, Go!
2010年8月29日 星期日
2010年8月25日 星期三
澳門 -萊斯洒店
趁暑假剩番一個星期，星期六、日過咗澳門玩，本來想帶埋兩個女去玩，點知阿女唔肯跟，於是我地就同 Kenny 兩公婆一齊去。
次次去澳門拜山都係一家大細，住洒店最緊要平同就腳，今次兩公婆過來，住咗 Kenny 介紹嘅萊斯洒店。
雖然係三星，但外觀好靚，有別於其他澳門洒店，無賭場，唔就腳，但好靜，好舒服！
間洒店大堂好細，但係好有英式 feel。
間房都好舒服，好靚！
最正就係呢個露台，可以看海，
就係睇到呢個海，好 releax!
講返今次嘅行程，無什麼 planning，一落船先去買咖哩醬，本來阿姐話兩點先開，不過見我地由香港遠道而來，就提早賣比我地啦！
四圍行吓，食吓。
行咗成日，好疲倦，去咗按腳。
之後去咗陸軍俱樂部食晚飯，傾吓、食吓，無咗啲女，我地終於有餐飯食咗兩、三粒鐘喇！
入夜嘅漁人碼頭，好靜！
第二日，去咗澳門觀光塔，
我地最開心係睇到人玩笨豬跳，我地睇到好緊張，好似自己跳O甘！
我地睇人玩笨豬跳，睇咗成兩粒鍾，先坐低 hea 吓！
最後喺九如坊食午飯，再入賭場玩一陣先返香港。
2010年8月24日 星期二
沉痛
原本打算 update 去澳門啲相，點知琴晚發生嘅事，實在令我沒有心機寫下去。
二零一零年八月二十三日(農曆七月十四日)
**********************************************
今日全香港都一片哀傷，大部份有睇琴晚直播嘅人，個心情就更加沉重，有幸琴晚我和阿家姐出了街，無睇到當時嘅情況，但只係睇番後來重播嘅片段，已經覺得很心痛。
我地往往會因為一些天災、意外，而發覺自己有幾幸福，但如果要發生這些悲劇，才憧得珍惜，我寧願以後都沒有這些事情，我地一如以往般無病呻吟吧了！
今日一直都天陰陰，下着雨，似係在哭訴 ……
願死者安息，願主保守幸全嘅人，去面對佢地以後嘅人生。
2010年8月16日 星期一
暑期活動回顧-2010-挪亞方舟
星期六，我地成班参加了一個本地遊。
先去深井洒店食個 lunch buffet。
間洒店雖然細啲，但都幾有泰國 feel。
之後就出發去挪亞方舟。
有單車玩，又有彈床跳，
仲有手工做，
連臉都畫埋。
之後成班人一齊來美孚食飯，打 Wii，幾 happy!
不過，最開心都係 Tanya 嗰晚喺度瞓。
難得喺度瞓，梗係影吓相留念啦！
2010年8月9日 星期一
暑期活動回顧-2010-大食會 & 海洋公園
星期五，我地屋企又攪 party ，今次主角係 De De 姨姨。
De De 姨姨帶埋 Mi Mi 來，一齊玩吓 Uno 和打吓 Wii。
\
仲有好多嘢食添！
星期日，終於還家姐心願，去咗海洋公園個夏水禮，超熱！
兩姊妹，大人同細路嘅水梯都玩咗，因為太快，影唔到佢地，所以見到呢兩張職員影嘅相，又影得佢地O甘靚，爸爸都即刻買。
玩完水梯，仲有好多嘢玩。
曄！嚇死人，泡泡父女。
玩完夏水禮，就去食飯，之後再玩其他遊戲。
訂閱：
文章 (Atom)