趁暑假剩番一個星期，星期六、日過咗澳門玩，本來想帶埋兩個女去玩，點知阿女唔肯跟，於是我地就同 Kenny 兩公婆一齊去。
次次去澳門拜山都係一家大細，住洒店最緊要平同就腳，今次兩公婆過來，住咗 Kenny 介紹嘅萊斯洒店。
雖然係三星，但外觀好靚，有別於其他澳門洒店，無賭場，唔就腳，但好靜，好舒服！
間洒店大堂好細，但係好有英式 feel。
間房都好舒服，好靚！
最正就係呢個露台，可以看海，
就係睇到呢個海，好 releax!
講返今次嘅行程，無什麼 planning，一落船先去買咖哩醬，本來阿姐話兩點先開，不過見我地由香港遠道而來，就提早賣比我地啦！
四圍行吓，食吓。
行咗成日，好疲倦，去咗按腳。
之後去咗陸軍俱樂部食晚飯，傾吓、食吓，無咗啲女，我地終於有餐飯食咗兩、三粒鐘喇！
入夜嘅漁人碼頭，好靜！
第二日，去咗澳門觀光塔，
我地最開心係睇到人玩笨豬跳，我地睇到好緊張，好似自己跳O甘！
我地睇人玩笨豬跳，睇咗成兩粒鍾，先坐低 hea 吓！
最後喺九如坊食午飯，再入賭場玩一陣先返香港。
沒有留言:
張貼留言